Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Ester 8:1-17

8  Iti dayta nga aldaw inted ni Ari Asuero ken Ester a reyna ti balay ni Haman,+ daydiay mangbusbusor kadagiti Judio;+ ket ni met laeng Mardokeo simrek iti sanguanan ti ari, agsipud ta imbaga ni Ester no asino idi kenkuana.+  Idin inikkat ti ari ti pangtanda a singsingna+ nga innalana ken Haman ket intedna ken Mardokeo; ket ni Ester insaadna ni Mardokeo nga agaywan iti balay ni Haman.+  Mainayon pay, nagsao manen ni Ester iti sanguanan ti ari ket nagpasag iti sanguanan dagiti sakana ket nagsangit ken impakaasina+ ti paraburna tapno iyadayona ti kinadakes+ ni Haman nga Agageo ken ti gandatna+ a ginandatna maibusor kadagiti Judio.+  Idin ti ari inyunnatna ken Ester ti nabalitokan a setro,+ nga iti dayta timmakder ni Ester ket nagtakder iti sanguanan ti ari.  Kinunana itan: “No naimbag iti ari, ken no nakasarakak iti pabor+ iti sanguananna ket ti banag umiso iti sanguanan ti ari ken naimbagak kadagiti matana, maisurat koma a mawaswas dagiti naisurat a dokumento,+ ti gandat ni Haman nga anak ni Hamedata nga Agageo,+ nga insuratna tapno dadaelenna dagiti Judio+ nga adda kadagiti amin a masaksakupan a distrito ti ari.+  Ta kasano ti panangibturko no makitakto ti didigra a dumteng iti ilik, ket kasano ti panangibturko no makitakto ti pannakadadael dagiti kabagiak?”  Gapuna ni Ari Asuero kinunana ken Ester a reyna ken ni Mardokeo a Judio: “Adtoy! Ti balay ni Haman intedko ken Ester,+ ket isu imbitayda iti kayo,+ iti rason nga inyunnatna ti imana maibusor kadagiti Judio.  Ket dakayo isuratyo maigapu kadagiti Judio maitunos iti naimbag kadagiti bukodyo a mata iti nagan ti ari+ ket selioanyo iti pangtanda a singsing ti ari; ta ti surat a naisurat iti nagan ti ari ken naselioan iti pangtanda a singsing ti ari saan a mabalin a waswasen.”+  Iti kasta naayaban dagiti sekretario+ ti ari iti dayta a tiempo iti maikatlo a bulan, awan sabali, ti bulan a Sivan, iti maikaduapulo ket tallo nga aldaw dayta; ket ti panagsurat nagtultuloy maitunos iti amin nga imbilin ni Mardokeo kadagiti Judio ken kadagiti satrapa+ ken gobgobernador ken piprinsipe kadagiti masaksakupan a distrito nga adda idi manipud India agingga iti Etiopia, sangagasut duapulo ket pito a masaksakupan a distrito,+ iti tunggal masaksakupan a distrito iti bukodna nga estilo ti panagsurat+ ken iti tunggal ili iti bukodna a pagsasao,+ ken kadagiti Judio iti bukodda nga estilo ti panagsurat ken iti bukodda a pagsasao.+ 10  Ket nagsurat iti nagan ni Ari+ Asuero ket inaramidna ti panangselio+ babaen iti pangtanda a singsing ti ari+ ket nagipatulod kadagiti naisurat a dokumento babaen iti ima dagiti agitultulod a nakakabalio,+ a nakasakay kadagiti pagikoreo a kabalio a nausar iti naarian a panagserbi, annak dagiti napartak a kabaian a kabalio, 11  a ti ari impalubosna kadagiti Judio nga adda iti amin a nadumaduma a siudad nga aguummongda+ ket ikanawada dagiti kararuada, tapno talipuposen ken papatayen ken dadaelenda ti isuamin a puersa dagiti umili+ ken masaksakupan a distrito a mangbusbusor kadakuada, dagiti ubbing ken dagiti babbai, ken tapno samsamenda dagiti ginam-udda,+ 12  iti maymaysa nga aldaw+ kadagiti amin a masaksakupan a distrito ni Ari Asuero, iti maikasangapulo ket tallo nga aldaw+ ti maikasangapulo ket dua a bulan, awan sabali, ti bulan nga Adar.+ 13  Ti maysa a kopia+ ti surat kasapulan a maited kas linteg iti isuamin a masaksakupan a distrito, maibunannag kadagiti amin nga ili, a dagiti Judio sisasaganada koma maipaay itoy nga aldaw tapno ibalesanda+ ti bagbagida kadagiti kabusorda. 14  Dagiti met laeng agitultulod,+ a nakasakay kadagiti pagikoreo a kabalio a nausar iti naarian a panagserbi, napanda, yantangay nadagdag ken natignayda a sidadaras+ babaen ti sao ti ari; ket mismo a ti linteg nairakurak idiay Susan+ a kastilio. 15  No maipapan ken Mardokeo, pimmanaw iti sanguanan ti ari iti naarian a pagan-anay+ nga asul ken lienso, agraman maysa a dakkel a korona a balitok, ken maysa a kagay a napino ti abelna,+ naaramid a mismo iti delana a natinaan iti lumabaga a purpura.+ Ket ti met laeng siudad ti Susan imkis iti makatitileng ket nagrag-o.+ 16  Kadagiti Judio naadda ti lawag ken panagrag-o+ ken panagragsak ken dayaw. 17  Ket iti amin a nadumaduma a masaksakupan a distrito ken iti amin a nadumaduma a siudad sadinoman a nakadanonan ti sao ti ari ken ti lintegna adda panagrag-o ken panagragsak maipaay kadagiti Judio, maysa a bangkete+ ken maysa a naimbag nga aldaw; ket adu kadagiti ili iti daga+ idekdeklarada idi ti bagbagida a Judio,+ ta ti panagalinggaget+ kadagiti Judio immapay kadakuada.

Footnotes