Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Deuteronomio 20:1-20

20  “No kas pagarigan mapanka makibakal kadagiti kabusormo ket pudno a makakitaka kadagiti kabalio ken karkaruahe a pakigubat,+ maysa nga ili nga ad-adu ngem sika, dika agbuteng kadakuada; ta adda kenka ni Jehova a Diosmo,+ a nangaon kenka iti daga ti Egipto.+  Ket mapasamakto a no nakaasidegkayon iti bakal, masapul met nga umasideg ti padi ket agsao kadagiti umili.+  Ket masapul a kunaenna kadakuada, ‘Denggem, O Israel, umas-asidegkayo ita nga aldaw a makibakal kadagiti kabusoryo. Dikay pagalikakaen ti puspusoyo.+ Dikay agbuteng ken agtaray a silalagaw wenno agpigerger gapu kadakuada,+  ta makipagmartsa kadakayo ni Jehova a Diosyo tapno makirupak maipaay kadakayo kadagiti kabusoryo tapno isalakannakayo.’+  “Dagiti opisial+ masapul met nga agsaoda kadagiti umili, a kunaenda, ‘Asino a tao ti nangbangon iti baro a balay ket saanna nga inaguraran? Mapan koma ket agsubli iti balayna, ta amangan no matay iti bakal ket sabali a tao ti manginagurar iti dayta.+  Ket asino a tao ti nagmula iti kaubasan ket saanna a nairugi nga usaren? Mapan koma ket agsubli iti balayna, ta amangan no matay iti bakal ket sabali a tao ti mangirugi a mangusar iti dayta.+  Ket asino a lalaki ti nakitinnulag iti maysa a babai ket saanna nga innala? Mapan koma ket agsubli iti balayna,+ ta amangan no matay iti bakal ket sabali a lalaki ti mangala kenkuana.’  Ket dagiti opisial masapul nga agsaoda pay kadagiti umili ket kunaenda, ‘Asino a tao ti agbuteng ken agkullayaw ti pusona?+ Mapan koma ket agsubli iti balayna, tapno saanna a lunagen ti puspuso ti kakabsatna kas iti bukodna a puso.’+  Ket mapasamakto a no dagiti opisial nalpasdan nga agsao kadagiti umili, masapul met a mangdutokda kadagiti panguluen ti buybuyot iti sanguanan dagiti umili. 10  “No kas pagarigan umasidegka iti maysa a siudad tapno makirupakka iti dayta, masapul met a mangiwaragawagka iti dayta kadagiti kondision ti kappia.+ 11  Ket mapasamakto a no mangipaay kenka iti natalna a sungbat ket naglukat kenka, mapasamakto a mismo nga amin dagiti tattao a masarakan iti dayta rebbeng nga agbalinda a kukuam maipaay iti pinuersa a panagtrabaho, ket masapul nga agserbida kenka.+ 12  Ngem no saan a makikappia kenka,+ ket pudno a makigubat kenka ket kasapulan a lakubem, 13  sigurado a ni Jehova a Diosmo iyawatnanto met dayta ita imam, ket masapul a kabilem ti tunggal lalaki iti dayta babaen ti tadem ti kampilan.+ 14  Dagiti laeng babbai ken ti babassit nga ubbing+ ken dagiti naamo nga animal+ ken isuamin nga adda iti siudad, isuamin a ginam-udna samsamemto maipaay iti bagim;+ ket masapul a kanem ti ginam-ud dagiti kabusormo, isuda nga inted kenka ni Jehova a Diosmo.+ 15  “Kasta ti aramidemto kadagiti amin a siudad nga adayo unay kenka a saan a naibilang kadagiti siudad dagitoy a nasion. 16  Kadagiti laeng siudad dagitoy nga ili nga ited kenka ni Jehova a Diosmo kas tawid a dika mangtaginayon a sibibiag iti aniaman nga agang-anges a banag,+ 17  agsipud ta di bumurong nga ipaaymo ida iti pannakadadael, dagiti Heteo ken dagiti Amoreo, dagiti Canaanita ken dagiti Perizeo, dagiti Heveo ken dagiti Jebuseo,+ kas iti imbilin kenka ni Jehova a Diosmo; 18  tapno saandakayo a masuruan nga agaramid ti maitunos iti amin a nakarimrimon a bambanagda, nga inaramidda iti didiosda, ket pudno nga agbasolkayo maikaniwas ken Jehova a Diosyo.+ 19  “No kas pagarigan lakubem ti maysa a siudad iti adu nga aldaw babaen ti pannakirupakmo iti dayta tapno kautibuem, dika dadaelen ti kaykayona babaen ti panangwasay kadagita; ta rebbeng a manganka manipud kadagita, ket dika pukanen ida,+ ta ti aya kayo iti talon maysa a tao tapno lakubem? 20  Ti laeng kayo a pagaammom a saan a kayo a pagtaraon, dayta ti rebbeng a dadaelem, ket masapul a pukanem ket mangbangonka kadagiti panglakub+ maibusor iti siudad a makigubgubat kenka, agingga a marba.

Footnotes