Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Exodo 24:1-18

24  Ket kinunana ken Moises: “Sumang-atka a mapan ken Jehova, sika ken ni Aaron, da Nadab ken Abihu+ ken pitopulo+ kadagiti lallakay ti Israel, ket masapul nga agruknoykayo manipud iti adayo.  Ket ni Moises masapul nga umasideg ken Jehova nga is-isuna; ngem isuda rebbeng a saanda nga umasideg, ket dagiti umili rebbeng a saanda a makipagsang-at kenkuana.”+  Kalpasanna dimteng ni Moises ket insalaysayna kadagiti umili ti amin a sasao ni Jehova ken dagiti amin a hudisial a pangngeddengna,+ ket amin dagiti umili simmungbatda iti maymaysa a timek ket kinunada: “Situtulokkami a mangaramid iti amin a sasao a sinao ni Jehova.”+  Iti kasta insurat ni Moises ti amin a sasao ni Jehova.+ Kalpasanna bimmangon a nasapa iti bigat ket nangibangon iti sakaanan ti bantay iti maysa nga altar ken sangapulo ket dua nga adigi a maitupag iti sangapulo ket dua a tribu ti Israel.+  Kalpasan dayta nangibaon kadagiti agtutubo a lallaki iti annak ti Israel ket nagidatonda iti datdaton a mapuoran ken nagisakripisioda kadagiti toro kas sakripisio, kas sakripisio a pakikaykaysa+ ken Jehova.  Kalpasanna innala ni Moises ti kagudua ti dara ket inkabilna kadagiti malukong,+ ket ti kagudua ti dara inwarsina iti rabaw ti altar.+  Kamaudiananna innalana ti libro ti tulag+ ket binasana kadagiti lapayag dagiti umili.+ Kalpasanna kinunada: “Situtulokkami a mangaramid ken agtulnog iti isuamin a sinao ni Jehova.”+  Gapuna innala ni Moises ti dara ket inwarsina kadagiti umili+ ket kinunana: “Adtoy ti dara ti tulag+ a pinatalgedan kadakayo ni Jehova no maipapan kadagitoy amin a sasao.”  Ket simmang-at da Moises ken Aaron, da Nadab ken Abihu ken pitopulo a lallakay ti Israel, 10  ket nakitada ti Dios ti Israel.+ Ket iti baba dagiti sakana adda idi ti kasla maysa nga aramid a safiro a daldalumpinas ken kasla ti mismo a langlangit iti kinasudi.+ 11  Ket saanna nga inyunnat ti imana maibusor kadagiti mabigbigbig a lallaki iti annak ti Israel,+ no di ket nasirmatada ti pudno a Dios+ ket nangan ken imminumda.+ 12  Ni Jehova kinunana ita ken Moises: “Sumang-atka nga umay kaniak iti bantay ket agyanka sadiay, yantangay kayatko nga ited kenka ti taptapi a bato ken ti linteg ken ti bilin a masapul nga isuratko tapno isuro ida.”+ 13  Gapuna timmakder ni Moises ken ni Josue a ministrona ket ni Moises simmang-at iti bantay ti pudno a Dios.+ 14  Ngem kadagiti lallakay kinunana: “Urayendakami iti daytoy a lugar agingga nga agsublikami kadakayo.+ Ket, adtoy! da Aaron ken Hur+ addada kadakayo. Siasinoman nga addaan iti kaso iti linteg, umasideg koma kadakuada.”+ 15  Ngarud simmang-at ni Moises iti bantay bayat a ti ulep ab-abbonganna idi ti bantay.+ 16  Ket ti dayag ni Jehova+ nagtultuloy nga agtaeng iti rabaw ti Bantay Sinai,+ ket intultuloy nga abbongan ti ulep iti innem nga aldaw. Idi agangay iti maikapito nga aldaw isu immawag ken Moises manipud tengnga ti ulep.+ 17  Ket iti matmata ti annak ti Israel ti buya ti dayag ni Jehova kasla maysa a mangalun-on nga apuy+ iti tuktok ti bantay. 18  Idin ni Moises simrek iti tengnga ti ulep ket simmang-at iti bantay.+ Ket ni Moises nagtalinaed iti bantay iti uppat a pulo nga aldaw ken uppat a pulo a rabii.+

Footnotes