Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Deuteronomio 27:1-26

27  Ket ni Moises agraman dagiti lallakay ti Israel binilinda dagiti umili, a kunkunada: “Adda koma panangsalimetmet iti tunggal bilin nga ibilbilinko kadakayo ita nga aldaw.+  Ket mapasamakto nga iti aldaw a panangballasiwyonto iti Jordan+ a mapan iti daga nga ited kenka ni Jehova a Diosmo, masapul met a mangipasdekka maipaay kenka iti dadakkel a bato ket papurawem ida iti apug.  Ket masapul nga isuratmo iti rabawda ti amin a sasao daytoy a linteg+ inton nakaballasiwkan,+ tapno makastrekka iti daga nga ited kenka ni Jehova a Diosmo, maysa a daga a pagay-ayusan ti gatas ken diro, maitunos iti sinao kenka ni Jehova a Dios dagidi ammam.+  Ket mapasamakto nga inton naballasiwyon ti Jordan, rebbeng nga ipasdekyo dagitoy a bato, kas iti ibilbilinko kadakayo ita nga aldaw, idiay Bantay Ebal,+ ket masapul a papurawem ida iti apug.+  Masapul met a mangbangonka iti altar sadiay ken Jehova a Diosmo, maysa nga altar a batbato. Dika aramaten kadakuada ti landok a rimienta.+  Babaen kadagiti sibubukel a bato rebbeng a bangonem ti altar ni Jehova a Diosmo, ket masapul nga agidatonka iti dayta iti mapuoran a datdaton ken Jehova a Diosmo.+  Ket masapul nga agisakripisioka kadagiti sakripisio a pakikaykaysa+ ket kanem ida sadiay,+ ket masapul nga agrag-oka iti sango ni Jehova a Diosmo.+  Ket masapul nga isuratmo iti batbato ti amin a sasao daytoy a linteg,+ nga aramidem ida a nabatad unay.”+  Kalpasanna ni Moises ken ti papadi, dagiti Levita, nagsaoda iti intero nga Israel, a kunkunada: “Agulimekka ket umimdengka, O Israel. Iti daytoy nga aldaw nagbalinka nga ili ni Jehova a Diosmo.+ 10  Ket masapul nga umimdengka iti timek ni Jehova a Diosmo ket itungpalmo ti bilbilinna+ ken al-alagadenna,+ nga ibilbilinko kenka ita nga aldaw.” 11  Ket binilin ni Moises dagiti umili iti dayta nga aldaw, a kunkunana: 12  “Ti sumaganad isuda ti agtakderto a mangbendision kadagiti umili idiay Bantay Gerizim+ inton naballasiwyon ti Jordan: Simeon ken Levi ken Juda ken Isacar ken Jose ken Benjamin. 13  Ket ti sumaganad isuda ti agtakderto maipaay iti lunod+ idiay Bantay Ebal:+ Ruben, Gad ken Aser ken Zabulon, Dan ken Neftali. 14  Ket sumungbatto dagiti Levita ket kunaenda buyogen ti napigsa a timek iti tunggal tao iti Israel:+ 15  “‘Mailunod ti tao nga agaramid iti kinitikitan a ladawan+ wenno iti sinukog nga estatua,+ maysa a banag a nakarimrimon ken Jehova,+ ti partuat dagiti ima ti trabahador iti kayo ken metal,+ ket inkabilna dayta iti paglemmengan a lugar.’ (Ket sumungbatto dagiti amin nga umili ken kunaenda, ‘Amen!’)+ 16  “‘Mailunod daydiay mangumsi iti amana wenno inana.’+ (Ket kunaento dagiti amin nga umili, ‘Amen!’) 17  “‘Mailunod daydiay mangyalis iti muhon ti padana a tao.’+ (Ket kunaento dagiti amin nga umili, ‘Amen!’) 18  “‘Mailunod daydiay mangyaw-awan iti bulsek iti dalan.’+ (Ket kunaento dagiti amin nga umili, ‘Amen!’) 19  “‘Mailunod daydiay mangballikug+ iti pannakaukom+ ti maysa a ganggannaet nga agnanaed,+ maysa nga awan amana nga ubing ken maysa a balo a babai.’+ (Ket kunaento dagiti amin nga umili, ‘Amen!’) 20  “‘Mailunod daydiay makikaidda iti asawa ni amana, agsipud ta linukaisanna ti pandiling ni amana.’+ (Ket kunaento dagiti amin nga umili, ‘Amen!’) 21  “‘Mailunod daydiay makikaidda iti aniaman nga animal.’+ (Ket kunaento dagiti amin nga umili, ‘Amen!’) 22  “‘Mailunod daydiay makikaidda iti kabsatna a babai, ti anak ni amana wenno ti anak ni inana.’+ (Ket kunaento dagiti amin nga umili, ‘Amen!’) 23  “‘Mailunod daydiay makikaidda iti katuganganna-a-babai.’+ (Ket kunaento dagiti amin nga umili, ‘Amen!’) 24  “‘Mailunod daydiay mangkabil a mangpapatay iti padana a tao manipud paglemmengan a lugar.’+ (Ket kunaento dagiti amin nga umili, ‘Amen!’) 25  “‘Mailunod daydiay umawat iti pasuksok tapno kabilenna a papatayen ti maysa a kararua, idinto ta awanan basol a dara dayta.’+ (Ket kunaento dagiti amin nga umili, ‘Amen!’) 26  “‘Mailunod daydiay saanto a mangipaalagad iti sasao daytoy a linteg babaen ti panangaramid kadakuada.’+ (Ket kunaento dagiti amin nga umili, ‘Amen!’)

Footnotes