Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Exodo 22:1-31

22  “No kas pagarigan ti maysa a tao agtakaw iti toro wenno karnero ket partienna wenno ilakona, subadanna iti lima ti pangen maipaay iti toro ken uppat ti arban maipaay iti karnero.+  (“No ti maysa a mannanakaw+ masukalan bayat a mangserserrek+ ket makabil ket matay, awan ti panagbasol iti dara gapu kenkuana.+  No nasingisingan ti init, adda panagbasol iti dara gapu kenkuana.) “Isu agsubad a di bumurong. No awanan, ngarud masapul nga isu mailako maipaay iti bambanag a tinakawna.+  No di bumiddut nga iti imana adda masarakan a tinakaw, manipud iti toro agingga iti asno ken agingga iti karnero, a sibibiag, isu agsubad iti mamindua.  “No ti maysa a tao pagpaarabanna ti maysa a talon wenno maysa a kaubasan ket ibulosna dagiti animalna a pagtrabaho ket agibusda iti sabali a talon, isu agsubad+ babaen ti kasayaatan ti bukodna a talon wenno babaen ti kasayaatan ti bukodna a kaubasan.  “No kas pagarigan ti apuy agramaram ket kayamkamenna dagiti sisiitan, ket maibus dagiti binettek wenno ti sitatakder pay laeng a binukel wenno ti maysa a talon,+ daydiay nangirugi iti apuy di bumurong nga agsubad maipaay iti napuoran.  “No kas pagarigan ti maysa a tao mangted iti padana a tao iti kuarta wenno ar-aruaten tapno aywananna,+ ket matakaw iti balay ti tao, no ti mannanakaw masarakan, agsubad iti mamindua.+  No ti mannanakaw saan a masarakan, ngarud ti makinkukua iti balay masapul a mayadani iti pudno a Dios+ tapno makita no saanna nga inkabil ti imana kadagiti sanikua ti padana a tao.  No maipapan iti aniaman a kaso ti panagsalungasing,+ mainaig iti maysa a toro, maysa nga asno, maysa a karnero, maysa a kawes, aniaman a banag a napukaw a pagkunaanna, ‘Isu daytoy!’ ti kasoda a dua maiyeg iti pudno a Dios.+ Daydiay ibatadto ti Dios a nadangkes agsubad iti mamindua iti padana a tao.+ 10  “No kas pagarigan ti maysa a tao mangted iti padana a tao iti asno wenno toro wenno karnero wenno aniaman a naamo nga animal tapno aywananna, ket matay dayta wenno madangran wenno makatalaw bayat nga awan asinoman a kumitkita, 11  maaramid ti maysa a sapata+ babaen ken Jehova iti nagbaetanda a dua a saanna nga inkabil ti imana kadagiti sanikua ti padana a tao;+ ket masapul nga awaten dayta ti makinkukua kadakuada, ket ti sabali saan nga agsubad. 12  Ngem no iti kinapudnona matakawda kenkuana, isu agsubad iti makinkukua kadakuada.+ 13  No iti kinapudnona rangkayen ti atap nga animal,+ iyegna a kas pammaneknek.+ Iti banag a rinangkay ti atap nga animal isu saan nga agsubad. 14  “Ngem no kas pagarigan ti asinoman agkiddaw iti maysa a banag iti padana a tao,+ ket madangran wenno matay bayat a saanna a kadua ti makinkukua kenkuana, isu agsubad a di bumurong.+ 15  No kaduana ti makinkukua kenkuana, saan nga agsubad. No inabangan, masapul a maiyeg a kadua ti abangna. 16  “Ita no kas pagarigan ti maysa a lalaki allilawenna ti maysa a birhen a saan a naitulag, ket pudno a kaiddaenna,+ alaenna a di bumurong kas asawana iti gatad a panggatang.+ 17  No sititibker nga agkedked ni amana a mangited iti babai kenkuana, bayadanna ti kuarta iti gatad ti panggatang a kuarta kadagiti birhen.+ 18  “Dika taginayonen a sibibiag ti babai a mangkukulam.+ 19  “Asinoman a makikaidda iti maysa nga animal di bumurong a mapapatay.+ 20  “Daydiay agisakripisio iti aniaman a didios malaksid ken Jehova laeng ket maipaay iti pannakadadael.+ 21  “Ket dika ikuspil ti maysa a ganggannaet nga agnanaed wenno irurumen,+ ta nagbalinkayo a ganggannaet nga agnanaed iti daga ti Egipto.+ 22  “Dikay parigaten ti asinoman a balo a babai wenno awan amana nga ubing.+ 23  No parigatem latta, ngarud no umkis latta kaniak, di bumurong a denggek ti ikkisna;+ 24  ket pudno a gumil-ayabto ti ungetko,+ ket sigurado a papatayenkayto babaen ti kampilan, ket ti assawayo a babbai mabalodanto ket ti annakyo agbalinda nga awan ammada nga ubbing.+ 25  “No agpautangka ti kuarta iti ilik, iti daydiay naparigatan nga adda iti sibaymo,+ dika agbalin a kasla mangngam-am kenkuana. Dika mangipatay iti patubo kenkuana.+ 26  “No agawem latta ti kawes ti padam a tao a kas tani,+ isublim kenkuana iti ilelennek ti init. 27  Ta dayta laeng ti abbongna.+ Dayta ti kagayna a maipaay iti kudilna. Ania ti pagiddananto? Ket mapasamakto nga umkis kaniak, ket sigurado a denggek, agsipud ta managparaburak.+ 28  “Dika pagbassawangan ti Dios+ wenno uray ilunod ti maysa a panguluen kadagiti kailiam.+ 29  “Dika bumdeng a mangipaay iti intero nga apitmo ken ti aglippias iti pagpespesam.+ Ti inauna iti annakmo a lallaki itedmo kaniak.+ 30  Kastoy ti aramidem iti torom ken karnerom:+ Pito nga aldaw nga agtultuloyto a kadua ti inana.+ Iti maikawalo nga aldaw itedmo kaniak. 31  “Ket paneknekanyo a nasantuankayo a tattao kaniak;+ ket dikay mangan iti lasag iti tay-ak a dayta ket maysa a banag a rinangkay ti atap nga animal.+ Rebbeng nga ipuruakyo kadagiti aso.+

Footnotes