Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Exodo 35:1-35

35  Idi agangay inayaban a sangsangkamaysa ni Moises ti intero a gimong ti annak ti Israel ket kinunana kadakuada: “Dagitoy ti sasao nga imbilin ni Jehova, tapno aramidenyo ida:+  Innem nga aldaw a mabalin nga aramiden ti trabaho,+ ngem iti maikapito nga aldaw agbalinto a nasantuan a banag kadakayo, maysa a sabbath ti naan-anay a panaginana ken Jehova. Asinoman nga agtrabaho iti dayta mapapatayto.+  Dikay mangpasged iti apuy iti aniaman kadagiti disso a pagnanaedanyo iti aldaw ti sabbath.”  Ket kinuna ni Moises iti intero a gimong ti annak ti Israel: “Daytoy ti sao nga imbilin ni Jehova, a kunkunana,  ‘Manipud kadakayo mangalakayo iti kontribusion ken Jehova.+ Tunggal maysa a situtulok ti pusona+ iyegna koma kas kontribusion ni Jehova, awan sabali, ti balitok ken pirak ken gambang+  ken asul a sinulid ken delana a natinaan iti lumabaga a purpura ken cocus nga eskarlata a material ken napino a lienso ken dutdot ti kalding+  ken lallalat ti kalakian a karnero a natinaan iti nalabaga ken lallalat ti foka ken kayo ti akasia  ken lana a maipaay iti silaw ken lana ti balsamo a maipaay iti pangpulot a lana ken maipaay iti napabanglo nga insienso+  ken onix a batbato ken pagtampok a batbato maipaay iti efod+ ken maipaay iti pektoral.+ 10  “‘Ket amin dagidiay nasirib-panagpuspusona+ kadakayo umayda koma ket aramidenda ti isuamin nga imbilin ni Jehova, 11  awan sabali, ti tabernakulo agraman ti toldana ken ti abbongna, dagiti kawitna ken dagiti baskag ti didingna, dagiti balunetna, dagiti adigina ken ti sulluop a batbatayna; 12  ti Lakasa+ ken dagiti assiwna,+ ti kalub+ ken ti kortina+ ti tabing; 13  ti lamisaan+ ken dagiti assiwna ken amin nga aruatenna ken ti tinapay ti pamarang;+ 14  ken ti pagsaadan ti silaw+ a pagsilnag ken dagiti aruatenna ken dagiti pagsilawanna ken ti lana+ a maipaay a pagsilnag; 15  ken ti altar ti insienso+ ken dagiti assiwna; ken ti pangpulot a lana ken ti napabanglo nga insienso;+ ken ti tabing ti pagserkan a maipaay iti pagserkan ti tabernakulo; 16  ti altar+ ti daton a mapuoran ken ti gambang a rehas a maipaay iti dayta, dagiti assiwna ken amin dagiti aruatenna; ti palanggana+ ken ti pagsaadanna; 17  dagiti balengbeng ti paraangan,+ dagiti adigina ken ti sulluop a batbatayna; ken ti tabing ti ruangan ti paraangan; 18  dagiti pasok ti tolda ti tabernakulo ken dagiti pasok ti tolda ti paraangan ken dagiti singdanda;+ 19  dagiti kawes+ a ginansilio a maipaay iti panagserbi iti santuario, ti nasantuan a kawkawes+ a maipaay ken Aaron a padi ken dagiti kawes ti annakna a maipaay iti panagakem a kas papadi.’” 20  Iti kasta ti intero a gimong ti annak ti Israel rimmuar manipud sanguanan ni Moises. 21  Kalpasanna immayda, tunggal maysa a tinignay ti pusona,+ ket inyegda, tunggal maysa a ginutugot ti espirituna, ti kontribusion ni Jehova a maipaay iti trabaho ti tolda ti gimong ken maipaay iti isuamin a panagserbi iti dayta ken maipaay iti nasantuan a kawkawes. 22  Ket nagtultuloyda nga immay, dagiti lallaki a kaduada dagiti babbai, tunggal maysa a situtulok ti pusona. Nangyegda kadagiti maisab-it nga arkos ken ar-aritos ken kadagiti singsing ken kadagiti pagarkos ti babai, amin a kita dagiti aruaten a balitok, awan sabali, tunggal maysa a nangidiaya ken Jehova iti daton a mailili a balitok.+ 23  Ket amin dagidiay addaan iti asul a sinulid ken delana a natinaan iti lumabaga a purpura ken cocus nga eskarlata a material ken napino a lienso ken dutdot ti kalding ken lallalat ti kalakian a karnero a natinaan iti nalabaga ken lallalat ti foka, inyegda ida.+ 24  Amin dagidiay mangipapaay iti kontribusion a pirak ken gambang inyegda ti kontribusion ni Jehova, ket amin dagidiay addaan iti kayo ti akasia a maipaay iti isuamin a trabaho ti panagserbi inyegda dayta. 25  Ket amin dagiti babbai a masirib ti pusoda+ nagtibbida babaen ti im-imada, ket intultuloyda nga inyeg kas sag-ut ti asul a sinulid ken ti delana a natinaan iti lumabaga a purpura, ti cocus nga eskarlata a material ken ti napino a lienso. 26  Ket amin dagiti babbai a tinignay ti puspusoda buyogen ti kinasirib tinibbida ti dutdot ti kalding. 27  Ket dagiti panguluen nangyegda iti onix a batbato ken pagtampok a batbato a maipaay iti efod ken iti pektoral,+ 28  ken ti lana ti balsamo ken ti lana a maipaay a pagsilnag ken maipaay iti pangpulot a lana ken maipaay iti napabanglo nga insienso.+ 29  Tunggal lalaki ken babai a ginutugot ti puspusoda a mangyeg iti banag a maipaay iti isuamin a trabaho nga imbilin ni Jehova nga aramiden babaen ken Moises inaramidda ti kasta; nangyeg ti annak ti Israel iti boluntario a daton ken Jehova.+ 30  Kalpasanna kinuna ni Moises iti annak ti Israel: “Kitaenyo, ni Jehova inawaganna nga innaganan ni Bezalel+ nga anak ni Uri nga anak ni Hur iti tribu ti Juda. 31  Ket isu pinunnona iti espiritu ti Dios iti kinasirib, iti pannakaawat ken iti pannakaammo ken iti tunggal kita ti kinasigo iti panagtrabaho 32  ken maipaay iti panagdisenio kadagiti alikamen, maipaay iti panagtrabaho iti balitok ken pirak ken gambang,+ 33  ken iti panagtrabaho iti batbato tapno itampok ida ken iti panagtrabaho iti kayo tapno mangaramid iti tunggal kita ti nasigo a gapuanan.+ 34  Ket inkabilna dayta iti pusona tapno mangisuro koma, isu ken ni Oholiab+ nga anak ni Ahisamac iti tribu ti Dan. 35  Pinunnona ida iti kinasirib ti puso+ a mangaramid iti isuamin a trabaho ti nasigo a tumatrabaho ken ti bumuborda+ ken ti mangngabel iti asul a sinulid ken delana a natinaan iti lumabaga a purpura, iti cocus nga eskarlata a material ken napino a lienso, ken ti trabahador iti pagabelan, lallaki nga agar-aramid iti tunggal kita ti trabaho ken panagdisenio kadagiti alikamen.

Footnotes