Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Esdras 1:1-11

1  Ket idi umuna a tawen ni Ciro+ nga ari ti Persia, tapno maibanag ti sao ni Jehova manipud iti ngiwat ni Jeremias,+ ginutugot ni Jehova+ ti espiritu ni Ciro nga ari ti Persia iti kasta pinaiwaragawagna ti maysa a pukkaw+ iti intero a pagturayanna, ken babaen met iti surat,+ a kunkunana:  “Daytoy ti kinuna ni Ciro nga ari ti Persia,+ ‘Amin dagiti pagarian ti daga inted kaniak+ ni Jehova a Dios ti langlangit,+ ket isu pinarebbengannak nga ibangonak iti balay idiay Jerusalem,+ nga adda idiay Juda.  Siasinoman nga adda kadakayo manipud intero nga ilina, adda koma kenkuana ti Diosna.+ Gapuna sumang-at koma idiay Jerusalem, nga adda idiay Juda, ket bangonenna manen ti balay ni Jehova a Dios ti Israel—isu ti pudno a Dios+—nga adda idi idiay Jerusalem.+  No maipapan iti asinoman a mabati manipud kadagiti amin a lugar a pagtataenganna kas ganggannaet,+ tulongan koma dagiti lallaki iti lugarna babaen iti pirak ken babaen iti balitok ken babaen iti sansanikua ken babaen iti naamo nga an-animal agraman ti boluntario a daton+ maipaay iti balay ti pudno a Dios, nga adda idi idiay Jerusalem.’”  Idin timmakder dagiti pannakaulo+ ti amma ti Juda ken ti Benjamin ken ti papadi ken dagiti Levita, ti met laeng tunggal maysa a ginutugot ti espiritu+ ti pudno a Dios, tapno sumang-at ken bangonenda manen ti balay ni Jehova,+ nga adda idi idiay Jerusalem.  No maipapan kadagidiay amin nga adda iti aglikmutda, pinapigsada+ ti im-imada babaen iti ar-aruaten a pirak, babaen iti balitok, babaen iti sansanikua ken babaen iti naamo nga an-animal ken babaen iti napili a bambanag, malaksid iti isuamin a siboboluntario a naidaton.+  Kasta met, inruar a mismo ni Ari Ciro dagiti aruaten ti balay ni Jehova,+ nga inggapu ni Nabucodonosor idiay Jerusalem+ ken kalpasanna inkabilna iti balay ti diosna.+  Ket ni Ciro nga ari ti Persia inyegna ida iti sidong ti panangaywan ni Mitredat a tesorero ket binilangna ida ken Sesbazzar+ a panguluen ti Juda.+  Ita dagitoy ti bilangda: tallopulo a sinanlabba a pagkargaan a balitok, sangaribu a sinanlabba a pagkargaan a pirak, duapulo ket siam a pangsandi a pagkargaan, 10  tallopulo a babassit a malukong+ a balitok, uppat a gasut ket sangapulo a babassit a segundario a malukong a pirak, sangaribu a sabsabali pay nga aruaten. 11  Amin dagiti aruaten a balitok ken pirak lima ribu uppat a gasutda. Isuamin insang-at ni Sesbazzar,+ agraman ti pannakaisang-at dagiti naidestiero+ nga umili manipud Babilonia agingga idiay Jerusalem.

Footnotes