Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Esdras 8:1-36

8  Ita dagitoy dagiti pannakaulo ti balbalay dagiti ammada+ ken ti pannakaipasalista a mayannurot iti kapuonan+ dagidiay makipagsang-at kaniak manipud Babilonia bayat ti panagturay ni Artaxerxes+ nga ari:  Iti annak ni Finehas,+ ni Gersom; iti annak ni Itamar,+ ni Daniel;+ iti annak ni David,+ ni Hattus;  iti annak ni Secanias, iti annak ni Paros,+ ni Zacarias, ket naikuyog kenkuana adda naipasalista a sangagasut ket limapulo a lallaki;  iti annak ni Pahat-moab,+ ni Elieho-enai nga anak ni Zerahias, ket naikuyog kenkuana ti dua gasut a lallaki;  iti annak ni Zattu,+ ni Secanias nga anak ni Jahaziel, ket naikuyog kenkuana ti tallo gasut a lallaki;  ket iti annak ni Adin,+ ni Ebed nga anak ni Jonatan, ket naikuyog kenkuana ti limapulo a lallaki;  ket iti annak ni Elam,+ ni Jesaias nga anak ni Athalia, ket naikuyog kenkuana ti pitopulo a lallaki;  ket iti annak ni Sefatias,+ ni Zebadias nga anak ni Miguel, ket naikuyog kenkuana ti walopulo a lallaki;  iti annak ni Joab, ni Abdias nga anak ni Jehiel, ket naikuyog kenkuana ti dua gasut sangapulo ket walo a lallaki; 10  ket iti annak ni Bani,+ ni Selomit nga anak ni Josifias, ket naikuyog kenkuana ti sangagasut ket innem a pulo a lallaki; 11  ket iti annak ni Bebai, ni Zacarias nga anak ni Bebai,+ ket naikuyog kenkuana ti duapulo ket walo a lallaki; 12  ket iti annak ni Azgad,+ ni Johanan nga anak ni Hacatan, ket naikuyog kenkuana ti sangagasut ket sangapulo a lallaki; 13  ket iti annak ni Adonicam,+ dagidiay a naudi, ket dagitoy ti nagnaganda: Elifelet, Jeiel ken Semaias, ket naikuyog kadakuada ti innem a pulo a lallaki; 14  ket iti annak ni Bigvai,+ da Utai ken Zabbud, ket naikuyog kadakuada ti pitopulo a lallaki. 15  Ket inummongko ida idiay karayan+ a tumurong iti Ahava;+ ket nagtultuloykami a nagpakarso sadiay iti tallo nga aldaw, tapno masukimatko dagiti umili+ ken ti papadi,+ ngem awan iti annak ni Levi+ ti nasarakak sadiay. 16  Gapuna pinaayabak da Eliezer, Ariel, Semaias ken Elnatan ken Jarib ken Elnatan ken Natan ken Zacarias ken Mesullam, dagidiay pannakaulo, ken da Joiarib ken Elnatan, dagiti manangisuro.+ 17  Kalpasanna nangtedak kadakuada iti bilin maipapan ken Iddo a pannakaulo iti lugar a Casifia, ket nangikabilak kadagiti ngiwatda iti sasao+ a sawenda ken Iddo ken iti kakabsatna a Netineo+ iti lugar a Casifia, tapno mangyegda kadakami kadagiti ministro+ maipaay iti balay ti Diosmi. 18  Gapuna nangyegda kadakami, maitunos iti naimbag nga ima+ ti Diosmi nga adda kadakami, iti maysa a lalaki nga addaan kinamasirib+ manipud iti annak ni Mali+ nga apoko ni Levi+ nga anak ni Israel, awan sabali, ni Serebias+ ken ti annakna ken kakabsatna, sangapulo ket walo; 19  ken ni Hasabias ket naikuyog kenkuana ni Jesaias manipud iti annak ni Merari,+ ti kakabsatna, ken ti annakna, duapulo. 20  Ket manipud kadagiti Netineo, nga impaay ni David ken dagiti prinsipe iti panagserbi kadagiti Levita, dua gasut ket duapulo a Netineo, isuda amin naitudingda sigun kadagiti naganda. 21  Kalpasanna nangiwaragawagak iti panagayunar sadiay iti karayan Ahava, tapno ipakumbabami+ ti bagbagimi iti sanguanan ti Diosmi, tapno sapulenmi kenkuana ti umiso a dalan+ maipaay kadakami ken maipaay kadagiti ubbingmi+ ken maipaay kadagiti amin a sanikuami. 