Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Ester 4:1-17

4  Ket ni met laeng Mardokeo+ nakagun-od iti pannakaammo iti isuamin a banag a naaramid;+ ket rinay-ab ni Mardokeo dagiti kawesna ket nangikawes iti tinakpil+ ken dapdapo+ ket rimmuar a napan iti tengnga ti siudad ket imkis iti natbag ken napait nga ikkis.+  Kamaudiananna dimteng agingga iti sanguanan ti ruangan ti ari,+ ta awan ti makaumay iti uneg ti ruangan ti ari a nakapagan-anay iti tinakpil.  Ket iti amin a nadumaduma a masaksakupan a distrito,+ sadinoman a pakadandanonan idi ti sao ti ari ken ti lintegna, adda dakkel a panagleddaang+ kadagiti Judio, ken panagayunar+ ken panagsangit ken panagdung-aw. Ti met laeng tinakpil+ ken dapdapo+ nayaplagda a pannakasopa maipaay kadagiti adu.  Ket ti babbalasang ni Ester ken dagiti eunukona+ nangrugida a sumrek ken mangibaga kenkuana. Ket ti reyna nasaktan iti kasta unay. Idin nangipatulod kadagiti pagan-anay tapno pangkawes ken Mardokeo ken ikkaten kenkuana ti tinakpilna. Ket saanna nga inawat ida.+  Gapu itoy ni Ester inayabanna ni Hatac,+ maysa kadagiti eunuko ti ari, nga isu ti pinagbalinna nga agasikaso kenkuana, ket nangted kenkuana iti bilin maipapan ken Mardokeo, tapno ammuen no ania ti kayat a sawen daytoy ken no ania ti kaipapanan amin daytoy.  Gapuna ni Hatac rimmuar a napan ken Mardokeo iti publiko a plasa ti siudad nga adda iti sanguanan ti ruangan ti ari.  Idin imbaga kenkuana ni Mardokeo ti maipapan iti amin a bambanag a napagteng kenkuana+ ken ti apag-isu a pakaipalawagan ti kuarta a sinao ni Haman a maibayad iti pagidulinan ti gameng ti ari+ maibusor kadagiti Judio, tapno dadaelen ida.+  Ket maysa a kopia+ ti surat ti linteg a naited idiay Susan+ tapno talipuposen ida intedna kenkuana tapno ipakitana ken Ester ken tapno ibagana kenkuana ken tapno ipasdekna kenkuana ti bilin+ a sumrek a mapan iti ari ket ipakaasi ti paraburna+ ken agkiddaw iti mismo a sanguananna maipaay iti bukodna nga ili.+  Simrek itan ni Hatac+ ket imbagana ken Ester ti sasao ni Mardokeo. 10  Idin ni Ester kinunana ken Hatac ket nagbilin kenkuana maipapan ken Mardokeo:+ 11  “Amin dagiti adipen ti ari ken dagiti umili kadagiti masaksakupan a distrito ti ari ammoda a, no maipapan iti asinoman a lalaki wenno babai a sumrek a mapan iti ari idiay makin-uneg a paraangan+ a saan a naayaban, ti maysa a lintegna+ ket isu ti panangpapatay kenkuana; no laeng kas pagarigan iyunnat kenkuana ti ari ti nabalitokan a setro, pudno unay nga isu agtalinaedto met a sibibiag.+ No maipapan kaniak, saanak pay a naayaban a sumrek a mapan iti ari iti tallopulo itan nga aldaw.” 12  Ket imbagada ken Mardokeo ti sasao ni Ester. 13  Idin ni Mardokeo kinunana nga isungbat ken Ester: “Dika pagarupen iti uneg ti bukodmo a kararua a ti sangakabbalayan ti ari makalisinto nga ad-adda pay ngem iti amin a sabsabali a Judio.+ 14  Ta no agulimekka a naan-anay iti daytoy a tiempo, ti met laeng gin-awa ken pannakaispal bumangondanto maipaay kadagiti Judio manipud iti sabali a disso;+ ngem no maipapan kenka ken iti balay ni amam, mapukawkayto. Ket siasino ti makaammo no maipaay iti tiempo a kas iti daytoy a nagtengam ti naarian a kinatan-ok?”+ 15  Iti kasta ni Ester kinunana nga isungbat ken Mardokeo: 16  “Inka, ummongem dagiti amin a Judio a masarakan idiay Susan+ ket agayunarkayo+ maigapu kaniak ket saankayo a mangan wenno uray uminum iti tallo nga aldaw,+ iti rabii ken aldaw. Siak met agraman dagiti babbalasangko,+ agayunarakto met, ket kalpasan dayta sumrekakto a mapan iti ari, a dayta ket saan a maitunos iti linteg; ket no kas pagarigan masapul a mapukawak,+ masapul a mapukawak.” 17  Gapu itoy pimmanaw ni Mardokeo ket inaramidna ti maitunos iti amin nga impasdek ni Ester kas bilin kenkuana.

Footnotes