Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Deuteronomio 7:1-26

7  “Inton kamaudiananna iyegnaka ni Jehova a Diosmo iti daga a papanam tapno tagikuaem,+ ikkatennanto met iti sanguanam dagiti aduan umili a nasion,+ dagiti Heteo+ ken dagiti Girgaseo+ ken dagiti Amoreo+ ken dagiti Canaanita+ ken dagiti Perizeo+ ken dagiti Heveo+ ken dagiti Jebuseo,+ pito a nasion nga ad-adu ti umilina ken nabilbileg ngem sika.+  Ket sigurado a baybay-anto ida kenka ni Jehova a Diosmo, ket parmekemto ida.+ Di bumurong nga ipaaymo ida iti pannakadadael.+ Dika makitulag kadakuada wenno uray ipakitaan ida iti aniaman a pabor.+  Ket dika mangbukel iti pannakiasawa nga aliansa kadakuada. Ti anakmo a babai dika ited iti anakna a lalaki, ket ti anakna a babai dika alaen a maipaay iti anakmo a lalaki.+  Ta pagbaw-ingennanto ti anakmo manipud isusurot kaniak, ket sigurado nga agserbidanto kadagiti sabali a didios;+ ket pudno a gumil-ayabto ti unget ni Jehova kadakayo, ket sigurado a talipuposennakanto a sidadaras.+  “Iti sabali a bangir, daytoy ti rebbeng nga aramidenyo kadakuada: Dagiti altarda rugpuenyo,+ ket dagiti sagrado a munmonda rebbaenyo,+ ket dagiti sagrado a teddekda+ pukanenyo,+ ket dagiti kinitikitan a ladawanda puoranyo iti apuy.+  Ta nasantuanka nga ili ken Jehova a Diosmo.+ Sika ti pinili ni Jehova a Diosmo nga agbalin nga ilina, maysa a naisangsangayan a sanikua, manipud iti amin nga ili nga adda iti rabaw ti daga.+  “Saan a gapu ta dakayo ti kaaduan iti umili kadagiti amin nga ili nga impakitaannakayo ni Jehova iti panagayat iti kasta pinilinakayo,+ ta dakayo ti kababassitan kadagiti amin nga ili.+  No di ket gapu iti panagayat kadakayo ni Jehova,+ ken gapu iti panangsalimetmetna iti sinapataan a sasao nga insapatana kadagidi ammayo,+ a ni Jehova inruarnakayo babaen ti napigsa nga ima,+ tapno masubbotnaka manipud balay dagiti adipen,+ manipud ima ni Faraon nga ari ti Egipto.  Ket pagaammom unay a ni Jehova a Diosmo ti pudno a Dios,+ ti matalek a Dios,+ a mangsalsalimetmet iti tulag+ ken naayat a kinamanangngaasi no maipapan kadagidiay agayat kenkuana ken dagidiay mangsalimetmet iti bilbilinna agingga iti sangaribu a kaputotan,+ 10  ngem iparupana a supapakan daydiay manggurgura kenkuana babaen ti panangdadael kenkuana.+ Saanto a bumdeng iti daydiay manggurgura kenkuana; iparupananto a supapakan. 11  Ket masapul a salimetmetam ti bilin ken dagiti alagaden ken dagiti hudisial a pangngeddeng nga ibilbilinko kenka ita nga aldaw babaen ti panangaramid kadakuada.+ 12  “Ket mapasamakto nga, agsipud ta agtultuloykayo nga umimdeng kadagitoy a hudisial a pangngeddeng ken salimetmetanyo ida ken itungpalyo ida,+ salimetmetanto kenka ni Jehova a Diosmo ti tulag+ ken ti naayat a kinamanangngaasi a maipapan iti dayta isu nagsapata kadagidi ammam.+ 13  Ket sigurado nga ayatennakanto ken bendisionannaka+ ken paaduennaka+ ken bendisionanna ti bunga ti tianmo+ ken ti bunga ti dagam,+ ti bukbukelmo ken ti baro nga arakmo ken ti lanam, ti urbon dagiti bakam ken ti annak ti arbanmo,+ iti daga nga insapatana kadagidi ammam nga ited kenka.+ 14  Agbalinkanto a kabebendituan kadagiti amin nga ili.+ Awanto kenka ti maysa a lalaki wenno maysa a babai nga awanan anak, wenno uray kadagiti naamo nga animalmo.+ 15  Ket sigurado nga ikkatento kenka ni Jehova ti tunggal sakit; ket no maipapan kadagiti amin a dakes a sagubanit ti Egipto a naammuam,+ saannanto nga ikabil ida kenka, ket pudno nga ikabilnanto ida kadagidiay amin a manggura kenka. 16  Ket ibusemto amin dagiti ili nga iyawat kenka ni Jehova a Diosmo.+ Ti matam saanto a maasian kadakuada;+ ket dika agserbi iti didiosda,+ agsipud ta maysanto dayta a silo kenka.+ 17  “No kas pagarigan kunaem iti pusom, ‘Dagitoy a nasion aduanda unay iti umili maipaay kaniak. Kasanonto a kabaelak a pagtalawen ida?’+ 18  dika agbuteng kadakuada.+ Siguraduem a lagipen ti inaramid ni Jehova a Diosmo ken Faraon ken iti intero nga Egipto,+ 19  dagiti naindaklan a panangpaneknek a nakita dagita matam,+ ken dagiti pagilasinan ken dagiti milagro+ ken ti napigsa nga ima+ ken ti siuunnat a takiag+ a pinangiruar kenka ni Jehova a Diosmo.+ Kasta ti aramidento ni Jehova a Diosmo kadagiti amin nga ili nga iti sanguananda mabutengka.+ 20  Ket ibaonto met kadakuada ni Jehova a Diosmo ti panagliday,+ agingga a mapukaw dagidiay natedda+ ken aglemlemmeng iti sangom. 21  Dika mapakigtotan gapu kadakuada, ta ni Jehova a Diosmo adda iti tengngam,+ naindaklan ken nakaam-amak a Dios.+ 22  “Ket sigurado nga in-inutento ni Jehova a Diosmo a pagtalawen iti sanguanam dagitoy a nasion.+ Saankanto a mapalubosan a mangikisap a sidadaras kadakuada, ta amangan no umadu a maibusor kenka dagiti atap nga animal iti tay-ak. 23  Ket pudno a baybay-anto ida kenka ni Jehova a Diosmo ket riribukenna ida iti dakkel a pannakariribuk, agingga a matalipuposda.+ 24  Ket sigurado nga iyawatnanto ti ar-arida ita imam,+ ket masapul a dadaelem dagiti naganda manipud iti baba ti langlangit.+ Awanto ti asinoman nga agtakder a sititibker maibusor kenka,+ agingga a matalipuposmo ida.+ 25  Dagiti kinitikitan a ladawan ti didiosda rebbeng nga ipuoryo iti apuy.+ Dika tarigagayan ti pirak ken ti balitok nga adda kadakuada,+ wenno uray pudno nga alaen ida maipaay kenka,+ ta amangan no masiluanka iti dayta;+ ta nakarimrimon a banag dayta+ ken Jehova a Diosmo. 26  Ket dika mangiserrek iti nakarimrimon a banag iti balaymo ket pudno nga agbalinka a banag a naikeddeng iti pannakadadael kas iti dayta. Rebbeng a karumenmo a naan-anay ken karimonmo iti kasta unay,+ agsipud ta banag dayta a naikeddeng iti pannakadadael.+

Footnotes