Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Exodo 17:1-16

17  Ket ti intero a gimong ti annak ti Israel agsasaganad a pimmanaw iti let-ang ti Sin,+ nga inaramidda maitunos iti bilin ni Jehova,+ ket nagpakpakarsoda idiay Refidim.+ Ngem awan idi ti danum nga inumen dagiti umili.  Ket dagiti umili nakiririda ken Moises ken kinunkunada:+ “Ikkannakami iti danum tapno uminumkami.” Ngem kinuna kadakuada ni Moises: “Apay a kariridak? Apay nga itultuloyyo a suboken ni Jehova?”+  Ket dagiti umili nawawda sadiay iti danum, ket nagtantanabutob dagiti umili maibusor ken Moises ken kinunkunada: “Apay nga inaonnakami idiay Egipto tapno papatayennakami ken ti annakmi ken dagiti dinguenmi babaen ti waw?”+  Kamaudiananna ni Moises imkis ken Jehova, a kunkunana: “Ania ti aramidek itoy nga ili? Bassit laengen ket uborendakton!”+  Idin ni Jehova kinunana ken Moises: “Lumabaska iti sango dagiti umili+ ket itugotmo ti sumagmamano kadagiti lallakay ti Israel ken ti sarukodmo a pinangkabilmo iti Karayan Nilo.+ Alaem ita imam ket masapul a magnaka.  Adtoy! Agtakderak iti sanguanam sadiay iti bato ti Horeb. Ket masapul a kabilem ti bato, ket rummuarto ti danum manipud iti dayta, ket inumento dagiti umili.”+ Kalpasanna inaramid ni Moises ti kasta iti imatang dagiti lallakay ti Israel.  Gapuna pinanagananna dayta a disso iti Massah+ ken Meriba,+ gapu iti panagririri ti annak ti Israel ken gapu iti panangsubokda ken Jehova,+ a kunkunada, “Adda kadi ni Jehova iti tengngatayo wenno awan?”+  Ket immay dagiti Amalekita+ ket nakirupakda iti Israel idiay Refidim.+  Gapu itoy ni Moises kinunana ken Josue:+ “Mangpilika kadagiti lallaki a maipaay kadatayo ket rummuarka,+ makirupakka kadagiti Amalekita. Inton bigat agsaadak iti tapaw ti turod, a ti sarukod ti pudno a Dios adda iti imak.”+ 10  Idin inaramid ni Josue kas iti kinuna kenkuana ni Moises,+ tapno makirupak kadagiti Amalekita; ket da Moises, Aaron ken Hur+ immulida iti tapaw ti turod. 11  Ket napasamak nga apaman nga itag-ay ni Moises ti imana, nabilbileg idi dagiti Israelita;+ ngem apaman nga ibabana ti imana, nabilbileg idi dagiti Amalekita. 12  Idi a naktangan dagiti ima ni Moises, ngarud nangalada iti bato ket inkabilda iti babana, ket isu nagtugaw iti rabaw dayta; ket inantabayan da Aaron ken Hur dagiti imana, maysa iti daytoy a sikigan ket ti sabali iti dayta a sikigan, iti kasta nagtalinaed a nakaintek ti imana agingga a limnek ti init. 13  Gapuna pinarukma ni Josue ti Amalek ken dagiti tattaona babaen ti tadem ti kampilan.+ 14  Ni Jehova kinunana ita ken Moises: “Isuratmo daytoy iti libro+ kas maysa a pakalaglagipan ket idatagmo kadagiti lapayag ni Josue, ‘Naan-anayto a punasek ti pakalaglagipan ti Amalek iti baba ti langlangit.’”+ 15  Ket nangbangon ni Moises iti maysa nga altar ket pinanagananna iti Jehova-nissi, 16  a kunkunana: “Agsipud ta ti maysa nga ima bumusor iti trono+ ni Jah,+ ni Jehova makigubatto iti Amalek manipud kaputotan agingga iti kaputotan.”+

Footnotes