Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Eclesiastes 3:1-22

3  Ta iti tunggal banag adda naituding a tiempo,+ ti mismo a tiempo iti tunggal aramid iti baba ti langlangit:  tiempo ti pannakayanak+ ken tiempo ti ipapatay;+ tiempo ti panagmula ken tiempo ti panagparut iti naimula;+  tiempo ti panangpapatay+ ken tiempo ti panangpaimbag;+ tiempo ti panagrebba ken tiempo ti panagbangon;+  tiempo ti panagsangit+ ken tiempo ti panagkatawa;+ tiempo ti panagdung-aw+ ken tiempo ti panaglagtolagto;+  tiempo ti panagibelleng iti batbato+ ken tiempo ti panagurnong iti batbato;+ tiempo ti panangarakup+ ken tiempo ti iyaadayo iti panangarakup;+  tiempo ti panangsapul+ ken tiempo ti panangbaybay-a kas pukaw; tiempo ti panangsalimetmet ken tiempo ti panagibelleng;+  tiempo ti panagray-ab+ ken tiempo ti panagdait a panamagsasaip;+ tiempo ti panagulimek+ ken tiempo ti panagsao;+  tiempo ti panagayat ken tiempo ti pananggura;+ tiempo maipaay iti gubat+ ken tiempo maipaay iti talna.+  Maipaay iti managaramid ania ti pagsayaatan ti tartrabahuenna a sipipinget?+ 10  Nakitak ti pakakumikoman nga inted ti Dios iti annak ti sangatauan nga isu ti pakakumikomanda.+ 11  Tunggal banag inaramidna a napintas iti tiempona.+ Uray ti tiempo a di nakedngan insaadna iti pusoda,+ tapno ti sangatauan saanna a pulos masarakan ti aramid nga inaramid ti pudno a Dios manipud pangrugian agingga iti pagnguduan.+ 12  Naammuak nga awanen ti nasaysayaat kadakuada ngem ti panagrag-o ken panagaramid iti naimbag bayat ti panagbiag ti maysa;+ 13  ken kasta met a ti tunggal tao mangan ken pudno nga uminum ken makakita iti imbag iti isuamin a napinget a panagtrabahona.+ Dayta ti sagut ti Dios.+ 14  Naammuak a ti isuamin nga aramiden ti pudno a Dios, agingganto iti tiempo a di nakedngan.+ Iti dayta awan ti mainayon ken manipud iti dayta awan ti maikissay;+ no di ket ti met laeng pudno a Dios inaramidna dayta,+ tapno dagiti tattao agbutengda maigapu kenkuana.+ 15  Ti addan, addan idi, ket ti maaddanto naaddan;+ ket ti met laeng pudno a Dios+ itultuloyna a biroken daydiay makamkamat.+ 16  Ket nakitak pay iti baba ti init ti disso ti kinahustisia a sadiay adda kinadangkes ken ti disso ti kinalinteg nga ayan ti kinadangkes.+ 17  Siak kinunak iti pusok:+ “Ti pudno a Dios ukomennanto nga agpadpada ti nalinteg ken ti nakillo,+ ta adda tiempo maipaay iti tunggal aramid ken maipapan iti tunggal trabaho sadiay.”+ 18  Siak, mismo a siak, kinunak iti pusok maipapan iti annak ti sangatauan a piliento ida ti pudno a Dios, tapno makitada nga isuda an-animalda.+ 19  Ta adda maysa a pasamaken no maipapan iti annak ti sangatauan ken maysa a pasamaken no maipapan iti animal, ket addaanda iti isu met laeng a pasamaken.+ No kasano a ti maysa matay, kasta met a ti sabali matay;+ ket addaanda amin ti maymaysa nga espiritu,+ iti kasta ti tao awan pagsaysayaatanna ngem iti animal, ta isuamin kinaubbaw. 20  Isuamin mapanda iti maymaysa a lugar.+ Napaaddada amin manipud iti tapok,+ ket agsublida amin iti tapok.+ 21  Siasino ti makaammo iti espiritu ti annak ti sangatauan, no dayta ket umuli nga agpangato; ken ti espiritu ti animal, no dayta ket umulog nga agpababa iti daga?+ 22  Ket nakitak nga awan ti nasaysayaat ngem ti panagrag-o ti tao kadagiti aramidna,+ ta dayta ti bingayna; agsipud ta siasino ti mangyegto kenkuana tapno kitaen no ania ti mapasamak kalpasan kenkuana?+

Footnotes