Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Exodo 38:1-31

38  Ket inaramidna ti altar ti daton a mapuoran manipud kayo ti akasia. Lima a kasiko idi ti kaatiddogna, ket lima a kasiko ti kaakabana, a kuadrado dayta, ket tallo a kasiko ti kangatona.+  Kalpasanna inaramidna dagiti sarana+ iti rabaw ti uppat a sulina. Dagiti sarana nagtaud iti dayta. Sumaganad kinalupkopanna iti gambang.+  Kalpasan dayta inaramidna amin dagiti aruaten ti altar, dagiti lata ken dagiti suplad ken dagiti malukong, dagiti tinidor ken dagiti pagikkan iti apuy. Amin dagiti aruatenna inaramidna iti gambang.+  Inyaramidanna pay ti altar iti maysa a rehas, maysa nga iniket a gambang, iti baba ti ngarabna, nga agpababa a kumamang iti tengngana.+  Kalpasanna nangsukog iti uppat a singsing iti uppat nga ungto iti asideg ti rehas a gambang, kas pangpatibker kadagiti assiw.  Kalpasan dayta inaramidna dagiti assiw a kayo ti akasia ket kinalupkopanna ida iti gambang.+  Kalpasanna inyusokna dagiti assiw kadagiti singsing nga adda kadagiti sikigan ti altar tapno dagita ti pangawit iti dayta.+ Inaramidna a nalukong a baul a tabtabla.+  Kalpasanna inaramidna ti palanggana a gambang+ ken ti pagsaadanna a gambang, babaen ti panangusar kadagiti pagsarmingan ti babbai nga ad-adipen a nagaramid iti naurnos a panagserbi iti pagserkan ti tolda ti gimong.+  Ket inaramidna ti paraangan.+ Maipaay iti sikigan a sumango iti Negeb, iti agpaabagatan, dagiti balengbeng ti paraangan naaramidda iti napino a lienso a tinabid, iti sangagasut a kasiko.+ 10  Ti duapulo nga adigida ken ti duapulo a sulluop a batayda naaramid iti gambang. Dagiti pasok ti ad-adigi ken dagiti nagsilpuanda naaramid iti pirak.+ 11  Kasta met, maipaay iti sikigan iti amianan adda idi sangagasut a kasiko. Ti duapulo nga adigida ken ti duapulo a sulluop a batayda naaramid iti gambang. Dagiti pasok ti ad-adigi ken dagiti nagsilpuanda naaramid iti pirak.+ 12  Ngem maipaay iti sikigan iti laud, dagiti balengbeng agpaay iti limapulo a kasiko. Dagiti adigida sangapulo idi ket ti sulluop a batbatayda sangapulo.+ Dagiti pasok ti ad-adigi ken dagiti nagsilpuanda naaramid iti pirak. 13  Ket maipaay iti sikigan iti daya a sumango iti leleggakan ti init adda idi limapulo a kasiko.+ 14  Dagiti balengbeng agpaayda iti sangapulo ket lima a kasiko agingga iti maysa a sikigan. Dagiti adigida tallo idi ket ti sulluop a batbatayda tallo.+ 15  Ket maipaay iti sabali pay a sikigan, iti daytoy kasta met iti dayta a sikigan, ti ruangan ti paraangan, dagiti balengbeng agpaayda iti sangapulo ket lima a kasiko. Dagiti adigida tallo idi ket ti sulluop a batbatayda tallo.+ 16  Amin dagiti balengbeng ti paraangan iti aglikmut naaramidda iti napino a lienso a tinabid. 17  Ket ti sulluop a batbatay a maipaay kadagiti adigi naaramidda iti gambang. Dagiti pasok ti ad-adigi ken dagiti nagsilpuanda naaramidda iti pirak ket ti kalupkop dagiti murdongda naaramid iti pirak, ket adda pirak a nagsisilpuan maipaay iti amin nga adigi ti paraangan.+ 18  Ket ti tabing ti ruangan ti paraangan isu ti aramid ti maysa a mangngabel, nga asul a sinulid ken delana a natinaan iti lumabaga a purpura ken cocus nga eskarlata a material ken napino a lienso a tinabid,+ ket duapulo a kasiko ti kaatiddogna, ket ti kangato ti intero a kalawana lima a kasiko a kapada dagiti balengbeng ti paraangan.+ 19  Ket ti uppat nga adigida ken ti uppat a sulluop a batayda naaramidda iti gambang. Dagiti pasokda naaramidda iti pirak ket ti kalupkop dagiti uloda ken dagiti nagsilpuanda naaramidda iti pirak. 20  Ket amin dagiti pasok ti tolda a maipaay iti tabernakulo ken maipaay iti paraangan iti aglikmut naaramidda iti gambang.+ 21  Ti sumaganad isu ti bambanag a naimbentario iti tabernakulo, ti tabernakulo ti Pammaneknek,+ a naimbentario iti panagbilin ni Moises, kas panagserbi dagiti Levita+ iti sidong ti panangibagnos ni Itamar+ nga anak ni Aaron a padi. 22  Ket ni Bezalel+ nga anak ni Uri nga anak ni Hur iti tribu ti Juda inaramidna amin nga imbilin ni Jehova ken Moises. 23  Ket kaduana idi ni Oholiab+ nga anak ni Ahisamac iti tribu ti Dan, maysa a nasigo a tumatrabaho ken bumuborda ken mangngabel iti asul a sinulid ken iti delana a natinaan iti lumabaga a purpura ken cocus nga eskarlata a material ken napino a lienso. 24  Isuamin a balitok a nausar iti panagtrabaho iti isuamin a trabaho ti nasantuan a disso immabut iti gatad ti balitok ti daton a mailili,+ duapulo ket siam a talento ken pito gasut ket tallopulo a siklo iti siklo+ ti nasantuan a disso.+ 25  Ket ti pirak dagidiay naipasalista iti gimong sangagasut a talento ken sangaribu pito gasut pitopulo ket lima a siklo iti siklo ti nasantuan a disso. 26  Ti kagudua a siklo a maipaay iti maysa a tao isu ti kagudua ti maysa a siklo iti siklo ti nasantuan a disso, maipaay iti tunggal lalaki a lumaslasat idi nga agturong kadagidiay naipasalista manipud duapulo a tawen ti edadna ken agpangato,+ agdagup iti innem a gasut ken tallo a ribu lima gasut ket limapulo.+ 27  Ket sangagasut a talento a pirak ti napan iti panangsukog iti sulluop a batbatay ti nasantuan a disso ken iti sulluop a batbatay ti kortina. Ti sangagasut a sulluop a batay naitupag iti sangagasut a talento, maysa a talento iti maysa a sulluop a batay.+ 28  Ket manipud iti sangaribu pito gasut pitopulo ket lima a siklo isu nangaramid kadagiti pasok maipaay iti ad-adigi ket kinalupkopanna dagiti murdongda ken pinagsisilpona ida. 29  Ket ti gambang ti daton a mailili pitopulo a talento ken dua ribu uppat a gasut a siklo. 30  Ket babaen itoy inaramidna ti sulluop a batbatay ti pagserkan ti tolda ti gimong ken ti altar a gambang ken ti rehas a gambang nga agpaay iti dayta, ken amin dagiti aruaten ti altar, 31  ken ti sulluop a batbatay ti paraangan iti aglikmut, ken ti sulluop a batbatay ti ruangan ti paraangan, ken amin dagiti pasok ti tolda ti tabernakulo ken amin dagiti pasok ti tolda+ ti paraangan iti aglikmut.

Footnotes