Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Exodo 36:1-38

36  “Ket ni Bezalel masapul nga agtrabaho, kasta met ni Oholiab+ ken tunggal nasirib-panagpuspusona a tao a nangipaayan ni Jehova iti kinasirib+ ken pannakaawat+ kadagitoy a banag tapno ammoda no kasano nga aramiden ti isuamin a trabaho ti nasantuan a panagserbi maitunos iti isuamin nga imbilin ni Jehova.”+  Ket inayaban ni Moises da Bezalel ken Oholiab ken ti tunggal nasirib-panagpuspusona a tao nga iti pusona inkabil ni Jehova ti kinasirib,+ tunggal maysa a tinignay ti pusona nga umasideg iti trabaho tapno aramidenna.+  Kalpasanna innalada manipud sanguanan ni Moises ti isuamin a kontribusion+ nga inyeg ti annak ti Israel maipaay iti trabaho ti nasantuan a panagserbi tapno aramidenda dayta, ket, no maipapan kadagiti naud-udi a nadakamat, nangyegda pay kenkuana iti boluntario a daton iti binigambigat.  Ket amin dagidiay masirib a mangar-aramid idi iti isuamin a nasantuan a trabaho nangrugida nga umay, nga agsasaruno tunggal lalaki, manipud iti trabahoda nga ar-aramidenda,  ken kunaen ken Moises: “Dagiti umili agiyegda iti ad-adu ngem iti kasapulan ti panagserbi maipaay iti trabaho nga imbilin ni Jehova nga aramiden.”  Gapuna imbilin ni Moises a rebbeng a paiwaragawagda ti maysa a pakaammo iti pakarso, a kunkunana: “Lallaki ken babbai, dikay mangpatauden iti aniaman a banag a maipaay iti nasantuan a kontribusion.” Iti kasta napawilan dagiti umili a mangyeg iti dayta.  Ket ti banag umanay idi maipaay iti isuamin a trabaho nga aramiden, ket aglaplapusanan.  Ket isuamin dagiti nasirib-panagpuspusona+ kadagidiay mangar-aramid iti trabaho inaramidda ti tabernakulo,+ ti sangapulo a lupot ti tolda manipud napino a lienso a tinabid ken asul a sinulid ken delana a natinaan iti lumabaga a purpura ken cocus nga eskarlata a material; addaan kerkerubin, ti aramid ti maysa a bumuborda, inaramidna ida.  Ti kaatiddog ti tunggal lupot ti tolda duapulo ket walo a kasiko, ket ti kaakaba ti tunggal lupot ti tolda uppat a kasiko. Adda maymaysa a rukod maipaay iti amin a lupot ti tolda. 10  Kalpasanna pinagsisilpona ti lima a lupot ti tolda iti maysa ken maysa,+ ket ti lima a sabali pay a lupot ti tolda pinagsilpona iti maysa ken maysa. 11  Kalpasan dayta isu nangaramid kadagiti laog nga asul a sinulid iti pingir ti maysa a lupot ti tolda iti pungto a nagsabtan. Inaramidna ti isu met laeng iti pingir ti makinruar amin a lupot ti tolda iti sabali pay a nagsabtan.+ 12  Nangaramid iti limapulo a laog iti maysa a lupot ti tolda, ket nangaramid iti limapulo a laog iti ungto ti lupot ti tolda nga adda iti sabali pay a nagsabtan, a dagiti laog agbabatogda iti maysa ken maysa.+ 13  Kamaudiananna, nangaramid iti limapulo a kawit a balitok ket pinagsisilpona dagiti lupot ti tolda iti maysa ken maysa babaen kadagiti kawit, iti kasta nagbalin a maysa a tabernakulo.+ 14  Ket nangaramid kadagiti lupot ti tolda a dutdot ti kalding maipaay iti tolda iti rabaw ti tabernakulo. Sangapulo ket maysa a lupot ti tolda ti inaramidna.+ 15  Ti kaatiddog ti tunggal lupot ti tolda tallopulo a kasiko, ket ti kaakaba ti tunggal lupot ti tolda uppat a kasiko. Adda maymaysa a rukod maipaay iti sangapulo ket maysa a lupot ti tolda.+ 16  Kalpasanna pinagsisilpona ti lima a lupot ti tolda ken ti innem a sabsabali pay a lupot ti tolda.+ 17  Sumaganad nangaramid iti limapulo a laog iti pingir ti makinruar amin a lupot ti tolda iti nagsabtan, ket nangaramid iti limapulo a laog iti pingir ti sabali pay a lupot ti tolda a naisilpo iti dayta.+ 18  Kalpasan dayta nangaramid iti limapulo a kawit a gambang a maipaay iti panamagsisilpo iti tolda tapno agbalin a maymaysa a pedaso.