Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Deuteronomio 33:1-29

33  Ita daytoy ti bendision+ nga imbendision ni Moises a lalaki ti pudno a Dios+ iti annak ti Israel sakbay ti ipapatayna.  Ket kinunana: “Ni Jehova—immay manipud Sinai,+ Ket nagraniag kadakuada manipud Seir.+ Nagsilnag manipud nakabambantay a rehion ti Paran,+ Ket naikuyog kenkuana ti nasantuan a linaklaksa,+ Iti makannawanna dagiti mannakigubat a kukuada.+   Ipatpategna met ti ilina;+ Amin dagidiay sasantoda addada ita imam,+ Ket isuda—nagsadagda kadagita sakam;+ Rinugianda nga awaten ti sumagmamano kadagiti saom.+   (Ni Moises nangipasdek kadakami iti linteg kas maysa a bilin,+ Maysa a sanikua ti kongregasion ni Jacob.)+   Ket isu nagbalin nga ari iti Jesurun,+ Idi naguurnong dagiti pannakaulo dagiti umili,+ Ti intero a bilang dagiti tribu ti Israel.+   Agbiag koma ni Ruben ket saan a matay,+ Ket saan koma a bumassit dagiti tattaona.”+  Ket daytoy ti bendision ni Juda,+ bayat a kinunkunana: “Denggem, O Jehova, ti timek ni Juda,+ Ket isu ipanmo koma kadagiti kailianna. Nakidangadang dagiti takiagna maipaay iti kukuana; Ket agbalinka koma a katulongan manipud kadagiti kabusorna.”+  Ket no maipapan ken Levi kinunana:+ “Ti Tummimmo ken ti Urimmo+ kukua ti tao a nasungdo kenka,+ A sinubokmo idiay Massah.+ Rinugiam ti makisupiat kenkuana iti sibay ti dandanum ti Meriba,+   Ti tao a nagkuna kada amana ken inana, ‘Saanko a nakita.’ Uray ti kakabsatna saanna a binigbig,+ Ket ti annakna saanna nga am-ammo. Ta sinalimetmetanda ti sasaom,+ Ket ti tulagmo intultuloyda a tungpalen.+ 10  Isuroda koma ni Jacob kadagiti hudisial a pangngeddengmo+ Ken ti Israel iti lintegmo.+ Mangidatagda koma iti insienso iti sanguanan dagiti abut ti agongmo+ Ken iti sibubukel a daton iti altarmo.+ 11  Bendisionam, O Jehova, ti kiredna,+ Ket maragsakanka koma iti aramid dagiti imana.+ Sugatem iti nakaro kadagiti padingpadingda dagidiay tumakder a bumusor kenkuana,+ Ken dagidiay nakaro ti pananggurada kenkuana, tapno saanda koma a tumakder.”+ 12  No maipapan ken Benjamin kinunana:+ “Daydiay dungdungnguen+ ni Jehova agtaeng koma a sitatalged iti sibayna,+ Bayat a salinonganna iti agmalmalem,+ Ket agtaengto iti nagbaetan dagiti abagana.”+ 13  Ket no maipapan ken Jose kinunana:+ “Agtultuloy koma a mabendisionan ti dagana manipud ken Jehova+ Iti napili a bambanag ti langit, iti linnaaw,+ Ken iti nadanum a yuyeng a naisaad iti baba,+ 14  Ken iti napili a bambanag, dagiti bunga ti init,+ Ken iti napili a bambanag, ti bunga dagiti lunar a bulan,+ 15  Ken kadagiti kasayaatan manipud bambantay ti daya,+ Ken iti napili a bambanag ti di nakedngan ti kapautna a turturod, 16  Ken iti napili a bambanag ti daga ken ti pakabuklanna,+ Ken iti anamong Daydiay agtataeng iti siitan a bassit a kayo.+ Dumtengda koma iti rabaw ti ulo ni Jose+ Ken iti kuppokuppo daydiay naiputong manipud kakabsatna.+ 17  Ti kinangayedna kasla iti inauna ti maysa a toro,+ Ket dagiti sarana sarsara ti atap a toro.+ Babaen kadakuada mangiduronto iti il-ili+ A sangsangkamaysa agingga kadagiti ungto ti daga, Ket isuda ti pinullo a ribu ni Efraim,+ Ket isuda ti rinibu ni Manases.” 18  Ket no maipapan ken Zabulon kinunana:+ “Agrag-oka, O Zabulon, iti iruruarmo,+ Ken, Isacar, kadagiti toldam.+ 19  Agayabdanto kadagiti tattao a mapan iti bantay. Sadiay isakripisiodanto dagiti sakripisio ti kinalinteg.+ Ta susopendanto ti aglaplapusanan a kinabaknang dagiti baybay+ Ken dagiti nailemmeng a pempen iti darat.” 20  Ket no maipapan ken Gad kinunana:+ “Bendito daydiay mangpalpalawa kadagiti ketegan ni Gad.+ Agtaengto a kas leon,+ Ket lapgisennanto ti takiag, wen, ti kuppokuppo.+ 21  Ket piliennanto ti umuna a paset maipaay iti bagina,+ Ta sadiay nailasin ti bingay ti manangted-paglintegan.+ Ket aguurnongto dagiti pannakaulo dagiti umili. Ti kinalinteg ni Jehova sigurado nga ipakatnanto Ken dagiti hudisial a pangngeddengna iti Israel.” 22  Ket no maipapan ken Dan kinunana:+ “Ni Dan maysa nga urbon a leon.+ Lumagtonto manipud Basan.”+ 23  Ket no maipapan ken Neftali kinunana:+ “Napnek ni Neftali iti anamong Ken napno iti bendision ni Jehova. Tagikuaem ti laud ken abagatan.”+ 24  Ket no maipapan ken Aser kinunana:+ “Ni Aser nabendisionan iti annak.+ Agbalin koma a maysa nga inanamongan ti kakabsatna,+ Ken maysa a mangisawsaw ti sakana iti lana.+ 25  Dagiti trangka ti ruanganmo landok ken gambang,+ Ket ti naaliwaksay a pannagnam mairukod iti al-aldawmo. 26  Awan ti umasping iti pudno a Dios+ ti Jesurun,+ Nga agsakay iti langit a tumulong kenka+ Ken kadagiti naulep a tangatang iti kinatan-okna.+ 27  Ti Dios iti kadaanan a tiempo maysa a paglemmengan a lugar,+ Ket iti baba adda dagiti takiag a di nakedngan ti kapautna.+ Ket pagtalawennanto iti sanguanam ti kabusor,+ Ket kunaennanto, ‘Talipuposem ida!’+ 28  Ket ti Israel agtaengto a sitatalged,+ Ti ubbog ni Jacob nga is-isuna,+ Iti maysa a daga ti bukbukel ken baro nga arak.+ Wen, ti langlangitna itedtednanto ti linnaaw.+ 29  Naragsakka, O Israel!+ Siasino ti umasping kenka,+ Maysa nga ili a mangtagtagiragsak iti pannakaisalakan ken Jehova,+ Ti kalasag ti saranaymo,+ Ken Daydiay a natan-ok a kampilanmo?+ Gapuna agtulmengto iti sanguanam dagiti kabusormo,+ Ket sika—baddekemto dagiti nangato a dissoda.”+

Footnotes