Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Exodo 3:1-22

3  Ket ni Moises nagbalin a pastor ti arban ni Jetro,+ ti padi ti Midian, a makinmanugang kenkuana.+ Bayat nga ab-abugenna idi ti arban nga iturong iti makinlaud a deppaar ti let-ang, isu dimteng idi agangay iti bantay ti pudno a Dios,+ iti Horeb.+  Idin ti anghel ni Jehova nagparang kenkuana iti gil-ayab ti apuy iti tengnga ti siitan a bassit a kayo.+ Bayat a kumitkita idi, ay ket, adtoy ti siitan a bassit a kayo sumsumged idi iti apuy ket kaskasdi ti siitan a bassit a kayo saan a napuoran.  Gapu itoy kinuna ni Moises: “Umasibayak tapno masukimatko daytoy naindaklan a karkarna, no apay a ti siitan a bassit a kayo saan a mauram.”+  Idi nakita ni Jehova nga isu immasibay tapno agsukimat, madagdagus nga inawagan ti Dios manipud tengnga ti siitan a bassit a kayo ket kinunana: “Moises! Moises!” nga iti dayta kinunana: “Adtoyak.”+  Idin kinunana: “Dika umasideg ditoy. Uksotem dagiti pallokam kadagita sakam, agsipud ta ti lugar a pagtaktakderam ket nasantuan a daga.”+  Ket intultuloyna a kunaen: “Siak ti Dios ni amam, ti Dios ni Abraham, ti Dios ni Isaac ken ti Dios ni Jacob.”+ Idin inlinged ni Moises ti rupana, gapu ta mabuteng idi a kumita iti pudno a Dios.  Ket innayon ni Jehova: “Di mapagduaduaan a nakitak ti pannakaparigat ti ilik nga adda idiay Egipto, ket nangngegko ti ikkisda kas imbunga dagidiay mangdagdagdag kadakuada nga agtrabaho; agsipud ta ammok unay dagiti rigat a sagsagabaenda.+  Ket bumabaak tapno ispalek ida iti ima dagiti Egipcio+ ken tapno aonek ida iti dayta a daga nga ipan iti maysa a daga a nasayaat ken nalawa, iti maysa a daga a pagay-ayusan ti gatas ken diro,+ iti lugar dagiti Canaanita ken dagiti Heteo ken dagiti Amoreo ken dagiti Perizeo ken dagiti Heveo ken dagiti Jebuseo.+  Ket ita, adtoy! ti ikkis ti annak ti Israel dimteng kaniak, ket nakitak met ti panangirurumen a pangirurrurumen kadakuada dagiti Egipcio.+ 10  Ket ita umayka ket ibaonka ken Faraon, ket iruarmo ti ilik nga annak ti Israel manipud Egipto.”+ 11  Nupay kasta, kinuna ni Moises iti pudno a Dios: “Siasinoak tapno mapanak koma ken Faraon ket kasapulan nga iruarko ti annak ti Israel manipud Egipto?”+ 12  Iti daytoy kinunana: “Agsipud ta addaakto kenka,+ ket daytoy ti pagilasinan maipaay kenka a siak ti nangibaon kenka:+ Kalpasan a mairuarmo ti ili manipud Egipto, agserbikayto iti pudno a Dios itoy a bantay.”+ 13  Nupay kasta, kinuna ni Moises iti pudno a Dios: “Kas pagarigan dumtengakon iti annak ti Israel ket kunaek kadakuada, ‘Ti Dios dagidi ammayo imbaonnak kadakayo,’ ket kunaenda kaniak, ‘Ania ti naganna?’+ Anianto ti kunaek kadakuada?” 14  Gapu itoy ti Dios kinunana ken Moises: “AGBALINAKTO NO ANIANTO TI PAGBALINAK.”+ Ket innayonna: “Daytoy ti sawem iti annak ti Israel, ‘Ni AGBALINAKTO imbaonnak kadakayo.’”+ 15  Kalpasanna kinuna ti Dios iti naminsan pay ken Moises: “Daytoy ti sawem iti annak ti Israel, ‘Ni Jehova a Dios dagidi ammayo, ti Dios ni Abraham,+ ti Dios ni Isaac+ ken ti Dios ni Jacob,+ imbaonnak kadakayo.’ Daytoy ti naganko agingga iti tiempo a di nakedngan,+ ket daytoy ti pakalaglagipan kaniak iti kinapkaputotan.+ 16  Mapanka, ket masapul nga ummongem dagiti lallakay ti Israel, ket masapul a kunaem kadakuada, ‘Ni Jehova a Dios dagidi ammayo nagparang kaniak,+ ti Dios da Abraham, Isaac ken Jacob, a kunkunana: “Di bumurong nga asikasuenkayto+ ken ti maar-aramid kadakayo iti Egipto. 17  Ket gapuna kunak, aonenkayto iti panangparigat+ dagiti Egipcio nga ipan iti daga dagiti Canaanita ken dagiti Heteo ken dagiti Amoreo+ ken dagiti Perizeo ken dagiti Heveo ken dagiti Jebuseo,+ iti maysa a daga a pagay-ayusan ti gatas ken diro.”’+ 18  “Ket sigurado nga umimdengdanto iti timekmo,+ ket masapul a mapanka, sika ken dagiti lallakay ti Israel, iti ari ti Egipto, ket masapul a kunaenyo kenkuana, ‘Ni Jehova a Dios dagiti Hebreo+ nakisao kadakami,+ ket ita kayatmi ti mapan, pangngaasim, iti maysa a panagbaniaga a tallo nga aldaw nga agturong iti let-ang, ken kayatmi ti agisakripisio ken Jehova a Diosmi.’+ 19  Ket siak, siak a mismo, ammok unay a ti ari ti Egipto saannakayto a palubosan a mapan malaksid no babaen ti maysa a napigsa nga ima.+ 20  Ket masapul nga iyunnatkonto ti imak+ ket kabilek ti Egipto babaen ti amin a nakaskasdaaw nga ar-aramidko nga aramidekto iti tengngana; ket kalpasan dayta papanawennakayto.+ 21  Ket ipaayakto daytoy nga ili iti pabor kadagiti mata dagiti Egipcio; ket sigurado a mapasamakto nga inton mapankayo, saankayto a mapan nga ima-ima.+ 22  Ket tunggal babai masapul nga agkiddaw iti kaarrubana ken iti babai nga agtataeng kas ganggannaet iti balayna iti ar-aruaten a pirak ken ar-aruaten a balitok ken kagkagay, ket masapul nga iyaruatyo ida iti annakyo a lallaki ken iti annakyo a babbai; ket masapul a bakasanyo dagiti Egipcio.”+

Footnotes