Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Efeso 1:1-23

1  Ni Pablo, maysa nga apostol+ ni Kristo Jesus babaen ti pagayatan ti Dios,+ agpaay kadagiti sasanto nga adda idiay Efeso ken kadagiti matalek+ a naikaykaysa+ ken Kristo Jesus:  Maaddaankay koma iti di kaikarian a kinamanangngaasi+ ken talna+ manipud iti Dios nga Amatayo ken iti Apo a ni Jesu-Kristo.  Bendito koma ti Dios ken Ama ni Apotayo a Jesu-Kristo,+ ta binendisionannatayo+ iti tunggal naespirituan a bendision kadagiti nailangitan a disso+ a maikaykaysa ken Kristo,  a kas iti panangpilina+ kadatayo a maikaykaysa kenkuana sakbay ti pannakabangon+ ti lubong, tapno iti sanguananna agbalintayo koma a nasantuan ken awan pakapilawanna+ iti ayat.+  Ta intudingnatayo a nasakbay+ iti pannakaampon+ kas annak+ maipaay kenkuana babaen ken Jesu-Kristo, maitunos iti pakaragsakan unay ti pagayatanna,+  a pakaidayawan+ ti nadayag a di kaikarian a kinamanangngaasina+ a siaasi nga impaayna kadatayo babaen ti ay-ayatenna.+  Babaen kenkuana addaantayo iti pannakaluk-at babaen ti subbot baeten iti dara+ dayta, wen, ti pannakapakawan+ dagiti labsingtayo, maitunos iti kinabaknang ti di kaikarian a kinamanangngaasina.+  Pinaaduna daytoy a maipaay kadatayo iti isuamin a sirib+ ken nasayaat a panagpampanunot,  iti panangipakaammona kadatayo ti sagrado a palimed+ ti pagayatanna. Maitunos dayta iti pakaragsakanna unay a pinanggepna a mismo+ 10  maipaay iti maysa a panangaywan+ agingga iti naan-anay a pagpatinggaan dagiti naituding a tiempo,+ awan sabali, tapno ummongen+ a sangsangkamaysa manen ken Kristo ti amin a bambanag,+ ti bambanag iti langlangit+ ken ti bambanag iti daga.+ Wen, kenkuana, 11  a maikaykaysa iti daydiay a nakaitudingantayo met kas makipagtawid,+ ta naitudingtayo a nasakbay maitunos iti panggep daydiay mamagtignay iti amin a bambanag maitunos iti pamay-an nga ipatigmaan ti pagayatanna,+ 12  tapno agserbitayo koma a maipaay iti pakaidayawan ti dayagna,+ datayo nga immuna a nanginanama ken Kristo.+ 13  Ngem nanginanamakayo met kenkuana kalpasan a nangngegyo ti sao ti kinapudno,+ ti naimbag a damag maipapan iti pannakaisalakanyo.+ Babaen met kenkuana, kalpasan a namatikayo, naselioankayo+ iti naikari a nasantuan nga espiritu,+ 14  a maysa a tanda+ a pakpakauna iti tawidtayo,+ maipaay iti panggep a pannakaluk-at ti bukod a sanikua [ti Dios]+ babaen ti subbot,+ maipaay iti nadayag a pakaidayawanna. 15  Dayta ti makagapu a siak met, yantangay nangngegko ti pammatiyo ken Apo Jesus ken iti amin a sasanto,+ 16  diak mamingga nga agyamyaman maipaay kadakayo. Agtultuloy a dakdakamatenkayo kadagiti kararagko,+ 17  tapno ti Dios ni Apotayo a Jesu-Kristo, ti Ama ti kinadayag, ikkannakayo koma iti espiritu ti sirib+ ken ti paltiing iti umiso a pannakaammo kenkuana;+ 18  yantangay nalawaganen+ dagiti mata+ ti pusoyo, tapno maammuanyo no ania ti namnama+ a nangayabanna kadakayo, no ania dagiti nadayag a kinabaknang+ nga ik-ikutanna kas tawid nga agpaay kadagiti sasanto,+ 19  ken no ania ti manglab-aw a kinadakkel ti pannakabalinna+ kadatayo a manamati. Maitunos dayta iti panagtignay+ ti kinabileg ti pigsana, 20  a pinagtignayna iti kasasaad ti Kristo idi imbangonna manipud kadagiti natay+ ken impatugawna iti makannawanna+ kadagiti nailangitan a disso,+ 21  nga adayo a nangatngato ngem iti tunggal gobierno ken autoridad ken pannakabalin ken kinaapo+ ken iti tunggal nagan a naipanagan,+ saan laeng nga iti daytoy a sistema ti bambanag,+ no di ket kasta met iti daydiay umayto.+ 22  Impasakupna met ti amin a bambanag iti baba dagiti sakana,+ ket pinagbalinna nga ulo iti amin a bambanag+ iti kongregasion, 23  a dayta ti bagina,+ ti kinanaan-anay+ daydiay mangpunno iti amin a bambanag iti isuamin.+

Footnotes