Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Exodo 1:1-22

1  Ita dagitoy ti nagnagan ti annak ni Israel nga immay iti Egipto a kimmuyog ken Jacob; immay ti tunggal lalaki ken ti sangakabbalayanna:+  da Ruben,+ Simeon,+ Levi+ ken Juda,+  da Isacar,+ Zabulon+ ken Benjamin,+  da Dan+ ken Neftali,+ da Gad+ ken Aser.+  Ket amin dagiti kararua a nagtaud iti makinngato a luppo ni Jacob+ pitopuloda idi a kararua, ngem ni Jose adda idin idiay Egipto.+  Iti kamaudiananna natay ni Jose,+ ken kasta met ti amin a kakabsatna ken ti isuamin daydi a kaputotan.  Ket ti annak ni Israel nagbalinda a nabunga ket nangrugida nga agsaknap; ket nagtultuloyda nga immadu ken bimmileg a bimmileg iti nalablabes unay a kapardas, iti kasta ti daga napno kadakuada.+  Idi agangay adda timmaud iti Egipto a maysa a baro nga ari a saan a makaam-ammo ken Jose.+  Ket kinunana kadagiti tattaona: “Adtoy! Dagiti umili iti annak ti Israel ad-aduda ken nabilbilegda ngem datayo.+ 10  Umaykayo! Makilangentayo a sisasaldet kadakuada,+ ta amangan no umaduda, ket agbanagto a, no kas pagarigan mapagteng kadatayo ti gubat, iti kasta sigurado a mainayondanto met kadagidiay manggura kadatayo ket makirupakdanto kadatayo ket sumang-atda a pumanaw iti pagilian.” 11  Gapuna nangisaadda kadakuada iti papanguluen ti pinuersa a panagtrabaho iti panggep a panangirurumen kadakuada iti panagibaklayda iti awit;+ ket nagibangbangonda kadagiti siudad kas luglugar a pagidulinan maipaay ken Faraon, awan sabali, ti Pitom ken Raamses.+ 12  Ngem bayat nga ad-adda nga irurumenda ida, ad-adda nga umaduda ken ad-adda a nagtultuloyda a nagsaknap, iti kasta nakariknada iti mamagsakit nga alinggaget maigapu iti annak ti Israel.+ 13  Gapu itoy dagiti Egipcio pinagbalinda ti annak ti Israel nga adipen a maikuskuspil.+ 14  Ket intultuloyda a pinagbalin a napait ti panagbiagda babaen ti narigat a panangadipen iti pila nga argamasa+ ken ladladrilio ken babaen ti tunggal kita ti panangadipen iti talon,+ wen, tunggal kita ti panangadipenda a nangusaranda kadakuada kas ad-adipen a maikuskuspil.+ 15  Idi agangay kinuna ti ari ti Egipto kadagiti Hebreo a mammaltot,+ ti nagan ti maysa kadakuada Sifra ket ti nagan ti sabali Pua, 16  wen, kinunkunana pay: “Inton tulonganyo dagiti Hebreo a babbai nga agpasngay ket makitayo ida iti tugaw a paganakan, no anak a lalaki, ngarud papatayenyonto; ngem no anak a babai, iti kasta agbiagto.” 17  Nupay kasta, dagiti mammaltot nagbutengda iti pudno a Dios,+ ket saanda nga inaramid ti kas sinao kadakuada ti ari ti Egipto,+ no di ket taginayonenda a sibibiag ti ubbing a lallaki.+ 18  Idi agangay pinaayaban ti ari ti Egipto dagiti mammaltot ket kinunana kadakuada: “Apay nga inaramidyo daytoy a banag, a tinaginayonyo a sibibiag ti ubbing a lallaki?”+ 19  Kalpasanna dagiti mammaltot kinunada ken Faraon: “Agsipud ta dagiti Hebreo a babbai saanda a kas kadagiti Egipcio a babbai. Gapu ta nasarantada, nakapagpasngaydan sakbay a makagteng kadakuada dagiti mammaltot.” 20  Gapuna ti Dios pinakilangenanna a sisasayaat dagiti mammaltot;+ ket dagiti umili nagtultuloyda nga immadu nga ad-adda pay ken bimmileg unay. 21  Ket naaramid a gapu ta dagiti mammaltot nagbutengda iti pudno a Dios impaayanna ida iti pampamilia idi agangay.+ 22  Kamaudiananna binilin ni Faraon ti amin a tattaona, a kunkunana: “Tunggal kaiyanak nga anak a lalaki ipalladawyo iti karayan Nilo, ngem tunggal anak a babai taginayonenyo a sibibiag.”+

Footnotes