Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Esdras 5:1-17

5  Ket ni Haggeo+ a mammadto ken ni Zacarias+ nga apoko ni Iddo+ a mammadto nagipadtoda kadagiti Judio nga adda idi idiay Juda ken idiay Jerusalem, iti nagan+ ti Dios ti Israel nga adda idi iti ngatuenda.+  Iti daydin a timmakder ni Zorobabel+ nga anak ni Sealtiel+ ken ni Jesua+ nga anak ni Jehozadac ket rinugianda a bangonen manen ti balay ti Dios, nga adda idi idiay Jerusalem; ket adda kadakuada dagiti mammadto ti Dios+ a mangipapaay kadakuada iti tulong.  Iti dayta a tiempo immay kadakuada ni Tatenai+ a gobernador iti labes ti Karayan+ ken ni Setar-bozenai ken dagiti kakaduada, ket daytoy ti kinunkunada kadakuada: “Siasino ti nangituyang kadakayo iti bilin a bangonenyo daytoy a balay ken leppasen daytoy a sangal ti awanan?”+  Idin kinunada kadakuada daytoy: “Ania ti nagnagan dagiti nabaneg a lallaki a mangibangbangon iti daytoy a patakder?”  Ket ti mata+ ti Diosda adda idi+ iti lallakay dagiti Judio, ket saanda a pinasardeng ida agingga a ti damag makagteng ken Dario ket kalpasanna maysa nga opisial a dokumento maipapan iti daytoy ti maipatulod a maisubli.  Adtoy ti maysa a kopia+ ti surat a ni Tatenai+ a gobernador iti labes ti Karayan+ ken ni Setar-bozenai+ ken ti kakaduada,+ dagiti nababbaba a gobernador nga adda idi iti labes ti Karayan, impatulodda ken Dario nga ari;  impatulodda kenkuana ti sao, ket kastoy idi ti pannakaisurat dayta: “Ken Dario nga ari: “Talna amin!+  Maipakaammo koma iti ari a napankami iti masaksakupan a distrito+ ti Juda iti balay ti naindaklan a Dios,+ ket maibangbangon dayta babaen kadagiti bato a naitulid a naisaad, ket dagiti kayo maisasaadda kadagiti diding; ket dayta a trabaho maar-aramid a sigagagar ken rumangrang-ay iti im-imada.  Kalpasanna nagimtuodkami kadagitoy a lallakay. Daytoy ti kinunami kadakuada: ‘Siasino ti nangituyang kadakayo iti bilin a bangonenyo daytoy a balay ken leppasen daytoy a sangal ti awanan?’+ 10  Ket inimtuodmi met kadakuada ti nagnaganda, tapno maammuam koma, tapno maisuratmi ti nagnagan dagiti nabaneg a lallaki a pannakauloda.+ 11  “Ket daytoy ti sao nga insublida kadakami, a kunkunada: ‘Dakami ti ad-adipen ti Dios ti langlangit ken ti daga,+ ket bangbangonenmi manen ti balay a naibangonen iti adu a tawen sakbay daytoy, nga imbangon ti maysa a naindaklan nga ari ti Israel ken lineppasna.+ 12  Nupay kasta, agsipud ta dagiti ammami rinurodda+ ti Dios ti langlangit, inyawatna+ ida iti ima ni Nabucodonosor+ nga ari ti Babilonia, ti Caldeo,+ ket dinuprakna daytoy a balay+ ket dagiti umili indestierona idiay Babilonia.+ 13  Uray pay kasta, iti umuna a tawen ni Ciro+ nga ari ti Babilonia, ni Ciro nga ari nangituyang iti bilin a bangonen manen daytoy a balay ti Dios.+ 14  Ken kasta met dagiti balitok ken pirak a basehas+ ti balay ti Dios nga innala ni Nabucodonosor manipud iti templo, nga adda idi idiay Jerusalem, ken impanna iti templo ti Babilonia,+ dagitoy inruar ni Ciro nga ari+ manipud iti templo ti Babilonia, ket naitedda ken Sesbazzar,+ ti nagan daydiay pinaggobernadorna.+ 15  Ket kinunana kenkuana: “Alaem dagitoy a basehas.+ Mapanka, idulinmo ida iti templo nga adda idiay Jerusalem, ket bay-am a ti balay ti Dios mabangon manen iti lugarna.”+ 16  Idi immay dayta a Sesbazzar insaadna dagiti pamuon ti balay ti Dios,+ nga adda idiay Jerusalem; ket manipud idin agingga ita mabangbangon manen dayta ngem saan pay a nalpas.’+ 17  “Ket ita no naimbag iti ari, adda koma ti panangsukisok+ iti balay dagiti gameng ti ari nga adda sadiay Babilonia, no agpayso a manipud ken Ciro nga ari naituyang ti maysa a bilin+ a bangonen manen dayta a balay ti Dios idiay Jerusalem; ket ti pangngeddeng ti ari maipapan itoy ipatulodna koma kadakami.”

Footnotes