Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Efeso 6:1-24

6  Annak, agtulnogkayo kadagiti nagannak kadakayo+ a maikaykaysa+ iti Apo, ta daytoy nalinteg:+  “Dayawem ni amam ken ni inam”;+ nga isu ti umuna a bilin nga addaan iti kari:+  “Tapno naimbag ti lak-ammo ken makapagtalinaedka iti daga iti atiddog a tiempo.”+  Ket dakayo, nga amma, dikay ruroden ti annakyo,+ no di ket itultuloyyo a padakkelen ida+ iti disiplina+ ken panangiturong-panunot+ ni Jehova.  Dakayo nga ad-adipen, agtulnogkayo kadagidiay nga appoyo iti nainlasagan a kaipapanan,+ buyogen ti buteng ken panagpigerger+ iti kinapasnek dagiti pusoyo, a kas maipaay iti Kristo,  saan nga iti wagas a panagserbi iti mata a kas manangay-ayo kadagiti tattao,+ no di ket kas ad-adipen ni Kristo, nga amin-kararua nga aramidenyo ti pagayatan ti Dios.+  Agpaadipenkayo buyogen dagiti naimbag a pagannayasan, a kas maipaay ken Jehova,+ ket saan a kadagiti tattao,  ta ammoyo a ti tunggal maysa, aniaman ti naimbag nga aramidenna, awatennanto daytoy kas supapak manipud ken Jehova,+ uray no isu maysa nga adipen wenno siwayawaya a tao.+  Kasta met, dakayo nga appo, itultuloyyo nga aramiden kadakuada ti isu met laeng a bambanag, a baybay-anyo ti panangbutbuteng,+ ta ammoyo a ti Apoyo nga agpadpada+ adda iti langlangit, ket awan kenkuana ti panangidumduma.+ 10  Kamaudiananna, itultuloyyo a gun-oden ti pannakabalin+ iti Apo ken iti kinabileg+ ti pigsana. 11  Ikapetyo ti naan-anay a kabal+ manipud iti Dios tapno mabalinanyo ti agtakder a sititibker maibusor kadagiti pangallilaw a pamuspusan+ ti Diablo; 12  agsipud ta addaantayo iti pannakigubal,+ saan a maibusor iti dara ken lasag, no di ket maibusor kadagiti gobierno,+ maibusor kadagiti autoridad,+ maibusor kadagiti agturay iti lubong+ daytoy a kinasipnget, maibusor kadagiti nadangkes nga espiritu+ a puersa kadagiti nailangitan a disso. 13  Gapu itoy alaenyo ti naan-anay a kabal manipud iti Dios,+ tapno mabalinanyo ti sumaranget iti nadangkes nga aldaw ket, kalpasan a naan-anay a naaramidyon ti amin a bambanag, makapagtakderkayo a sititibker.+ 14  Ngarud, agtakderkayo a sititibker a dagiti lomoyo nabariksan+ iti kinapudno,+ ken sikakapet ti kabal ti barukong nga isu ti kinalinteg,+ 15  ket dagiti sakayo+ nasapatosan iti alikamen ti naimbag a damag ti kappia.+ 16  Kangrunaan iti amin, alaenyo ti dakkel a kalasag ti pammati,+ a babaen iti dayta mabalinanyonto a depdepen amin dagiti sumsumged a gayang daydiay nadangkes.+ 17  Kasta met, awatenyo ti kabal ti ulo+ ti pannakaisalakan, ken ti kampilan+ ti espiritu,+ a dayta ti, sao ti Dios,+ 18  bayat nga iti amin a langa ti kararag+ ken araraw itultuloyyo ti agkararag iti espiritu iti amin a gundaway.+ Ket iti dayta a panggep agtalinaedkayo a siririing buyogen ti isuamin a kinatibker ken buyogen ti araraw maigapu iti amin a sasanto, 19  kasta met a maipaay kaniak, tapno ti pannakabael nga agsao+ maited koma kaniak babaen ti pannakalukat ti ngiwatko, buyogen ti wayawaya nga agsao+ tapno ipakaammok ti sagrado a palimed ti naimbag a damag,+ 20  a pagak-akemak kas embahador+ a sikakawar; tapno makapagsaoak a mainaig iti dayta buyogen ti kinatured kas iti rebbeng a panagsaok.+ 21  Ita tapno maammuanyo met ti maipapan kadagiti aramidko, no kasano ti kasasaadko, ni Tiquico,+ a kabsat a dungdungnguen ken matalek a ministro iti Apo, ipakaammonanto kadakayo ti amin a banag.+ 22  Isu ibaonko kadakayo gapu itoy met laeng a panggep, tapno maammuanyo ti bambanag nga adda pannakainaigna kadakami ken tapno maliwliwana dagiti pusoyo.+ 23  Maaddaan koma dagiti kakabsat iti talna ken ayat agraman pammati manipud iti Dios nga Ama ken iti Apo a ni Jesu-Kristo. 24  Maadda koma ti di kaikarian a kinamanangngaasi+ kadagidiay amin nga agayat ken Apotayo a Jesu-Kristo iti kinaawan panagrupsa.

Footnotes