Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Deuteronomio 25:1-19

25  “No kas pagarigan tumaud ti supiat iti nagbaetan ti tattao,+ ket indatagda ti bagbagida iti pannakaukom,+ masapul met nga ukomenda ida ket ibatadda a nalinteg daydiay nalinteg ken ibatadda a nadangkes daydiay nadangkes.+  Ket mapasamakto a no daydiay nadangkes maikari a mabaut,+ masapul met nga isu pagkul-oben ti ukom ket masaplit+ iti sanguananna sigun iti bilang a katupag ti nadangkes nga aramidna.  Mabalinna a bauten iti uppat a pulo a saplit. Saanna a nayonan, ta amangan no itultuloyna a bauten iti adu a saplit a mainayon kadagitoy+ ket ti kabsatmo pudno a maibabain kadagita matam.  “Dika busalan ti toro bayat nga agir-irik.+  “No kas pagarigan agkakanaed ti agkakabsat ket maysa kadakuada ti natay nga awanan anak, ti asawa a babai ti natay rebbeng a saan nga agbalin a kukua ti maysa a ganggannaet a lalaki iti ruar. Ti kayongna rebbeng a mapan kenkuana, ket masapul nga alaenna kas asawana ket aramidenna ti agkayong a pannakiasawa kenkuana.+  Ket mapasamakto a ti inauna nga ipasngaynanto rebbeng a sumublat iti nagan ti natay a kabsatna,+ tapno ti naganna saan a mapunas iti Israel.+  “Ita no ti lalaki saan a maragsakan iti panangalana iti naibalo ti kabsatna, ti naibalo ti kabsatna sumang-atto ngarud a mapan iti ruangan agingga kadagiti lallakay+ ket kunaenna, ‘Ti kabsat ti asawak nagkitakit a mangtaginayon iti nagan ti kabsatna iti Israel. Saan nga immannugot a mangaramid iti agkayong a pannakiasawa kaniak.’  Ket isu ayabanto dagiti lallakay ti siudadna ket agsaoda kenkuana, ket agtakderto ket kunaenna, ‘Saanak a maragsakan iti panangala kenkuana.’+  Iti kasta ti naibalo ti kabsatna umasidegto kenkuana iti imatang dagiti lallakay ket uksotenna ti pallokana iti sakana+ ket tupraanna ti rupana+ ket sumungbat ket kunaenna, ‘Kasta ti rebbeng a maaramid iti lalaki a saanto a mangbangon iti sangakabbalayan ti kabsatna.’+ 10  Ket isu mapanagananto iti Israel ‘Ti balay daydiay nauksot ti pallokana.’ 11  “No kas pagarigan agdangadang ti lallaki, ket immasideg ti asawa a babai ti maysa tapno ispalenna ti asawana iti ima daydiay mangkabkabil kenkuana, ket inyunnatna ti imana ket ginammatanna iti pribado a paspasetna,+ 12  masapul ngarud a putdem ti imana. Masapul a saan a maladingitan ti matam.+ 13  “Dika maaddaan iti supotmo iti dua a kita ti pagtimbang,+ maysa a dakkel ken maysa a bassit. 14  Dika maaddaan iti balaymo iti dua a kita ti efa,+ maysa a dakkel ken maysa a bassit. 15  Rebbeng nga agtultuloy nga addaanka iti pagtimbang nga umiso ken nainkalintegan. Rebbeng nga agtultuloy nga addaanka iti efa nga umiso ken nainkalintegan, tapno umatiddog ti al-aldawmo iti daga nga ited kenka ni Jehova a Diosmo.+ 16  Ta ti isuamin nga agar-aramid kadagitoy a banag, tunggal managaramid iti di kinahustisia, nakarimrimon ken Jehova a Diosmo.+ 17  “Adda koma pananglaglagip iti inaramid kenka ni Amalek iti dalan idi rumrummuarkayo manipud Egipto,+ 18  no kasano a sinabetnaka iti dalan ket kinabilna iti likudam dagidiay amin nga agkalkallautang a sumursurot kenka, bayat a napaksuyan ken napakilka; ket saan a nagbuteng iti Dios.+ 19  Ket mapasamakto a no ni Jehova a Diosmo naipaayannakan iti inana kadagiti amin a kabusormo iti aglikmut iti daga nga ited kenka ni Jehova a Diosmo kas tawid tapno tagikuaem,+ rebbeng a punasem ti pannakadakamat ti Amalek iti baba ti langlangit.+ Dika liplipatan.

Footnotes