Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Deuteronomio 26:1-19

26  “Ket mapasamakto nga inton sumrekka kamaudiananna iti daga nga ited kenka ni Jehova a Diosmo kas tawid, ket tinagikuam ket nagnaedka iti dayta,+  masapul met a mangalaka ti sumagmamano iti umuna a bungbunga+ ti isuamin a bunga ti daga, nga igapumto iti dagam nga ited kenka ni Jehova a Diosmo, ket masapul nga ikabilmo ida iti labba ket mapanka iti disso a piliento ni Jehova a Diosmo a pangipataengan iti naganna.+  Ket masapul a mapanka iti padi+ nga agan-annongto kadagidiay nga aldaw ket kunaem kenkuana, ‘Masapul nga ipadamagko ita nga aldaw ken Jehova a Diosmo a simrekak iti daga nga insapata ni Jehova kadagidi ammatayo nga ited kadatayo.’+  “Ket ti padi masapul nga alaenna ti labba ita imam ket ikabilna iti sango ti altar ni Jehova a Diosmo.  Ket masapul a sumungbatka ket kunaem iti sango ni Jehova a Diosmo, ‘Ni amak maysa idi nga agpukpukawen a Sirio;+ ket simmalog a napan idiay Egipto+ ket nagtaeng sadiay kas ganggannaet a bassit unay ti bilangna;+ ngem sadiay isu nagbalin a dakkel a nasion, nabileg ken nakaad-adu.+  Ket dagiti Egipcio trinatodakami iti dakes ken pinarigatdakami ken inkabilda kadakami ti narigat a pannakaadipen.+  Ket rinugianmi ti umkis ken Jehova a Dios dagidi ammami,+ ket nangngeg ni Jehova ti timekmi+ ket kinitana ti pannakaparigatmi ken pannakariribukmi ken pannakairurumenmi.+  Kamaudiananna inruarnakami ni Jehova manipud Egipto babaen ti napigsa nga ima+ ken siuunnat a takiag+ ken babaen ti dakkel a pagbutbutngan+ ken babaen kadagiti pagilasinan ken milagro.+  Kalpasanna inyegnakami itoy a disso ket intedna kadakami daytoy a daga, maysa a daga a pagay-ayusan ti gatas ken diro.+ 10  Ket ita adtoy inyegko ti umuna a bungbunga ti bunga ti daga nga inted kaniak ni Jehova.’+ “Masapul met nga ikabilmo iti sango ni Jehova a Diosmo ket agruknoyka iti sango ni Jehova a Diosmo.+ 11  Ket masapul nga agrag-oka+ iti isuamin a naimbag a ni Jehova a Diosmo intedna kenka ken iti sangakabbalayam, sika ken ti Levita ken ti ganggannaet nga agnanaed nga adda iti tengngam.+ 12  “No malpasmo ti panangapagkapullo+ iti intero nga apagkapullo ti apitmo iti maikatlo a tawen,+ ti tawen ti apagkapullo, masapul met nga itedmo dayta iti Levita, iti ganggannaet nga agnanaed, iti awan amana nga ubing ken iti balo a babai, ket kanendanto iti uneg dagiti ruanganmo ket agpennekda.+ 13  Ket masapul a kunaem iti sango ni Jehova a Diosmo, ‘Inikkatko ti nasantuan manipud iti balay ket intedko met dayta iti Levita ken iti ganggannaet nga agnanaed, iti awan amana nga ubing ken iti balo a babai,+ maitunos iti isuamin a bilinmo nga imbilinmo kaniak. Saanko a sinalungasing dagiti bilinmo, saanko met a linipatan.+ 14  Saanak a nangan iti dayta bayat ti panagleddaangko, saanak met a nangikkat ti aniaman iti dayta bayat a narugit, saanak met a nangted ti aniaman iti dayta maipaay iti asinoman a natay. Inimdengak ti timek ni Jehova a Diosko. Inaramidko ti maitunos iti isuamin nga imbilinmo kaniak. 15  Tumannawagka manipud nasantuan a pagnanaedam,+ ti langlangit, ket bendisionam ti ilim nga Israel+ ken ti daga nga intedmo kadakami, kas iti insapatam kadagidi ammami,+ ti daga a pagay-ayusan ti gatas ken diro.’+ 16  “Iti daytoy nga aldaw bilbilinennaka ni Jehova a Diosmo nga itungpalmo dagitoy nga alagaden ken hudisial a pangpangngeddeng;+ ket masapul a salimetmetam ken itungpalmo ida buyogen ti isuamin a pusom+ ken isuamin a kararuam.+ 17  Ni Jehova inuyotam a mangikuna ita nga aldaw nga isu agbalinto a Diosmo bayat a magnaka iti daldalanna ken salimetmetam dagiti alagadenna+ ken bilbilinna+ ken hudisial a pangpangngeddengna+ ket imdengam ti timekna.+ 18  No maipapan ken Jehova, inuyotannaka a mangikuna ita nga aldaw nga agbalinkanto nga ilina, maysa a naisangsangayan a sanikua,+ kas iti inkarina kenka,+ ket salimetmetamto amin a bilbilinna, 19  ket ikabilnakanto iti ngatuen ti amin a sabsabali a nasnasion nga inaramidna,+ nga agbanag iti pannakaidayaw ken pakasarsaritaan ken pintas, bayat a paneknekam ti bagim a maysa nga ili a nasantuan ken Jehova a Diosmo,+ kas iti inkarina.”

Footnotes