22  Ta nagbainak nga agkiddaw iti puersa militar+ ken kadagiti kumakabalio+ manipud iti ari a mangtulong kadakami maibusor iti kabusor iti dalan, agsipud ta kinunami iti ari: “Ti ima+ ti Diosmi adda kadagidiay isuamin nga agsapsapul kenkuana maipaay iti pagimbagan,+ ngem ti pigsana ken ti ungetna+ maibusorda kadagidiay amin a mangbaybay-a kenkuana.”+ 23  Gapuna nagayunarkami+ ken nagkiddawkami+ iti Diosmi maipapan iti daytoy, iti kasta impalubosna nga isu a mismo mapagpakaasianmi.+ 24  Nangilasinak ita manipud kadagiti panguluen ti papadi iti sangapulo ket dua, awan sabali, da Serebias,+ Hasabias,+ ken naikuyog kadakuada ti sangapulo a kakabsatda. 25  Ket binagtingko kadakuada ti pirak ken ti balitok ken dagiti aruaten,+ ti kontribusion iti balay ti Diosmi nga inkontribusion ti ari+ ken dagiti manangbalakadna+ ken dagiti prinsipena ken amin dagiti Israelita+ a masarakan idi. 26  Iti kasta binagtingko iti imada ti innem a gasut ket limapulo a talento a pirak+ ken sangagasut nga aruaten a pirak nga agpateg iti dua a talento, ken balitok a sangagasut a talento, 27  ken duapulo a babassit a malukong a balitok nga agpateg iti sangaribu a darik ken dua nga aruaten a nasayaat a gambang, rumimrimat a nalabaga, matarigagayan a kas iti balitok. 28  Kalpasanna kinunak kadakuada: “Nasantuankayo+ ken Jehova, ket dagiti aruaten+ nasantuanda a banag, ket ti pirak ken ti balitok maysada a boluntario a daton ken Jehova a Dios dagidi ammayo. 29  Agtalinaedkayo a siririing ken agaluadkayo agingga a bagtingenyo+ ida iti sanguanan dagiti panguluen ti papadi ken dagiti Levita ken ti piprinsipe dagiti amma ti Israel idiay Jerusalem, kadagiti siled a panganan+ iti balay ni Jehova.” 30  Ket ti papadi ken dagiti Levita inawatda ti dagsen ti pirak ken ti balitok ken dagiti aruaten, tapno ipanda ida idiay Jerusalem iti balay ti Diosmi.+ 31  Kamaudiananna pimmanawkami manipud iti karayan Ahava+ iti maikasangapulo ket dua nga aldaw ti umuna a bulan+ tapno mapankami idiay Jerusalem, ket ti mismo nga ima ti Diosmi adda idi kadakami, iti kasta inispalnakami+ iti dakulap ti kabusor ken iti panangsaneb iti dalan. 32  Gapuna dimtengkami idiay Jerusalem+ ket nagnaedkami sadiay iti tallo nga aldaw. 33  Ket iti maikapat nga aldaw binagtingmi ti pirak ken ti balitok+ ken dagiti aruaten+ idiay balay ti Diosmi iti ima ni Meremot+ nga anak ni Uria a padi ket kaduana ni Eleazar nga anak ni Finehas ken naikuyog kadakuada ni Jozabad+ nga anak ni Jesua ken ni Noadias nga anak ni Binui+ isuda a Levita, 34  sigun iti bilang ken sigun iti dagsen ti tunggal banag, a kalpasan dayta ti isuamin a dagsen naisurat iti dayta a tiempo. 35  Dagidiay met laeng rimmuar manipud iti pannakakautibo, dagiti sigud a destiero,+ nangidatagda kadagiti mapuoran a sakripisio+ iti Dios ti Israel, sangapulo ket dua a toro+ maipaay iti intero nga Israel, siam a pulo ket innem a kalakian a karnero,+ pitopulo ket pito a kalakian a kordero, sangapulo ket dua a kalakian a kalding+ kas daton gapu iti basol, isuamin kas maysa a mapuoran a daton ken Jehova. 36  Kalpasanna intedmi dagiti linteg+ ti ari kadagiti satrapa+ ti ari ken kadagiti gobernador+ iti labes ti Karayan,+ ket tinulonganda dagiti umili+ ken ti balay ti pudno a Dios.

Footnotes