Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Deuteronomio 23:1-25

23  “Awan lalaki a nakapon+ babaen ti panangtaltal kadagiti ukel-ukel+ wenno panangputed ti mabagbagina ti mabalin a sumrek iti kongregasion ni Jehova.  “Awan bastardo+ nga anak ti mabalin a sumrek iti kongregasion ni Jehova. Uray agingga iti maikasangapulo a kaputotan awan kadagiti kamengna ti mabalin a sumrek iti kongregasion ni Jehova.  “Awan Ammonita wenno Moabita ti mabalin a sumrek iti kongregasion ni Jehova.+ Uray agingga iti maikasangapulo a kaputotan awan kadagiti kamengda ti mabalin a sumrek iti kongregasion ni Jehova agingga iti tiempo a di nakedngan,  iti rason a saandakayo nga immay tinulongan+ iti tinapay ken danum iti dalan idi rumrummuarkayo manipud Egipto,+ ken agsipud ta tinangdananda maibusor kenka ni Balaam nga anak ni Beor manipud Petor ti Mesopotamia tapno idawdawatna ti pakadaksam.+  Ket saan a kinayat ni Jehova a Diosmo ti umimdeng ken Balaam;+ no di ket ni Jehova a Diosmo pinagbalinna ti lunod a bendision maigapu kenka,+ agsipud ta inayatnaka ni Jehova a Diosmo.+  Dika agikagumaan a maipaay iti talnada ken irarang-ayda iti amin nga al-aldawmo agingga iti tiempo a di nakedngan.+  “Dika karimon ti maysa nga Edomita, ta isu kabsatmo.+ “Dika karimon ti maysa nga Egipcio, ta nagbalinka a ganggannaet nga agnanaed iti pagilianna.+  Ti annak a mayanak kadakuada kas maikatlo a kaputotan mabalinda a mismo ti sumrek iti kongregasion ni Jehova.  “No kas pagarigan rummuarka nga agpakarso maibusor kadagiti kabusormo, masapul met nga aluadam ta bagim iti tunggal dakes a banag.+ 10  No kas pagarigan adda kenka ti maysa a tao a saan nga agtultuloy a nadalus, gapu iti pannakarugit a mapasamak iti rabii,+ masapul met a mapan iti ruar ti pakarso. Saanna a mabalin ti sumrek iti tengnga ti pakarso.+ 11  Ket mapasamakto nga iti idadateng ti rabii rebbeng nga agbuggo iti danum, ket iti ilelennek ti init mabalinna ti sumrek iti tengnga ti pakarso.+ 12  Ket maysa a pribado a lugar ti rebbeng a sidadaan nga aramatem iti ruar ti pakarso, ket masapul a rummuarka a mapan sadiay. 13  Ket maysa a pasok ti rebbeng a sidadaan nga aramatem a mairaman iti ramramitmo, ket mapasamakto a no agmasngaadka iti ruar, masapul met a mangkalika iti abut babaen iti dayta ket agtallikudka ket gaburam ti iblengmo.+ 14  Ta ni Jehova a Diosmo agpagnapagna iti uneg ti pakarsom tapno ispalennaka+ ken tapno baybay-anna kenka dagiti kabusormo;+ ket ti pakarsom masapul a nasantuan,+ tapno awan ti makitana a naalas kenka ket sigurado a pumanaw manipud panangkuyog kenka.+ 15  “Dika iyawat ti maysa nga adipen iti apona no agtalaw ken apona a kumamang kenka.+ 16  Agtultuloyto a makipagnaed iti tengngam iti aniaman a disso a mapilina iti maysa kadagiti siudadmo,+ sadinoman a kayatna. Dika irurumen.+ 17  “Awan koma iti annak a babbai ti Israel ti agbalin a balangkantis iti templo,+ wenno uray ti asinoman iti annak a lallaki ti Israel ti agbalin a balangkantis iti templo.+ 18  Dika iyeg iti balay ni Jehova a Diosmo ti tangdan+ ti maysa a balangkantis wenno ti gatad ti maysa nga aso+ maipaay iti aniaman a kari, agsipud ta nakarimrimonda ken Jehova a Diosmo, dagitoy met laeng a dua. 19  “Dika pagbayaden ti kabsatmo iti patubo,+ patubo iti kuarta, patubo iti taraon,+ patubo iti aniaman a banag a mabalin a pangsingiran ti maysa iti patubo. 20  Mabalinmo a pagbayaden ti maysa a ganggannaet+ iti patubo, ngem ti kabsatmo dika pagbayaden iti patubo;+ tapno bendisionannaka ni Jehova a Diosmo iti tunggal gapuanam iti daga a papanam tapno tagikuaem.+ 21  “No kas pagarigan mangikarika iti kari ken Jehova+ a Diosmo, dika bambannayaten a tungpalen dayta,+ agsipud ta di bumurong a singirento kenka ni Jehova a Diosmo, ket pudno nga agbalin a basol iti biangmo.+ 22  Ngem no kas pagarigan mabaybay-am ti agkari, saanto nga agbalin a basol iti biangmo.+ 23  Rebbeng a salimetmetam ti sao dagiti bibigmo,+ ket masapul nga aramidem kas iti inkarim ken Jehova a Diosmo kas boluntario a daton a sinaom babaen ti ngiwatmo.+ 24  “No kas pagarigan sumrekka iti kaubasan ti padam a tao, mangankanto laeng iti umdas nga ubas a pangpennekmo iti kararuam, ngem dika mangikabil iti aniaman iti pagkargaam.+ 25  “No kas pagarigan mapanka iti sitatakder pay laeng a binukel ti padam a tao, rurosemto laeng dagiti naluom a dawa babaen ti imam, ngem dika iparaspas nga agsublisubli ti kumpay iti sitatakder pay laeng a binukel ti padam a tao.+

Footnotes