Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Esdras 7:1-28

7  Ket kalpasan dagitoy a banag iti panagturay ni Artaxerxes+ nga ari ti Persia, ni Esdras+ nga anak ni Seraias+ nga anak ni Azarias nga anak ni Hilkias+  nga anak ni Sallum+ nga anak ni Sadok nga anak ni Ahitub+  nga anak ni Amarias+ nga anak ni Azarias+ nga anak ni Meraiot+  nga anak ni Zerahias+ nga anak ni Uzzi+ nga anak ni Buqui+  nga anak ni Abisua+ nga anak ni Finehas+ nga anak ni Eleazar+ nga anak ni Aaron+ a panguluen a padi+  ti met laeng nadakamat nga Esdras simmang-at manipud Babilonia; ket maysa idi a nalaing a managkopia+ iti linteg ni Moises,+ nga inted ni Jehova a Dios ti Israel, iti kasta ti ari intedna kenkuana, maitunos iti ima ni Jehova a Diosna nga adda kenkuana, ti isuamin a kiddawna.+  Gapuna ti sumagmamano iti annak ti Israel ken iti papadi+ ken dagiti Levita+ ken dagiti kumakanta+ ken dagiti agay-aywan iti ruangan+ ken dagiti Netineo+ simmang-atda idiay Jerusalem iti maikapito a tawen ni Artaxerxes+ nga ari.  Idi agangay isu dimteng idiay Jerusalem iti maikalima a bulan, a dayta ket, iti maikapito a tawen ti ari.  Ta iti umuna nga aldaw ti umuna a bulan intudingna a mismo ti isasang-at manipud Babilonia, ket iti umuna nga aldaw ti maikalima a bulan isu dimteng idiay Jerusalem, maitunos iti naimbag nga ima ti Diosna nga adda kenkuana.+ 10  Ta ni met laeng Esdras insaganana+ ti pusona nga umuman iti linteg ni Jehova+ ken mangaramid iti dayta+ ken mangisuro+ idiay Israel iti alagaden+ ken hustisia.+ 11  Ket daytoy ti maysa a kopia ti surat nga inted ni Ari Artaxerxes ken Esdras a padi a managkopia,+ maysa a managkopia iti sasao dagiti bilin ni Jehova ken dagiti alagadenna a maipaay iti Israel: 12  “Artaxerxes,+ ti ari dagiti ar-ari,+ agpaay ken Esdras a padi, ti managkopia iti linteg ti Dios ti langlangit:+ Maan-anay koma ti talna.+ Ket ita 13  nangituyangak iti bilin+ a ti tunggal maysa iti pagturayak+ kadagiti umili ti Israel ken iti papadida ken kadagiti Levita a situtulok a mapan idiay Jerusalem a kumuyog kenka mapan koma.+ 14  Yantangay manipud sanguanan ti ari ken ti pito a manangbalakadna+ naipatulod ti maysa a bilin tapno usisaen+ ti maipapan iti Juda ken Jerusalem iti linteg+ ti Diosmo+ nga adda ita imam, 15  ken tapno ipan ti pirak ken ti balitok a ti ari ken dagiti manangbalakadna siboboluntario nga impaayda+ iti Dios ti Israel, a ti pagtaenganna adda idiay Jerusalem,+ 16  agraman ti isuamin a pirak ken balitok a masarakam iti intero a masaksakupan a distrito ti Babilonia kasta met ti sagut dagiti umili+ ken ti papadi isuda a siboboluntario a mangipapaay iti balay ti Diosda,+ nga adda idiay Jerusalem; 17  iti kasta gumatangkanto a madagdagus babaen iti daytoy a kuarta iti tortoro,+ kalakian a karkarnero,+ korkordero+ ken ti datdatonda a bukbukel+ ken ti datdatonda nga inumen+ ket idiayamto ida iti rabaw ti altar ti balay ti Diosyo,+ nga adda idiay Jerusalem.+ 18  “Ket aniaman a kasla naimbag kenka ken iti kakabsatmo nga aramiden iti dadduma pay kadagiti pirak ken balitok,+ maitunos iti pagayatan+ ti Diosyo, aramidenyonto.+ 19  Ket dagiti pagkargaan+ a maited kenka maipaay iti panagserbi iti balay ti Diosmo iyawatmo a naan-anay iti sanguanan ti Dios idiay Jerusalem.+ 20  Ket ti dadduma pay a kasapulan iti balay ti Diosmo a maipabiang kenka nga itedmo, itedmonto manipud iti balay dagiti gameng ti ari.+ 21  “Ket babaen kaniak met laeng, Artaxerxes nga ari, maysa a bilin+ ti naituyang kadagiti amin a tesorero+ nga adda iti labes ti Karayan,+ a ti isuamin a kiddawen kadakayo ni Esdras+ a padi, ti managkopia iti linteg ti Dios ti langlangit, maaramidto a madagdagus dayta, 22  uray pay agingga iti sangagasut a talento+ a pirak ken sangagasut a cor+ a sukat ti trigo ken sangagasut a bat+ a sukat ti arak+ ken sangagasut a bat a sukat ti lana,+ ken asin+ a di nakedngan. 23  Ti isuamin a maitunos iti bilin+ ti Dios ti langlangit maaramid koma buyogen ti regta+ maipaay iti balay ti Dios ti langlangit,+ tapno awan mapasamak a pungtot maibusor iti pagturayan ti ari ken ti annakna.+ 24  Ket kadakayo maipakpakaammo a, no maipapan iti asinoman iti papadi+ ken kadagiti Levita,+ kadagiti musikero,+ kadagiti agay-aywan iti ruangan,+ kadagiti Netineo,+ ken kadagiti trabahador iti daytoy a balay ti Dios, awan buis, impuesto+ wenno kuartais+ a maipalubos a maipatay kadakuada. 25  “Ket sika, Esdras, maitunos iti sirib+ ti Diosmo nga adda ita imam mangdutokka kadagiti mahistrado ken uk-ukom tapno agtultuloy koma nga ukomenda+ dagiti amin nga umili nga adda iti labes ti Karayan, amin dagidiay makaammo a mismo kadagiti linteg ti Diosmo; ket ti asinoman a saan a nakaammo kadakuada isuroyonto.+ 26  Ket no maipapan iti tunggal maysa a saan nga agbalin a managtungpal iti linteg ti Diosmo+ ken iti linteg ti ari, madagdagus koma a maipakat kenkuana ti panangukom, uray no iti ipapatay+ wenno iti pannakapagtalaw,+ wenno iti multa a kuarta+ wenno iti pannakaibalud.” 27  Bendito koma ni Jehova a Dios dagidi ammatayo,+ a nangikabil iti kasta a banag iti puso+ ti ari, tapno papintasen+ ti balay ni Jehova, nga adda idiay Jerusalem! 28  Ket nangipaay kaniak iti naayat a kinamanangngaasi+ iti sanguanan ti ari ken dagiti manangbalakadna+ ken no maipapan kadagiti amin a mannakabalin a prinsipe ti ari. Ket siak, iti biangko, pinapigsak ti bagik maitunos iti ima+ ni Jehova a Diosko nga adda kaniak, ket inummongko manipud Israel dagidiay pannakaulo a makipagsang-at kaniak.

Footnotes