Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Deuteronomio 6:1-25

6  “Ita dagitoy ti bilin, dagiti alagaden ken dagiti hudisial a pangngeddeng nga imbilin ni Jehova a Diosyo nga isuro kadakayo,+ tapno aramidenyo ida iti daga a bumallasiwanyo sadiay tapno tagikuaenyo;  tapno agbutengka+ ken Jehova a Diosmo iti kasta salimetmetam dagiti amin a paglinteganna ken bilbilinna nga ibilbilinko kenka, sika ken ti anakmo ken ti apokom,+ iti amin nga al-aldaw ti panagbiagmo, ken tapno agbayag ti al-aldawmo.+  Ket masapul nga imdengam, O Israel, ken annadam nga aramiden+ ida, tapno naimbag ti lak-ammo+ ken tapno umadukayo unay, kas inkari kenka ni Jehova a Dios dagidi ammam,+ no maipapan iti daga a pagay-ayusan ti gatas ken diro.  “Imdengam, O Israel: Ni Jehova a Diostayo ket maymaysa a Jehova.+  Ket masapul nga ayatem ni Jehova a Diosmo buyogen ti isuamin a pusom+ ken isuamin a kararuam+ ken isuamin a bikasmo.+  Ket dagitoy a sasao nga ibilbilinko kenka ita nga aldaw addadanto ita pusom;+  ket masapul nga iyukuokmo ida iti anakmo+ ken sawem ti maipapan kadagita no agtugawka iti balaymo ken no magnaka iti dalan ken no agiddaka+ ken no bumangonka.  Ket masapul nga igalutmo ida kas pagilasinan ita imam,+ ket masapul nga agserbida kas bedbed iti muging iti baet dagita matam;+  ket masapul nga isuratmo ida kadagiti bautek ti balaymo ken kadagiti ruanganmo.+ 10  “Ket mapasamakto nga inton ni Jehova a Diosmo ipannaka iti daga nga insapatana kadagidi ammam a da Abraham, Isaac ken Jacob nga ited kenka,+ ti dadakkel ken napipintas a siudad a saanmo nga imbangon,+ 11  ken ti balbalay a napno iti amin a naimbag a bambanag ken saanmo a pinunno, ken dagiti nakutkot a pagurnongan ti danum a saanmo a kinutkot, dagiti kaubasan ken kaykayo nga olibo a saanmo nga immula, ket nangankanto ket napnekka,+ 12  agaluadka tapno saanmo a malipatan+ ni Jehova, a nangiruar kenka manipud daga ti Egipto, manipud balay dagiti adipen. 13  Ni Jehova a Diosmo rebbeng a pagbutngam,+ ket isu rebbeng a pagserbiam,+ ket babaen ti naganna agsapataka.+ 14  Dikay sumurot kadagiti sabali a didios, aniaman a didios ti il-ili nga adda iti intero nga aglikmutyo,+ 15  (ta ni Jehova a Diosmo iti tengngam maysa a Dios a mangalkalikagum iti naipamaysa a debosion,)+ ta amangan no ti unget ni Jehova a Diosmo gumil-ayab maibusor kenka+ ket talipuposennakanto iti rabaw ti daga.+ 16  “Dikay suboken ni Jehova a Diosyo,+ kas iti panangsubokyo kenkuana idiay Massah.+ 17  Siguraduenyo a salimetmetan dagiti bilin ni Jehova a Diosyo+ ken dagiti pammaneknekna+ ken dagiti alagadenna+ nga imbilinna kenka.+ 18  Ket masapul nga aramidem ti umiso ken naimbag kadagiti mata ni Jehova, tapno naimbag ti lak-ammo+ ken pudno a makastrekka ket tagikuaem ti nasayaat a daga a maipapan iti dayta nagsapata ni Jehova kadagidi ammam,+ 19  babaen ti panamagtalaw kadagiti amin a kabusormo iti sanguanam, kas iti inkari ni Jehova.+ 20  “No kas pagarigan ti anakmo agimtuod kenka iti masanguanan nga aldaw,+ a kunaenna, ‘Ania ti kaipapanan dagiti pammaneknek ken dagiti alagaden ken dagiti hudisial a pangngeddeng nga imbilin kadakayo ni Jehova a Diostayo?’ 21  ngarud masapul a kunaem iti anakmo, ‘Nagbalinkami nga ad-adipen ni Faraon idiay Egipto, ngem ni Jehova inruarnakami manipud Egipto babaen ti napigsa nga ima.+ 22  Gapuna intultuloy ni Jehova ti nangikabil kadagiti pagilasinan ken milagro,+ a naindaklan ken makadidigra, iti Egipto, ken Faraon ken iti intero a sangakabbalayanna iti imatangmi.+ 23  Ket inruarnakami manipud sadiay tapno maiyegnakami ditoy iti kasta itedna kadatayo ti daga a maipapan iti dayta isu nagsapata kadagidi ammatayo.+ 24  Gapuna binilinnatayo ni Jehova nga itungpaltayo amin dagitoy nga alagaden,+ nga agbutengtayo ken Jehova a Diostayo maipaay iti pagimbagantayo a kanayon,+ tapno makapagtalinaedtayo a sibibiag kas itoy nga aldaw.+ 25  Ket kaipapanannanto ti kinalinteg kadatayo,+ nga annadantayo nga aramiden amin daytoy a bilin iti sanguanan ni Jehova a Diostayo, kas iti imbilinna kadatayo.’+

Footnotes