Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Exodo 23:1-33

23  “Dika sawen ti damag a di pudno.+ Dika makitinnulong iti daydiay nadangkes babaen ti panagbalin a saksi a manggandat iti kinaranggas.+  Dika sumurot iti bunggoy maipaay kadagiti dakes a panggep;+ ket dika mangpaneknek iti panagsinnubang iti kasta sumiasika a makikadua iti bunggoy tapno ballikugem ti hustisia.+  No maipapan iti daydiay nanumo, dika mangipakita iti panangpabor iti pannakisinnubangna.+  “No masalamaam ti toro ti kabusormo wenno ti asnona a maiwawwawa, di bumurong nga isublim kenkuana.+  No makitam ti asno daydiay manggurgura kenka a napaidda iti sidong ti awitna, ngarud saanmonto a baybay-an. Di bumurong a kaduamto a mangluk-at iti dayta.+  “Saanmo a ballikugen ti hudisial a pangngeddeng ti napanglaw a taom iti pannakisinnubangna.+  “Umadayoka iti ulbod a sao.+ Ket dika papatayen ti awanan basol ken ti nalinteg, ta saankonto nga ideklara a nalinteg daydiay nadangkes.+  “Saanka nga umawat iti pasuksok, ta ti pasuksok bulsekenna dagiti nalawag-panagkitana a tattao ken mabalinna a killuen ti sasao dagiti nalinteg a tattao.+  “Ket dika irurumen ti maysa a ganggannaet nga agnanaed,+ yantangay dakayo ammoyo ti kararua ti ganggannaet nga agnanaed, agsipud ta nagbalinkayo a ganggannaet nga agnanaed idiay daga ti Egipto.+ 10  “Ket iti innem a tawen mulaam ti dagam iti bin-i ket ummongemto ti apitna.+ 11  Ngem iti maikapito a tawen bay-am nga agtangatang ket bay-amto nga agkalaegan,+ ket dagidiay napanglaw kadagiti umilim mangandanto iti dayta; ket ti mateddada kanen dagiti atap nga animal iti tay-ak.+ Kasta ti aramidem iti kaubasam ken kaolibuam. 12  “Innem nga aldaw nga aramidem ti trabahom;+ ngem iti maikapito nga aldaw sumardengka, tapno ti torom ken ti asnom makapaginanada ket ti anak a lalaki ti adipenmo a babai ken ti ganggannaet nga agnanaed mapabang-aranda.+ 13  “Ket agaluadkayo mainaig iti isuamin a sinaok kadakayo;+ ket dikay dakamaten ti nagan dagiti sabali a didios. Rebbeng a saan a mangngeg iti ngiwatmo.+ 14  “Mamitlo iti makatawen a mangrambakka iti piesta kaniak.+ 15  Salimetmetamto ti piesta dagiti di pinaalsa a tinapay.+ Mangankanto kadagiti di pinaalsa a tinapay+ iti pito nga aldaw, kas iti imbilinko kenka, iti naituding a tiempo iti bulan ti Abib,+ agsipud ta iti dayta rimmuarka manipud Egipto. Ket masapul a saanda a dumatag nga ima-ima iti sanguanak.+ 16  Kasta met, ti piesta ti panagani iti umuna a naluom a bungbunga+ dagiti bannogmo, iti immulam iti talon;+ ken ti piesta ti panagurnong iti ipapanaw ti tawen, no urnongem dagiti nagbannogam manipud iti talon.+ 17  Iti tallo a pasamak iti makatawen tunggal lalaki kenka agparangto iti sanguanan ti pudno nga Apo, ni Jehova.+ 18  “Ti dara ti sakripisiok dika isakripisio a kadua ti nalebaduraan. Ket ti taba ti piestak rebbeng a di agtalinaed iti agpatnag agingga iti bigat.+ 19  “Ti kasayaatan ti umuna a naluom a bungbunga ti dagam iyegmo iti balay ni Jehova a Diosmo.+ “Dika ilambong ti maysa nga urbon a kalding iti gatas ti inana.+ 20  “Adtoy ibaonko ti maysa nga anghel+ iti masanguanam tapno aywanannaka iti dalan ken tapno ipannaka iti disso nga insaganak.+ 21  Aluadam ta bagim gapu kenkuana ket agtulnogka iti timekna. Dika agtignay a sirerebelioso kenkuana, ta saannanto a pakawanen ti salungasingyo;+ agsipud ta ti naganko adda kenkuana. 22  Nupay kasta, no siiinget nga agtulnogka iti timekna ket pudno nga aramidem ti isuamin a sawekto,+ iti kasta sigurado a busorekto dagiti kabusormo ken riribukek dagidiay mangriribuk kenka.+ 23  Ta ti anghelko mapanto iti sanguanam ket pudno nga ipannakanto kadagiti Amoreo ken kadagiti Heteo ken kadagiti Perizeo ken kadagiti Canaanita, kadagiti Heveo ken kadagiti Jebuseo, ket sigurado a punasekto ida.+ 24  Dika agruknoy iti didiosda wenno mauyotan nga agserbi kadakuada, ket dika aramiden ti aniaman a banag a kas iti ar-aramidda,+ no di ket di bumurong a rebbaemto ida ket di bumurong a rippuogemto dagiti sagrado a munmonda.+ 25  Ket masapul nga agserbikayo ken Jehova a Diosyo,+ ket sigurado a bendisionannanto ti tinapaymo ken ti danummo;+ ket pudno nga iyadayokto ti sakit iti tengngam.+ 26  Awanto iti dagam uray ti maysa a babai a maregreg ti sikogna wenno uray ti maysa a lupes a babai.+ An-anayekto ti bilang dagiti aldawmo.+ 27  “Ket ibaonkonto ti panagaliaw kaniak nga umun-una ngem sika,+ ket sigurado a riribukekto ti amin a tattao nga iti tengngada ti umayam, ket pudno nga itedkonto kenka ti teltel dagiti amin a kabusormo.+ 28  Ket ibaonkonto ti panagliday nga umun-una ngem sika,+ ket pagtalawennanto laeng dagiti Heveo, dagiti Canaanita ken dagiti Heteo iti sanguanam.+ 29  Saankonto ida a pagtalawen iti sanguanam iti maymaysa a tawen, tapno ti daga saan nga agbalin a langalang a rebbek ket dagiti atap nga animal iti tay-ak pudno nga umaduda maibusor kenka.+ 30  Main-inut a pagtalawekto ida iti sanguanam, agingga nga agbalinka a nabunga ket pudno a tagikuaem ti daga.+ 31  “Ket ipasdekkonto ti beddengmo manipud iti Nalabaga a Baybay agingga iti baybay dagiti Filisteo ken manipud iti let-ang agingga iti Karayan;+ agsipud ta iyawatkonto ita imayo dagiti agnanaed iti daga, ket sigurado a pagtalawemto ida iti sanguanam.+ 32  Saanka a makipinnatalged iti tulag kadakuada wenno iti didiosda.+ 33  Saanda koma nga agnaed iti dagam, tapno saandaka a pagbasolen maikaniwas kaniak. No kas pagarigan agserbika iti didiosda, agbalin a silo kenka dayta.”+

Footnotes