Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Eclesiastes 7:1-29

7  Ti nagan nasaysayaat ngem iti naimbag a lana,+ ken ti aldaw ti ipapatay ngem iti aldaw ti pannakayanak ti maysa.+  Nasaysayaat ti mapan iti balay ti panagleddaang ngem ti mapan iti balay ti bangkete,+ agsipud ta dayta ti pagtungpalan ti intero a sangatauan; ket daydiay sibibiag rebbeng nga ipapusona dayta.  Nasaysayaat ti pannakasemsem ngem iti katawa,+ ta babaen ti kinaalipunget ti rupa sumayaat ti puso.+  Ti puso dagidiay masirib adda idiay balay ti panagleddaang,+ ngem ti puso dagidiay maag adda idiay balay ti panagrag-o.+  Nasaysayaat a denggen ti pammabalaw ti maysa a masirib+ ngem iti sika ti tao a dumdumngeg iti kanta dagidiay maag.+  Ta kas iti panagragutok dagiti siit iti sirok ti banga, kasta ti katawa ti maag;+ ket daytoy kinaubbaw met.  Ta ti panangirurumen laeng mapagtignayna a simamauyong+ ti masirib, ket ti maysa a sagut+ mabalinna a dadaelen ti puso.+  Nasaysayaat ti tungpal kalpasanna ti maysa a banag ngem iti punganayna.+ Nasaysayaat daydiay naanus ngem daydiay natangsit iti espiritu.+  Dika agdarasudos iti espiritum nga agrurod,+ ta ti panagrurod isu ti agsaad iti saklot dagidiay maag.+ 10  Saanmo a kunaen: “Apay a napasamak a dagiti immun-una nga aldaw nasaysayaatda ngem kadagitoy?”+ ta saan a gapu iti kinasirib+ a nagimtuodka maipapan itoy. 11  Ti sirib a napakuyogan iti tawid naimbag ket makapasayaat kadagidiay makakita iti init.+ 12  Ta ti sirib agpaay a salaknib+ kas met laeng ti kuarta agpaay a salaknib;+ ngem ti pagsayaatan ti pannakaammo ket ti met laeng sirib taginayonenna a sibibiag dagiti agik-ikut iti dayta.+ 13  Kitaem ti aramid+ ti pudno a Dios, ta siasino ti makailinteg iti kinillona?+ 14  Iti naimbag nga aldaw paneknekam nga addaka iti kinaimbag,+ ket iti aldaw a makadidigra kitaem a ti pudno a Dios inaramidna uray daytoy nga apag-isu a kas iti dayta,+ iti panggep a ti sangatauan saanna a pulos matakuatan ti aniaman kalpasanda.+ 15  Nakitak ti isuamin bayat dagiti ubbaw nga al-aldawko.+ Adda daydiay nalinteg a madaddadael iti kinalintegna,+ ket adda daydiay nadangkes nga agtalinaed iti mabayag iti kinadakesna.+ 16  Dika agbalin a nalabes ti kinalintegna,+ saanmo met nga ipakita a nalabes unay ti kinasiribmo.+ Apay koma a paglangalangem ta bagim?+ 17  Dika agbalin a nalabes ti kinadangkesna,+ dika met agbalin a maag.+ Apay koma a matayka idinto ta saanmo a tiempo?+ 18  Nasaysayaat a petpetam ti maysa, ngem ta imam saanmo nga isanud manipud met iti sabali;+ ta ti agbuteng iti Dios mapanto a kumuyog kadakuada amin.+ 19  Iti daydiay masirib napigpigsa ti mismo a sirib ngem iti sangapulo a lallaki nga adda iti pannakabalin isuda nga adda iti maysa a siudad.+ 20  Ta awan ti tao a nalinteg iti daga nga agtultuloy nga agaramid iti naimbag ket saan nga agbasol.+ 21  Kasta met, saanmo nga ipaay ta pusom kadagiti amin a sao a sawen dagiti tattao,+ tapno saanmo a mangngeg a ti adipenmo idawdawatna ti pakadaksam.+ 22  Ta ti bukodmo a puso pagaammona unay uray iti adu a daras a sika, mismo a sika, indawdawatmo ti pakadaksan ti sabsabali.+ 23  Isuamin daytoy sinubokko buyogen ti sirib. Kinunak: “Agbalinakto a masirib.” Ngem adayo idi kaniak dayta.+ 24  Daydiay naaddan adayo ken nakaun-uneg unay. Siasino ti makatakuat iti dayta?+ 25  Siak nagbaw-ingak, uray ti pusok nagbaw-ing,+ a mangammo ken mangsukimat ken mangbirok iti sirib+ ken iti rason iti bambanag,+ ken mangammo maipapan iti kinadangkes ti kinamaag ken ti kinamaag ti kinamauyong;+ 26  ket mataktakuatak idi: Napapait ngem ipapatay+ nasarakak ti babai nga isu a mismo ik-iket a paganup ket ti pusona ik-iket a pagdaklis ket dagiti imana grilios.+ Ti maysa ket naimbag iti sanguanan ti pudno a Dios no makalisi kenkuana, ngem ti maysa agbasbasol no makautibo babaen kenkuana.+ 27  “Kitaenyo! Nasarakak daytoy,” kinuna ti manangummong,+ “ti maysa a banag naala kalpasan ti sabali, tapno takuaten ti pakagupgopan,+ 28  nga agtultuloy a sinapul ti kararuak, ngem saanko a nasarakan. Maysa a tao iti sangaribu ti nasarakak,+ ngem saanak a nakasarak iti babai iti nagtetengngaan amin dagitoy.+ 29  Kitaenyo! Daytoy laeng ti natakuatak, a ti pudno a Dios inaramidna a nalinteg ti sangatauan,+ ngem isuda nagsapulda iti adu a gakat.”+

Footnotes