Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Eclesiastes 9:1-18

9  Ta impapusok amin daytoy, a sukimatek pay amin daytoy,+ a dagidiay nalinteg ken dagidiay masirib ken dagiti aramidda addada iti ima ti pudno a Dios.+ Saan nga ammo ti sangatauan uray ti ayat wenno ti gura nga adda aminen iti kasakbayanda.+  Ti isuamin agpapada no maipapan iti adda iti isuamin.+ Adda maymaysa a pasamaken+ daydiay nalinteg+ ken daydiay nadangkes,+ daydiay naimbag ken daydiay nadalus ken daydiay narugit, ken daydiay agisaksakripisio ken daydiay saan nga agisaksakripisio. Daydiay naimbag ket kas met laeng iti managbasol;+ daydiay agsapsapata ket kas met laeng iti asinoman a mabuteng iti sinapataan a kari.+  Daytoy ti makadidigra iti isuamin a naaramid iti baba ti init, nga, agsipud ta adda maymaysa a pasamaken ti isuamin,+ ti puso ti annak ti tattao napno met iti dakes;+ ket adda kinamauyong+ iti pusoda bayat ti panagbiagda, ket kalpasan dayta—agturongda kadagidiay natayen!+  Ta no maipapan iti siasinoman a maitipon iti isuamin a sibibiag adda panagtalek, agsipud ta ti sibibiag nga aso+ nasaysayaat ngem iti natay a leon.+  Ta dagiti sibibiag sipapanunotda a mataydanto;+ ngem no maipapan kadagiti natay, saanda a pulos sipapanunot iti aniaman,+ awananda metten a pulos kadagiti tangdan, agsipud ta ti pakalaglagipan kadakuada nalipatanen.+  Kasta met, ti ayatda ken ti gurada ken ti imonda napukawen,+ ket agingga iti tiempo a di nakedngan awanandan iti bingay iti aniaman a banag a kasapulan a maaramid iti baba ti init.+  Mapanka, kanem ti taraonmo buyogen ti panagrag-o ket inumem ti arakmo buyogen ti naimbag a puso,+ agsipud ta ti pudno a Dios nakasaraken iti ragsak kadagiti aramidmo.+  Iti tunggal gundaway napudaw koma dagiti kawesmo,+ ket saan koma nga agkurang ti lana iti ulom.+  Kitaem ti biag a kaduam ti asawa nga ay-ayatem+ iti amin nga al-aldaw ti ubbaw a biagmo nga Isu intedna kenka iti baba ti init, amin nga al-aldaw ti kinaubbawmo, ta dayta ti bingaymo iti biag+ ken iti napinget a panagtrabahom nga iti dayta agtartrabahoka a sipipinget iti baba ti init. 10  Isuamin a masarakan ta imam nga aramiden, aramidem buyogen ti mismo a bilegmo,+ ta awan ti aramid wenno uray gakat wenno uray pannakaammo+ wenno uray sirib+ idiay Sheol,+ ti disso a papanam.+ 11  Nagsubliak a mangkita iti baba ti init a ti lumba awan kadagiti nasiglat,+ ti gubat awan met kadagidiay mannakabalin,+ ti taraon awan met kadagiti masirib,+ ti kinabaknang awan met kadagidiay mannakaawat,+ ti parabur awan met uray kadagidiay addaan pannakaammo;+ agsipud ta ti tiempo ken ti di mapakpakadaan a pasamak mapagteng kadakuada amin.+ 12  Ta ti tao+ saanna met nga ammo ti tiempona.+ Kas kadagiti ikan a maal-ala iti dakes nga iket,+ ken kas kadagiti tumatayab a matiltiliw iti silo,+ kasta ti pannakasilo ti annak ti tattao iti makadidigra a tiempo,+ inton giddato nga umapay dayta kadakuada.+ 13  Kasta met daytoy nakitak no maipapan iti sirib iti baba ti init—ket naindaklan dayta kaniak: 14  Adda maysa a bassit a siudad, ket manmano ti tattao iti dayta; ket adda idi naindaklan nga ari nga immay iti dayta, ket pinalikmutanna ken nangibangon kadagiti dadakkel a salindeg maibusor iti dayta.+ 15  Ket iti dayta adda nasarakan a lalaki, marigrigat ngem masirib, ket dayta a tao inlisina ti siudad babaen ti siribna.+ Ngem awan ti tao a nakalagip iti dayta a marigrigat a lalaki.+ 16  Ket siak kinunak: “Ti sirib nasaysayaat ngem iti kinamannakabalin;+ nupay kasta ti sirib daydiay marigrigat maumsi, ket ti sasaona saan a maimdengan.”+ 17  Ti sasao dagidiay masirib buyogen ti kinaulimek ad-adda a mangngegan+ ngem iti ikkis ti maysa nga agturturay iti tengnga dagiti maag nga umili.+ 18  Ti sirib nasaysayaat ngem iti ramramit a pakirupak, ket ti maysa laeng a managbasol madadaelna ti adu nga imbag.+

Footnotes