Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Eclesiastes 1:1-18

1  Ti sasao ti manangummong,+ ti anak ni David nga ari idiay Jerusalem.+  “Ti kadadakkelan a kinaubbaw!”+ kinuna ti manangummong, “ti kadadakkelan a kinaubbaw! Isuamin kinaubbaw!”+  Ania ti magunggona ti maysa a tao iti isuamin a napinget a panagtrabahona nga iti dayta agtrabaho+ a sipipinget iti baba ti init?+  Maysa a kaputotan mapan,+ ket maysa a kaputotan umay;+ ngem ti daga agtalinaed uray agingga iti tiempo a di nakedngan.+  Ket ti init met nagsilnag, ket ti init limnek,+ ket umay nga agan-anangsab iti lugarna a pagsilnaganna.+  Ti angin mapan iti abagatan, ket agrikrikus nga agturong iti amianan.+ Agtultuloy nga agrikrikus dayta nga agibaw-ibaw,+ ket ti angin agsubli kadagiti mismo a pagrikrikusanna.+  Amin dagiti ayus iti kalam-ekna+ mapanda iti baybay,+ kaskasdi a ti met laeng baybay saan a mapno.+ Iti lugar a papanan dagiti ayus iti kalam-ekna, sadiay agsublida tapno mapanda.+  Amin a bambanag makapakilda;+ awan ti makabael nga agsao maipapan iti dayta. Ti mata saan a mapnek iti panagkita,+ uray ti lapayag saan a mapno iti panagdengngeg.+  Daydiay adda, dayta ti addanto;+ ket daydiay naaramiden, dayta ti maaramidto; ket ngarud awan ti baro iti baba ti init.+ 10  Adda kadi aniaman a banag a maipapan iti dayta maikuna ti maysa: “Kitaem daytoy; baro”? Addan dayta iti tiempo a di nakedngan;+ ti naaddan ket nanipud tiempo iti kasakbayantayo.+ 11  Awan ti pannakalagip kadagiti tattao kadagidi nagkauna a tiempo, awanto uray kadagidiay met maaddanto a maud-udi.+ Awanto ti pannakalagip uray kadakuada iti tengnga dagidiay maaddanto pay laeng a maud-udi.+ 12  Siak, ti manangummong, ariak idi iti Israel idiay Jerusalem.+ 13  Ket insaadko ti pusok a mangsapul ken mangsukisok iti kinasirib+ mainaig iti isuamin a naaramid iti baba ti langlangit—ti makadidigra a pakakumikoman nga inted ti Dios iti annak ti sangatauan a dayta ti pakakumikomanda.+ 14  Nakitak amin dagiti aramid a naaramid iti baba ti init,+ ket, adtoy! isuamin kinaubbaw ken panangkamkamat iti angin.+ 15  Daydiay napagbalin a killo saan a mapalinteg,+ ket daydiay agkurkurang saan a mabalin a mabilang. 16  Siak, mismo a siak, kinasaok ti pusok,+ a kinunak: “Adtoy! Siak rimmang-ayak iti kasta unay iti kinasirib nga ad-adda ngem iti asinoman nga adda idi iti kasakbayak idiay Jerusalem,+ ket nakita ti bukodko a puso ti adu a sirib ken pannakaammo.”+ 17  Ket impaayko ti pusok a mangammo iti sirib ken mangammo iti kinamauyong,+ ket naammuak ti kinamaag,+ a daytoy met ket panangkamkamat iti angin.+ 18  Ta iti kinaruay ti kinasirib adda kinaruay ti panagluksaw,+ iti kasta daydiay mangpaadu iti pannakaammo paaduenna ti ut-ot.+

Footnotes