Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Esdras 9:1-15

9  Ket apaman a nalpas dagitoy a banag, immasideg kaniak dagiti prinsipe,+ a kunkunada: “Dagiti umili ti Israel ken ti papadi ken dagiti Levita saanda nga insina+ ti bagbagida manipud kadagiti ili ti dagdaga no maipapan iti nakarimrimon a bambanagda,+ awan sabali, dagiti Canaanita,+ dagiti Heteo,+ dagiti Perizeo,+ dagiti Jebuseo,+ dagiti Ammonita,+ dagiti Moabita,+ dagiti Egipcio+ ken dagiti Amoreo.+  Ta inawatda ti sumagmamano iti annakda a babbai maipaay iti bagbagida ken maipaay iti annakda a lallaki;+ ket isuda, ti nasantuan a bin-i,+ nailaokda+ kadagiti ili ti dagdaga, ket ti ima dagiti prinsipe ken dagiti diputado nga agtuturay nagbalin a kangrunaan+ iti daytoy a di kinamatalek.”  Ita apaman a nangngegko daytoy a banag rinay-abko ti kawesko+ ken ti awan manggasna a lambonko, ket rinugiak a paruten ti sumagmamano a buok ti ulok+ ken ti barbasko, ket nagtalinaedak a situtugaw a naikuleng.+  Kasta met immayda a naguurnong kaniak, tunggal maysa agpigpigerger+ gapu iti sasao ti Dios ti Israel maibusor iti di kinamatalek dagiti naidestiero nga umili, bayat a situtugawak a naikuleng agingga iti oras ti daton a bukbukel iti rabii.+  Ket iti oras ti daton a bukbukel+ iti rabii timmakderak manipud pannakaipababak, a ti kawesko ken ti awan manggasna a lambonko napirsapirsay, ket nagparintumengak+ ket inukradko dagiti dakulapko a naiturong ken Jehova a Diosko.+  Ket kinunak:+ “O Diosko, mabainak+ ken maalumiimak+ a mangitangad iti rupak kenka, O Diosko, ta dagiti met laeng biddutmi+ immaduda iti rabaw ti ulomi ket ti panagbasolmi dimmakkel agingga a mismo kadagiti langit.+  Manipud iti al-aldaw dagidi ammami+ addakamin iti dakkel a panagbasol agingga itoy nga aldaw;+ ket gapu kadagiti biddutmi nayawatkami, dakami a mismo, ti ar-arimi,+ ti papadimi,+ iti ima ti ar-ari ti dagdaga babaen ti kampilan,+ buyogen ti pannakakautibo+ ken buyogen ti pannakasamsam+ ken buyogen ti sibabain a rupa,+ a kas itoy nga aldaw.  Ket ita iti bassit a kanito dimteng ti parabur+ manipud ken Jehova a Diosmi babaen ti panangiteddana maipaay kadakami dagidiay a nakatalaw+ ken babaen ti panangtedna kadakami iti maysa a pasok iti nasantuan a lugarna, tapno pagsilnagenna dagiti matami,+ O Diosmi, ken tapno ikkannakami iti bassit a pannakapapigsa iti pannakaadipenmi.+  Ta ad-adipenkami;+ ket iti pannakaadipenmi saannakami a binaybay-an ti Diosmi,+ no di ket mangipaay kadakami iti naayat a kinamanangngaasi iti sanguanan ti ar-ari ti Persia,+ tapno ikkannakami iti pannakapapigsa iti kasta bangonenmi ti balay ti Diosmi+ ken pasublienmi dagiti langalang a dissona+ ken ikkannakami iti bato a pader+ idiay Juda ken idiay Jerusalem. 10  “Ket ita ania ti kunaenmi, O Diosmi, kalpasan daytoy? Ta binaybay-anmi dagiti bilinmo,+ 11  nga imbilinmo babaen kadagiti adipenmo a mammadto, a kinunam, ‘Ti daga a sumrekanyo tapno tagikuaenyo ket maysa a narugit a daga gapu iti kinarugit dagiti ili ti dagdaga,+ gapu iti nakarimrimon a bambanagda+ a pinangpunnoda iti dayta manipud pungto agingga iti pungto+ babaen iti kinarugitda.+ 12  Ket ita dikay ited ti annakyo a babbai iti annakda a lallaki,+ dikay met awaten ti annakda a babbai maipaay iti annakyo a lallaki; ket agingga iti tiempo a di nakedngan dikay agaramid maipaay iti talnada+ ken kinarang-ayda, tapno iti kasta pumigsakayo+ ket sigurado a kanenyo ti imbag ti daga ket pudno a tagikuaenyo dayta maipaay iti annakyo agingga iti tiempo a di nakedngan.’+ 13  Ket kalpasan ti isuamin a dimteng kadakami gapu iti dakes nga ar-aramidmi+ ken iti dakkel a panagbasolmi—ta sika, O Diosmi, tinagilag-anmo ti biddutmi,+ ket intedmo kadakami dagidiay nakatalaw a kas kadagitoy+ 14  salungasingenminto kadi manen dagiti bilinmo ket mangbukelkami kadagiti pannakiasawa nga aliansa+ kadagiti ili dagitoy a nakarimrimon a banag?+ Saankanto kadi nga agpungtot unay kadakami agingga iti pagpatinggaan+ iti kasta awanto ti mabati+ ken awan ti makatalaw? 15  O Jehova a Dios ti Israel, nalintegka,+ agsipud ta nabatikami kas maysa a nakatalaw nga ili kas itoy nga aldaw. Adtoykami iti sanguanam iti panagbasolmi,+ ta saan a mabalin ti agtakder iti sanguanam maigapu iti daytoy.”+

Footnotes