Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Eclesiastes 12:1-14

12  Lagipem, itan, ti Naindaklan a Namarsuam+ kadagiti aldaw ti kinaagtutubom,+ sakbay nga umay dagiti makadidigra nga aldaw,+ wenno dimtengen dagiti tawen inton kunaem: “Awan pakaragsakak kadakuada”;+  sakbay a ti init ken ti lawag ken ti bulan ken dagiti bituen agsipngetda,+ ket dagiti ulep nagsublidan, kalpasanna ti bayakabak;  iti aldaw inton dagiti agay-aywan iti balay+ agpigergerda, ket dagiti lallaki a nakired inrukobdan ti bagbagida,+ ket dagiti aggilgiling a babbai+ simmardengdan nga agtrabaho agsipud ta bimmassitdan, ket dagiti babbai a kumitkita kadagiti tawa+ nakitada a nasipngeten;  ket naiserran dagiti ruangan nga agturong iti kalsada,+ inton ti daranudor ti paggilgiling bumaba,+ ket ti maysa bumangon gapu iti uni ti tumatayab, ket ti amin nga annak a babbai ti kanta nababa ti unida.+  Kasta met, nagbalinda a mabutbuteng gapu laeng iti nangato, ket adda dagiti aligaget iti dalan. Ket ti kayo nga almendro addaan kadagiti sabong,+ ket ti rumsa guyodenna ti bagina, ket tumpuar ti alcaparra, agsipud ta ti tao magmagna nga agturong iti agpaut a balayna+ ket dagiti managdung-aw nagmartsada nga agliklikmut iti kalsada;+  sakbay a ti singdan a pirak maikkat, ken ti nabalitokan a malukong marumek,+ ken ti karamba idiay ubbog maburak, ken ti rueda ti danum maipaay iti pagurnongan ti danum narumeken.  Kalpasanna ti tapok agsubli iti daga+ a kas iti kasasaadna idi ket ti met laeng espiritu+ agsubli iti pudno a Dios+ a nangted iti dayta.+  “Ti kadadakkelan a kinaubbaw!” kinuna ti manangummong,+ “Isuamin ket kinaubbaw.”+  Ket malaksid iti kinapudno a ti manangummong nagbalin a masirib,+ nagtultuloy met nga insurona kadagiti tattao ti pannakaammo,+ ket nagutob ken naan-anay a nagsukimat,+ tapno maurnosna ti adu a proverbio.+ 10  Ti manangummong tinarigagayanna a saraken dagiti makaparagsak a sasao+ ken ti pannakaisurat ti umiso a sasao ti kinapudno.+ 11  Ti sasao dagidiay masirib kaslada kadagiti tirad a pagabug iti kapon a baka,+ ket dagidiay maigamgamer iti inummong a sarsarita kaslada kadagiti lansa a naipalok;+ isuda ket naited manipud iti maysa a pastor.+ 12  No maipapan iti aniaman a banag malaksid kadagitoy, anakko, ipangagmo ti pakdaar: Ti panagaramid iti adu a libro awan pagnguduanna, ket ti adu a debosion kadakuada makapakil iti lasag.+ 13  Ti panungpalan ti banag, ti isuamin a nangngeganen, ket: Agbutengka iti pudno a Dios+ ket salimetmetam dagiti bilinna.+ Ta daytoy isu ti intero a pagrebbengan ti tao. 14  Ta ti met laeng pudno a Dios iyegnanto ti tunggal kita ti aramid iti pannakaukom mainaig iti tunggal nailemmeng a banag, no dayta ket naimbag wenno dakes.+

Footnotes