Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Ester 7:1-10

7  Idin ti ari ken ni Haman+ simrekda tapno makidaya ken Ester a reyna.  Ti ari kinunana ita ken Ester iti maikadua met nga aldaw bayat ti bangkete ti arak:+ “Ania ti dawatmo,+ O Ester a reyna? Uray dayta maited koma kenka.+ Ket ania ti kiddawmo? Agingga iti kagudua ti kinaari+—uray dayta maaramid koma!”  Gapu itoy simmungbat ni Ester a reyna ket kinunana: “No nakasarakak iti pabor kadagita matam, O ari, ket no naimbag iti ari, maited koma kaniak ti bukodko a kararua+ sigun iti dawatko ken ti ilik+ sigun iti kiddawko.  Ta nailakokami,+ siak ken ti ilik, tapno matalipupos, mapapatay ken madadael.+ Ita no nailakokami a maipaay laeng nga ad-adipen a lallaki+ ken maipaay laeng nga ad-adipen a babbai, nagulimekak koma. Ngem ti tuok saan a maitutop no madangran ti ari.”  Kinuna itan ni Ari Asuero, wen, kinunana ken Ester a reyna: “Siasino daytoy,+ ket sadino ti ayan daydiay a nangpatured+ iti bagina a mangaramid iti kasta?”  Idin kinuna ni Ester: “Ti lalaki, ti kalaban+ ken kabusor,+ isu daytoy dakes a Haman.” No maipapan ken Haman, nagkullayaw+ gapu iti ari ken iti reyna.  No maipapan iti ari, timmakder iti pungtotna+ manipud iti bangkete ti arak tapno mapan iti minuyongan ti palasio; ket ni met laeng Haman timmakder tapno agkiddaw ken Ester a reyna maipaay iti kararuana,+ ta nakitana a dakes ti inkeddeng+ ti ari maibusor kenkuana.+  Ket ti met laeng ari nagsubli manipud iti minuyongan ti palasio nga agturong iti balay ti bangkete ti arak;+ ket ni Haman nagpasag iti rabaw ti sopa+ nga ayan idi ni Ester. Gapu itoy kinuna ti ari: “Adda kadi met panangrames iti reyna, nga addaak iti balay?” Ti met laeng sao rimmuar iti ngiwat ti ari,+ ket inabbonganda ti rupa ni Haman.  Kinuna itan ni Harbona,+ maysa kadagiti opisial ti palasio+ iti sanguanan ti ari: “Kasta met, adda ti kayo+ nga inaramid ni Haman maipaay ken Mardokeo, a nagsao iti naimbag maipapan iti ari,+ a sitatakder iti balay ni Haman—limapulo a kasiko ti kangatona.” Iti kasta kinuna ti ari: “Isu ibitayyo iti dayta.”+ 10  Ket imbitayda ni Haman iti kayo+ nga insaganana maipaay ken Mardokeo;+ ket ti met laeng pungtot ti ari bimmaaw.

Footnotes