Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Esdras 6:1-22

6  Iti daydin a ni Dario nga ari nangituyang iti bilin, ket nangaramidda iti panangsukisok iti balay dagiti pakasalaysayan+ ti gamgameng a naidulin sadiay Babilonia.  Ket idiay Ecbatana, iti nasarikedkedan a lugar nga adda idi iti masaksakupan a distrito ti Media,+ adda nasarakan a maysa a lukot, ket ti nailanad a pakaammo itoy a panggep naisurat iti uneg dayta:  “Iti umuna a tawen ni Ciro nga ari,+ ni Ciro nga ari nangituyang iti bilin maipapan iti balay ti Dios idiay Jerusalem: Ti balay mabangon koma manen kas ti lugar a pagidatonanda kadagiti sakripisio,+ ken maipasdek dagiti pamuonna, a ti kangatona innem a pulo a kasiko, ti kaakabana innem a pulo a kasiko,+  nga addaan iti tallo a palunapin a batbato a naitulid a naisaad+ ken maysa a palunapin a kaykayo;+ ket ti magastos maited koma manipud iti balay ti ari.+  Ken kasta met a maisubli koma dagiti balitok ken pirak a basehas+ ti balay ti Dios nga innala ni Nabucodonosor+ manipud iti templo nga adda idi idiay Jerusalem ken impanna idiay Babilonia, tapno makagtengda iti templo nga adda idiay Jerusalem iti lugarna ket maidulin iti balay ti Dios.+  “Ita Tatenai+ a gobernador iti labes ti Karayan,+ Setar-bozenai+ ken dagiti kakaduada, dagiti nababbaba a gobernador+ nga adda iti labes ti Karayan, umadayokayo dita.+  Bay-anyo ti trabaho iti dayta a balay ti Dios.+ Ti gobernador dagiti Judio ken ti lallakay dagiti Judio bangonendanto manen dayta a balay ti Dios iti lugarna.  Ket nangituyangakon iti bilin+ maipapan iti aramidenyonto kadagitoy a lallakay dagiti Judio, maipaay iti panangbangon manen iti dayta a balay ti Dios; ket manipud iti naarian a paggamengan+ ti buis iti labes ti Karayan madagdagusto a ti magastos maited+ nga awan ressatna+ kadagitoy nabaneg a lallaki.  Ket no ania ti kasapulan, urbon a tortoro+ kasta met ti kalakian a karkarnero+ ken korkordero+ nga agpaay kadagiti daton a mapuoran iti Dios ti langit, trigo,+ asin,+ arak+ ken lana,+ kas iti kunaen ti papadi nga adda idiay Jerusalem, maited koma kadakuada nga agtultuloy iti inaldaw a di bumurong; 10  tapno agtultuloy+ a mangidiayada kadagiti makaep-ep a daton+ iti Dios ti langlangit ken agkararagda maipaay iti biag ti ari ken ti annakna.+ 11  Ket nangituyangakon iti bilin a, no maipapan iti asinoman a mangsalungasing+ iti daytoy a bilin, maysa a kayo+ ti mauyosto iti balayna ket isu mailansanto+ iti dayta, ket ti balayna mapagbalinto a publiko a pagiblengan maigapu iti daytoy.+ 12  Ket ti Dios a namagtaeng iti naganna+ sadiay duprakenna koma ti asinoman nga ari ken ili a mangyunnat iti imana tapno agsalungasing ken mangdadael+ iti dayta a balay ti Dios, nga adda idiay Jerusalem. Siak, ni Dario, mangituyangak iti bilin. Maaramid koma a madagdagus dayta.” 13  Idin ni Tatenai a gobernador iti labes ti Karayan,+ ni Setar-bozenai+ ken ti kakaduada, maitunos iti sao nga impatulod ni Dario nga ari, kasta ti madagdagus nga inaramidda. 14  Ket ti lallakay+ dagiti Judio agibangbangon+ ken rumangrang-ayda idi iti sidong ti panagipadto ni Haggeo+ a mammadto ken ni Zacarias+ nga apoko ni Iddo,+ ket imbangonda ken lineppasda dayta maigapu iti bilin ti Dios ti Israel+ ken maigapu iti bilin da Ciro+ ken Dario+ ken Artaxerxes+ nga ari ti Persia. 15  Ket nalpasda daytoy a balay iti maikatlo nga aldaw ti lunar a bulan nga Adar,+ a dayta ket, iti maikanem a tawen ti panagturay ni Dario nga ari. 16  Ket ti annak ti Israel, ti papadi ken dagiti Levita+ ken ti dadduma pay kadagiti sigud a destiero+ inangayda ti inagurasion+ daytoy a balay ti Dios buyogen ti rag-o. 17  Ket nangidiayada maipaay iti inagurasion daytoy a balay ti Dios iti sangagasut a toro, dua gasut a kalakian a karnero, uppat a gasut a kordero, ken kas maysa a daton gapu iti basol maipaay iti intero nga Israel sangapulo ket dua a kalakian a kalding, sigun iti bilang dagiti tribu ti Israel.+ 18  Ket dinutokanda ti papadi kadagiti pannakapaglalasinda ken dagiti Levita iti bembennegda,+ maipaay iti panagserbi iti Dios nga adda idiay Jerusalem, maitunos iti bilin ti libro ni Moises.+ 19  Ket dagiti sigud a destiero inangayda ti paskua+ iti maikasangapulo ket uppat nga aldaw ti umuna a bulan.+ 20  Yantangay ti papadi ken dagiti Levita nadalusandan+ ti bagbagida kas maysa a bunggoy, isuda amin nadalusda, ket ngarud pinartida ti maparti iti paskua+ maipaay kadagiti amin a sigud a destiero ken maipaay iti kakabsatda a papadi ken maipaay iti bagbagida. 21  Kalpasanna nangan+ ti annak ti Israel a nagsubli manipud iti Pannakaidestiero, ken tunggal maysa a nangisina iti bagina a mapan kadakuada manipud iti kinarugit+ dagiti nasion ti daga, tapno birokenda ni Jehova a Dios ti Israel.+ 22  Ket inangayda ti piesta dagiti di nalebaduraan a tinapay+ iti pito nga aldaw buyogen ti panagrag-o; ta pinagrag-o ida ni Jehova, ket pinagbaw-ingna+ ti puso ti ari ti Asiria a maiturong kadakuada tapno papigsaenna ti im-imada iti trabaho ti balay ti pudno a Dios, ti Dios ti Israel.

Footnotes