Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Exodo 33:1-23

33  Ket ni Jehova kinunana pay ken Moises: “Mapanka, sumang-atka manipud ditoy, sika ken dagiti umili nga impanawmo iti daga ti Egipto,+ nga agturong iti daga a maipapan iti dayta nagsapataak kada Abraham, Isaac ken Jacob, a kinunak, ‘Iti bin-im itdekto dayta.’+  Ket mangibaonakto iti anghel iti sanguanam+ ket pagtalawek dagiti Canaanita, dagiti Amoreo, ken dagiti Heteo ken dagiti Perizeo, dagiti Heveo ken dagiti Jebuseo;+  nga agturong iti maysa a daga a pagay-ayusan ti gatas ken diro,+ ta saanakto a sumang-at iti tengngayo, agsipud ta dakayo ket ili a natangken ti panaglenglengngesna,+ tapno saankayo a talipuposen iti dalan.”+  Idi nangngeg dagiti umili daytoy dakes a sao, nangrugida nga agleddaang;+ ket awan kadakuada ti nangikabil kadagiti arkosna iti bagina.  Ket ni Jehova kinunana ken Moises: “Sawem iti annak ti Israel, ‘Dakayo ket ili a natangken ti panaglenglengngesna.+ Iti apagkanito+ mabalinko ti sumang-at iti tengngam ket pudno unay a talipuposenka. Gapuna ita idissom dagiti arkosmo manipud iti bagim, yantangay kayatko a maammuan no ania ti aramidek kenka.’”+  Ket ti annak ti Israel inikkatda dagiti arkosda iti bagbagida manipud Bantay Horeb+ nga agpatpatuloy.  No maipapan ken Moises, inikkatna ti toldana ket imbangonna iti ruar ti pakarso, adayo iti pakarso; ket inawaganna dayta iti tolda ti gimong. Ket napasamak a tunggal maysa nga agimtuod+ ken Jehova rummuar a mapan iti tolda ti gimong, nga adda iti ruar ti pakarso.  Ket napasamak nga apaman a ni Moises rimmuar a mapan iti tolda, tumakder dagiti amin nga umili,+ ket insaadda ti bagbagida tunggal maysa iti pagserkan ti bukodna a tolda, ket minatmatanda ni Moises agingga a simrek iti tolda.  Napasamak met nga apaman a nakastreken ni Moises iti tolda, bumaba ti munmon nga ulep,+ ket nagtakder dayta iti pagserkan ti tolda ket isu nakisao+ ken Moises. 10  Ket amin dagiti umili nakitada ti munmon nga ulep+ a sitatakder iti pagserkan ti tolda, ket timmakder amin dagiti umili ken nagruknoyda tunggal maysa iti pagserkan ti bukodna a tolda.+ 11  Ket ni Jehova nakisao ken Moises a rupanrupa,+ kas iti pannakisao ti maysa a tao iti kaduana. Idi isu nagsubli iti pakarso, ti ministrona+ a ni Josue, ti anak ni Nun,+ kas katulongan, saan a pumanaw iti tengnga ti tolda. 12  Ita ni Moises kinunana ken Jehova: “Kitaem, kunkunaem kaniak, ‘Iturongmo daytoy nga ili,’ ngem sika saanmo nga impakaammo kaniak ti ibaonmonto a kumuyog kaniak. Mainayon pay, sika kinunam, ‘Am-ammoka iti nagan+ ken, malaksid iti dayta, nakasarakka iti pabor kadagiti matak.’ 13  Ket ita, pangngaasim, no nakasarakak iti pabor kadagiti matam,+ ipakaammom kaniak, pangngaasim, ti daldalanmo,+ iti kasta maam-ammoka, tapno makasarakak iti pabor kadagita matam. Ket panunotem a daytoy a nasion isu ti ilim.”+ 14  Gapuna kinunana: “Siak a mismo kumuyogakto+ ket sigurado nga ipaayankanto iti inana.”+ 15  Gapu itoy kinunana kenkuana: “No sika a mismo saanka a kumuyog, saannakami nga iturong manipud ditoy. 16  Ket babaen ti ania, ita, a maammuanto a nakasarakak iti pabor kadagita matam, siak ken ti ilim? Saan aya a babaen ti pannakikuyogmo kadakami,+ ta siak ken ti ilim napagbalinkami a naiduma iti isuamin a sabali nga ili nga adda iti rabaw ti daga?”+ 17  Ket ni Jehova kinunana ken Moises: “Daytoy a banag, met, a sinaom, aramidekto,+ agsipud ta nakasarakka iti pabor kadagiti matak ken am-ammoka iti nagan.” 18  Gapu itoy kinunana: “Ipakitam kaniak, pangngaasim, ti dayagmo.”+ 19  Ngem kinunana: “Siak palabasekto iti sanguanan ti rupam ti isuamin a kinaimbagko,+ ket ideklarakto ti nagan ni Jehova iti sanguanam;+ ket paraburakto daydiay mabalinko a paraburan, ket ipakitakto ti asi iti daydiay mabalinko nga ipakitaan iti asi.”+ 20  Ket innayonna: “Saanmo a kabalinan a kitaen ti rupak, agsipud ta awan ti tao a makakita kaniak ket kaskasdi nga agbiag.”+ 21  Ket kinuna pay ni Jehova: “Adtoy ti maysa a lugar iti sibayko, ket agsaadkanto iti rabaw ti bato. 22  Ket kasapulan a mapasamak a bayat a lumablabas ti dayagko ikabilkanto iti maysa nga abut iti bato, ket ikabilkonto ti dakulapko iti ngatuem a kas tabing agingga a makalabasak. 23  Kalpasan dayta ikkatekto ti dakulapko, ket pudno a makitamto ti likudak. Ngem ti rupak saan a mabalin a makita.”+

Footnotes