Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Ester 9:1-32

9  Ket iti maikasangapulo ket dua a bulan, awan sabali, ti bulan nga Adar,+ iti maikasangapulo ket tallo nga aldaw dayta, idi a ti sao ti ari ken ti lintegna tiemponan a matungpal,+ iti aldaw nga inur-uray ti kabkabusor dagiti Judio tapno iturayanda ida, adda ti mismo a pannakabaliktad iti kasunganina, a dagiti met laeng Judio inturayanda dagidiay manggurgura kadakuada.+  Dagiti Judio naguummongda+ kadagiti siudadda iti amin a masaksakupan a distrito ni Ari Asuero+ tapno iyunnatda ti imada kadagidiay mangsapsapul iti pannakadangranda,+ ket awan maysa a tao a nakataginayon iti takderna iti sanguananda, ta ti panagalinggaget+ kadakuada immapay kadagiti amin nga ili.  Ket amin dagiti prinsipe+ kadagiti masaksakupan a distrito ken dagiti satrapa+ ken dagiti gobernador ken dagiti mangas-asikaso iti aramid+ a kukua ti ari tultulonganda idi dagiti Judio, ta ti panagalinggaget+ ken Mardokeo immapay kadakuada.  Ta ni Mardokeo naindaklan+ idi iti balay ti ari ket ti panagdindinamagna+ nagsaksaknap kadagiti amin a masaksakupan a distrito, agsipud ta ni lalaki a Mardokeo nagtultuloy a dimmakdakkel.+  Ket dagiti Judio kinabilda dagiti amin a kabusorda iti pananggudas babaen ti kampilan+ ken iti panangpapatay ken panangdadael, ket kadagidiay manggurgura kadakuada inaramidda ti maitunos iti kayatda.+  Ket idiay Susan+ a kastilio nangpapatay dagiti Judio ket adda idi panangdadael iti lima gasut a lallaki.  Kasta met, da Parsandata ken Dalfon ken Aspata  ken Porata ken Adalia ken Aridata  ken Parmasta ken Arisai ken Aridai ken Vaizata, 10  ti sangapulo nga annak+ ni Haman+ nga anak ni Hamedata, daydiay mangbusbusor kadagiti Judio,+ pinapatayda; ngem iti samsam+ saanda nga inyunnat ti imada. 11  Iti dayta nga aldaw, ti bilang dagidiay napapatay idiay Susan a kastilio dimteng iti sanguanan ti ari. 12  Ket ti ari kinunana ken Ester a reyna:+ “Idiay Susan a kastilio+ nangpapatay dagiti Judio, ket adda idi panangdadael iti lima gasut a lallaki ken iti sangapulo nga annak ni Haman. Iti dadduma pay a masaksakupan a distrito+ ti ari ania ti inaramidda?+ Ket ania ti dawatmo? Uray dayta maited koma kenka.+ Ket ania ti kanayonan a kiddawmo?+ Uray dayta maaramid koma.” 13  Iti kasta kinuna ni Ester: “No naimbag iti ari,+ inton bigat maipalubos koma met kadagiti Judio nga adda idiay Susan nga aramidenda ti maitunos iti linteg ita nga aldaw;+ ket ti sangapulo nga annak ni Haman maibitayda koma iti kayo.”+ 14  Gapuna nagsao ti ari tapno maaramid dayta iti kasta a wagas.+ Kalpasanna maysa a linteg ti nairakurak idiay Susan, ket naibitay ti sangapulo nga annak ni Haman. 15  Ket dagiti Judio nga adda idiay Susan naguummongda met iti maikasangapulo ket uppat+ nga aldaw ti bulan nga Adar, ket nakapapatayda idiay Susan iti tallo gasut a lallaki; ngem iti samsam saanda nga inyunnat ti imada.+ 16  No maipapan iti dadduma pay a Judio nga adda kadagiti masaksakupan a distrito+ ti ari, naguummongda, ket adda idi panangikanawa kadagiti kararuada,+ ken adda panangibales+ iti bagbagida kadagiti kabusorda ken panangpapatay iti pitopulo ket lima a ribu kadagidiay manggurgura kadakuada; ngem iti samsam saanda nga inyunnat ti imada, 17  iti maikasangapulo ket tallo nga aldaw ti bulan nga Adar; ket adda idi panaginana iti maikasangapulo ket uppat nga aldaw dayta, ket adda panangaramid iti dayta a maysa nga aldaw a panagdadaya+ ken panagragrag-o.