Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Eclesiastes 5:1-20

5  Saluadam dagita sakam+ kaanoman a mapanka iti balay ti pudno a Dios; ket adda koma iyaadani a dumngeg,+ imbes a mangted iti sakripisio kas aramiden dagiti maag,+ ta saanda nga ammo nga ar-aramidenda ti dakes.+  Saanmo a pagganaten ta bagim no maipapan iti ngiwatmo; ket no maipapan iti pusom,+ saan koma a nadarasudos a mangyeg iti sao iti sanguanan ti pudno a Dios.+ Ta ti pudno a Dios adda iti langlangit+ ngem sika addaka iti daga. Dayta ti makagapu a manmano koma ti sasaom.+  Ta ti tagtagainep sigurado nga umay gapu iti kinaruay ti pakakumikoman,+ ken ti timek ti maag gapu iti kinaruay ti sasao.+  Kaanoman a mangikarika iti maysa a kari iti Dios, dika bumdeng a mangtungpal iti dayta,+ ta awan ti pakaragsakan kadagiti maag.+ No ania ti ikarim, tungpalem.+  Nasaysayaat a saanka nga agkari+ ngem iti agkarika ket saanmo a tungpalen.+  Saanmo a palubosan ta ngiwatmo a pagbasolenna ti lasagmo,+ saanmo met a sawen iti sanguanan ti anghel+ a maysa dayta a biddut.+ Apay koma a ti pudno a Dios agrurod maigapu iti timekmo ket masapul a rebbaenna ti aramid dagita imam?+  Ta gapu iti kinaruay ti pakakumikoman adda dagiti tagtagainep,+ ken adda dagiti kinaubbaw ken sasao a naruay. Ngem agbutengka iti pudno a Dios a mismo.+  No makitam ti aniaman a pannakairurumen daydiay bassitan iti sanikua ken ti nadawel a panangikkat iti panangukom+ ken ti kinalinteg iti masaksakupan a distrito, dika agsiddaaw gapu iti pasamak,+ ta ti nangatngato ngem iti daydiay nangato+ agsipsiput,+ ket adda dagidiay a nangato iti ngatuenda.  Kasta met, ti gunggona ti daga adda kadakuada amin;+ gapu iti maysa a talon naserbian a mismo ti ari.+ 10  Ti managayat laeng iti pirak saanto a mapnek iti pirak, uray ti asinoman a managayat iti kinabaknang saanto a mapnek iti sapul.+ Daytoy met ket kinaubbaw.+ 11  No umadu dagiti naimbag a banag, sigurado nga umadu dagidiay mangan kadakuada.+ Ket ania a pagsayaatan ti adda iti naindaklan a makinkukua kadakuada, malaksid ti panangkitana kadakuada kadagiti matana?+ 12  Nasam-it ti turog+ daydiay agserserbi, uray pay no bassit wenno adu ti kanenna; ngem ti aglaplapusanan a kukua daydiay nabaknang saan a mangipalubos kenkuana a maturog. 13  Adda nakaro a didigra a nakitak iti baba ti init: kinabaknang a maiduldulin maipaay iti naindaklan a makinkukua kadakuada iti pakadidigraanna.+ 14  Ket nadadael dagidiay a kinabaknang+ gapu iti makadidigra a pakakumikoman, ket isu nagbalin nga ama ti maysa nga anak iti tiempo nga awan a pulos ti adda iti imana.+ 15  Kas iti iruruar ti maysa iti tian ni inana, lamolamo ti ipapanawnanto manen,+ kas iti iyaayna idi; ket awan a pulos ti maipanaw ti maysa+ maipaay iti napinget a panagtrabahona, a maitugotna iti imana. 16  Ket maysa met a nakaro a didigra daytoy: apag-isu a kas iti iyaay ti maysa, kasta ti ipapanawnanto; ket ania ti magunggona ti maysa nga agtartrabaho a sipipinget maipaay iti angin?+ 17  Kasta met, iti amin nga al-aldawna isu mangan iti mismo a kinasipnget, buyogen ti adu a panagluksaw,+ buyogen ti sakit iti biangna ken pakaigapuan ti rurod. 18  Adtoy! Ti kasayaatan a banag a nakitak a mismo, a naimnas, ket ti maysa mangan ken uminum ken makakita iti imbag iti isuamin a napinget a panagtrabahona+ nga iti dayta isu agtrabaho a sipipinget iti baba ti init iti bilang dagiti aldaw ti biagna nga inted kenkuana ti pudno a Dios, ta dayta ti bingayna. 19  Kasta met tunggal tao a nangtedan ti pudno a Dios iti kinabaknang ken material a sansanikua,+ isu inikkanna pay iti pannakabalin a mangan manipud iti dayta+ ken mangala iti bingayna ken agrag-o iti napinget a panagtrabahona.+ Daytoy ti sagut ti Dios.+ 20  Ta saan a masansan a malagipnanto dagiti aldaw ti biagna, agsipud ta isu pagkumkumikomen ti pudno a Dios iti panagrag-o ti pusona.+

Footnotes