+ 19  Ket nangaramid iti maysa nga abbong a maipaay iti tolda manipud iti lalat ti kalakian a karnero a natinaan iti nalabaga ken maysa nga abbong manipud kadagiti lalat ti foka+ agingga iti ngato.+ 20  Kalpasanna inaramidna dagiti baskag ti diding a maipaay iti tabernakulo manipud kayo ti akasia,+ a nakatakder iti ungto. 21  Sangapulo a kasiko idi ti kaatiddog ti maysa a baskag ti diding, ket maysa a kasiko ket kagudua ti kaakaba ti tunggal baskag ti diding.+ 22  Tunggal baskag ti diding addaan iti dua a palaupo a naisulluop ti maysa iti sabali. Kasta ti inaramidna kadagiti amin a baskag ti diding ti tabernakulo.+ 23  Gapuna inaramidna dagiti baskag ti diding maipaay iti tabernakulo, duapulo a baskag ti diding maipaay iti sikigan a sumango iti Negeb, agpaabagatan.+ 24  Ket nangaramid iti uppat a pulo a sulluop a batay a pirak maipaay iti baba ti duapulo a baskag ti diding, dua a sulluop a batay iti baba ti maysa a baskag ti diding agraman ti dua a palaupona ken dua a sulluop a batay iti baba ti sabali pay a baskag ti diding agraman ti dua a palaupona.+ 25  Ket maipaay iti sabali pay a sikigan ti tabernakulo, ti makin-amianan a sikigan, isu nangaramid iti duapulo a baskag ti diding+ 26  ken ti uppat a pulo a sulluop a batayda a pirak, dua a sulluop a batay iti baba ti maysa a baskag ti diding ken dua a sulluop a batay iti baba ti sabali pay a baskag ti diding.+ 27  Ket maipaay kadagiti makinlikud a benneg ti tabernakulo nga agpalaud isu nangaramid iti innem a baskag ti diding.+ 28  Ket nangaramid iti dua a baskag ti diding kas dugdugo ti tabernakulo iti dua a makinlikud a bennegna.+ 29  Ket nagrutapda iti baba ket sangsangkamaysada a nagsingin agingga iti tuktok ti tunggal maysa iti umuna a singsing. Dayta ti inaramidna kadakuada nga agpadpada, iti dua a dugo.+ 30  Gapuna nagdagupda iti walo a baskag ti diding ket ti sulluop a batbatayda a pirak sangapulo ket innem, dua a sulluop a batay a sumaruno iti dua a sulluop a batay iti baba ti tunggal baskag ti diding.+ 31  Ket nangaramid kadagiti balunet a kayo ti akasia, lima maipaay kadagiti baskag ti diding ti maysa a sikigan ti tabernakulo+ 32  ken lima a balunet maipaay kadagiti baskag ti diding ti sabali pay a sikigan ti tabernakulo ken lima a balunet maipaay kadagiti baskag ti diding ti tabernakulo maipaay iti dua a makinlikud a benneg nga agpalaud.+ 33  Kalpasanna inaramidna ti makintengnga a balunet a lumsot nga agtartarus iti tengnga dagiti baskag ti diding manipud iti maysa nga ungto agingga iti sabali.+ 34  Ket kinalupkopanna dagiti baskag ti diding iti balitok, ket inaramidna dagiti singsingda a balitok a kas pangpatibker kadagiti balunet, ket kinalupkopanna dagiti balunet iti balitok.+ 35  Ket nangaramid iti kortina+ nga asul a sinulid ken delana a natinaan iti lumabaga a purpura ken cocus nga eskarlata a material ken napino a lienso a tinabid. Babaen ti aramid ti maysa a bumuborda inaramidna nga addaan kerkerubin.+ 36  Kalpasanna inyaramidanna iti uppat nga akasia nga adigi ket kinalupkopanna ida iti balitok, a dagiti pasokda naaramid iti balitok, ket insukoganna ida iti uppat a sulluop a batay a pirak.+ 37  Ket nangaramid iti tabing maipaay iti pagserkan ti tolda manipud iti asul a sinulid ken delana a natinaan iti lumabaga a purpura ken cocus nga eskarlata a material ken napino a lienso a tinabid, ti aramid ti mangngabel,+ 38  ken ti lima nga adigina ken dagiti pasokda. Ket kinalupkopanna dagiti murdongda ken dagiti nagsilpuanda iti balitok, ngem ti lima a sulluop a batayda naaramid iti gambang.+

Footnotes