+ 18  No maipapan kadagiti Judio nga adda idiay Susan, naguummongda iti maikasangapulo ket tallo+ nga aldaw dayta ken iti maikasangapulo ket uppat nga aldaw dayta, ket adda idi panaginana iti maikasangapulo ket lima nga aldaw dayta, ket naaramid dayta a maysa nga aldaw a panagdadaya ken panagragrag-o.+ 19  Dayta ti makagapu a dagiti Judio iti away, nga agnanaed kadagiti siudad kadagiti sulsulinek a distrito, ar-aramidenda ti maikasangapulo ket uppat nga aldaw ti bulan nga Adar+ a panagragrag-o+ ken panagdadaya ken naimbag nga aldaw+ ken panagipatulod kadagiti bingay+ iti maysa ken maysa. 20  Ket ni Mardokeo+ insuratna dagitoy a banag ket nangipatulod kadagiti naisurat a dokumento kadagiti amin a Judio nga adda kadagiti amin a masaksakupan a distrito+ ni Ari Asuero, dagidiay asideg ken adayo, 21  tapno ipaannurot kadakuada ti rebbengen+ a regular nga angayen ti maikasangapulo ket uppat nga aldaw ti bulan nga Adar ken ti maikasangapulo ket lima nga aldaw dayta iti tinunggal tawen, 22  maitunos kadagiti aldaw a naginana dagiti Judio manipud kadagiti kabusorda+ ken ti bulan a nabaliwan maipaay kadakuada manipud ladingit a nagbalin a panagrag-o ken manipud panagleddaang+ a nagbalin a naimbag nga aldaw, tapno angayen ida a kas al-aldaw ti panagdadaya ken panagragrag-o ken panagipatulod kadagiti bingay iti maysa ken maysa+ ken iti sagsagut kadagiti napanglaw a tattao.+ 23  Ket dagiti Judio inawatda ti inrugida nga aramiden ken ti insurat ni Mardokeo kadakuada. 24  Ta ni Haman+ nga anak ni Hamedata,+ ti Agageo,+ daydiay mangbusbusor+ kadagiti amin a Judio, nanggandat a mismo iti maibusor kadagiti Judio tapno dadaelen ida,+ ket pinaaramidna ti Pur,+ awan sabali, ti Panagbunot,+ tapno riribuken ida ken dadaelen ida. 25  Ngem idi a simrek ni Ester iti sanguanan ti ari isu kinunana iti naisurat a dokumento:+ “Ti dakes a gandatna+ a ginandatna maibusor kadagiti Judio agsubli koma iti bukodna nga ulo”;+ ket isu ken ti annakna imbitayda iti kayo.+ 26  Dayta ti makagapu nga inawaganda dagitoy nga aldaw iti Purim, sigun iti nagan ti Pur.+ Dayta ti makagapu a, maitunos iti amin a sasao daytoy a surat+ ken iti nakitada no maipapan iti daytoy ken iti dimteng kadakuada, 27  dagiti Judio impaannurotda ken impaawatda iti bagbagida ken iti kaputotanda ken kadagidiay amin a nangitipon iti bagbagida kadakuada,+ a saan koma nga aglabas dayta, ti rebbengen a regular nga angayen dagitoy dua nga aldaw sigun iti naisurat maipapan kadakuada ken sigun iti naituding a tiempoda iti tinunggal tawen. 28  Ket malaglagip koma dagitoy nga aldaw ken maangayda iti tinunggal kaputotan, tunggal pamilia, tunggal masaksakupan a distrito ken tunggal siudad, ket dagitoy met laeng nga aldaw ti Purim saan koma nga aglabas manipud iti tengnga dagiti Judio ket ti met laeng pananglaglagip+ kadakuada saan koma nga agngudo iti kaputotanda. 29  Ket ni Ester a reyna, nga anak ni Abihail,+ ken ni Mardokeo a Judio nagsuratda buyogen ti isuamin a kinapuersa tapno patalgedanda daytoy maikadua a surat maipapan iti Purim. 30  Kalpasanna isu nangipatulod kadagiti naisurat a dokumento kadagiti amin a Judio iti sangagasut duapulo ket pito a masaksakupan a distrito,+ ti pagturayan ni Asuero,+ iti sasao ti talna ken kinapudno,+ 31  tapno patalgedanna dagitoy nga aldaw ti Purim kadagiti naituding a tiempoda, kas ti impaalagad kadakuada+ ni Mardokeo a Judio ken ni Ester a reyna, ken kas ti impaalagadda iti bukodda a kararua ken iti kaputotanda,+ ti bambanag maipapan kadagiti panagayunar+ ken ti panagikkisda maipaay iti tulong.+ 32  Ket ti mismo a sao ni Ester pinatalgedanna dagitoy a banag maipapan iti Purim,+ ket naisurat iti maysa a libro.

Footnotes