Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Deuteronomio 30:1-20

30  “Ket mapasamakto nga inton dumteng kenka amin dagitoy a sasao, ti bendision+ ken ti lunod,+ nga inkabilko iti sangom, ket naisublim ida ita pusom+ iti tengnga dagiti amin a nasion a nangiwarawaraan kenka ni Jehova a Diosmo,+  ket nagsublika ken Jehova a Diosmo+ ket immimdengka iti timekna maitunos iti isuamin nga ibilbilinko kenka ita nga aldaw, sika ken ti annakmo, buyogen ti isuamin a pusom ken isuamin a kararuam,+  isublinto met ni Jehova a Diosmo dagiti kautibom+ ket ipakitaannaka iti asi+ ket ummongennaka manen manipud kadagiti amin nga ili a nangiwarawaraan kenka ni Jehova a Diosmo.+  No dagiti naiwarawara nga umilim addada iti ungto ti langlangit, manipud sadiay ummongennakanto ni Jehova a Diosmo ket manipud sadiay alaennakanto.+  Pudno nga ipannakanto ni Jehova a Diosmo iti daga a tinagikua dagiti ammam, ket sigurado a tagikuaemto; ket pudno nga agaramidto kenka iti naimbag ken paaduennaka nga ad-adda ngem kadagiti ammam.+  Ket kasapulanto a kugiten ni Jehova a Diosmo ta pusom+ ken ti puso ti putotmo,+ tapno ayatem ni Jehova a Diosmo buyogen ti isuamin a pusom ken isuamin a kararuam maipagapu iti biagmo.+  Ket ni Jehova a Diosmo sigurado nga ikabilnanto amin dagitoy a sapata kadagiti kabusormo ken kadagidiay manggura kenka, isuda a nangidadanes kenka.+  “No maipapan kenka, agbaw-ingkanto ket sigurado nga umimdengka iti timek ni Jehova ken aramidem ti amin a bilbilinna nga ibilbilinko kenka ita nga aldaw.+  Ket ni Jehova a Diosmo pudno a pagbalinennakanto nga aglaplapusanan iti tunggal aramid ta imam,+ iti bunga ti tianmo ken iti bunga dagiti naamo nga animalmo+ ken iti bunga ti dagam,+ nga agbanag iti kinarang-ay;+ agsipud ta agrag-o manen kenka ni Jehova maipaay iti pagimbagan, kas iti panagrag-ona kadagidi ammam;+ 10  ta umimdengkanto iti timek ni Jehova a Diosmo tapno salimetmetam ti bilbilinna ken dagiti paglinteganna a naisurat itoy a libro ti linteg,+ agsipud ta agsublikanto ken Jehova a Diosmo buyogen ti isuamin a pusom ken isuamin a kararuam.+ 11  “Ta daytoy a bilin nga ibilbilinko kenka ita nga aldaw saan a nakarigrigat kenka, saan met nga adayo.+ 12  Awan iti langlangit, tapno agbanag iti panangikuna, ‘Siasinonto ti umuli maipaay kadatayo iti langlangit ket alaenna maipaay kadatayo, tapno maipangngegna kadatayo iti kasta maaramidtayo dayta?’+ 13  Awan met iti ballasiw ti baybay, tapno agbanag iti panangikuna, ‘Siasinonto ti bumallasiw maipaay kadatayo iti ballasiw ti baybay ket alaenna maipaay kadatayo, tapno maipangngegna kadatayo iti kasta maaramidtayo dayta?’ 14  Ta ti sao asideg unay kenka, iti bukodmo a ngiwat ken iti bukodmo a puso,+ tapno maaramidmo dayta.+ 15  “Kitaem, ita nga aldaw ikabilko iti sangom ti biag ken imbag, ken ti patay ken dakes.+ 16  [No umimdengkanto iti bilbilin ni Jehova a Diosmo,] nga ibilbilinko kenka ita nga aldaw, tapno ayatem ni Jehova a Diosmo,+ tapno magnaka iti daldalanna ken tapno salimetmetam ti bilbilinna+ ken dagiti paglinteganna ken dagiti hudisial a pangngeddengna,+ iti kasta siguradonto nga agtalinaedka a sibibiag+ ken umaduka, ket bendisionannakanto ni Jehova a Diosmo iti daga a mapanmo tagikuaen.+ 17  “Ngem no tumallikud ta pusom ket saanka nga umimdeng,+ ket pudno a masulisogka ket agruknoyka iti sabali a didios ken agserbika kadakuada,+ 18  ita nga aldaw ibagak kadakayo a mapukawkayto a di bumurong.+ Saanyonto a mapaatiddog ti al-aldawyo iti daga a bumallasiwam iti Jordan tapno tagikuaem. 19  Aramatek ti langlangit ken ti daga kas saksi maibusor kadakayo ita nga aldaw,+ nga inkabilko ti biag ken patay iti sangom,+ ti bendision+ ken ti lunod;+ ket masapul a piliem ti biag tapno makapagtalinaedka a sibibiag,+ sika ken ti putotmo,+ 20  babaen ti panangayat ken Jehova a Diosmo,+ babaen ti panagimdeng iti timekna ken babaen ti panagtalinaed kenkuana;+ ta isu ti biagmo ken ti kaatiddog ti al-aldawmo,+ tapno makapagnaedka iti daga nga insapata ni Jehova kadagidi ammam a da Abraham, Isaac ken Jacob nga ited kadakuada.”+

Footnotes