Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Eclesiastes 11:1-10

11  Ipalladawmo ti tinapaymo+ iti rabaw ti dandanum,+ ta iti panaglabas ti adu nga aldaw masarakamto manen dayta.+  Mangtedka iti bingay iti pito, wenno uray iti walo,+ ta saanmo nga ammo no ania a didigra ti mapasamakto iti daga.+  No mapno dagiti ulep iti danum, agibukbokda iti bin-ig a bayakabak iti rabaw ti daga;+ ket no ti maysa a kayo agtuang iti abagatan wenno no iti amianan, iti lugar a pakatuangan ti kayo+ sadiay ti ayanna.  Ti mangsipsiput iti angin saanto nga agimula iti bin-i; ket ti kumitkita kadagiti ulep saanto nga agapit.+  No kasano a saanmo nga ammo no ania ti dalan ti espiritu kadagiti tulang iti tian daydiay masikog,+ iti umasping a pamay-an saanmo nga ammo ti aramid ti pudno a Dios, a mangar-aramid iti amin a bambanag.+  Iti bigat imulam ti bin-im ket agingga iti rabii saanmo a paginanaen ta imam;+ ta saanmo nga ammo no sadino nga agballiginto daytoy,+ no ditoy wenno sadiay, wenno no isuda a dua agpadadanto a naimbag.  Ti lawag nasam-it met, ket nasayaat kadagiti mata a makitada ti init;+  ta no ti maysa a tao agbiagto uray iti adu a tawen, iti amin kadagita bay-am nga isu agrag-o.+ Ket bay-am a lagipenna dagiti aldaw ti kinasipnget,+ nupay mabalin nga aduda; tunggal aldaw a dimteng ket kinaubbaw.+  Agrag-oka,+ agtutubo a lalaki, iti kinaagtutubom, ket ta pusom agaramid koma kenka iti naimbag kadagiti aldaw ti kinaagtutubom, ket magnaka iti daldalan ta pusom ken iti bambanag a nakita dagita matam.+ Ngem ammuem a maigapu amin kadagitoy iyegnakanto ti pudno a Dios iti pannakaukom.+ 10  Gapuna ikkatem ti panagluksaw manipud pusom, ket iwaksim ti didigra manipud lasagmo;+ ta ti kinaagtutubo ken ti kinaagkabannuag kinaubbawda.+

Footnotes