Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Deuteronomio 16:1-22

16  “Adda koma panangngilin iti bulan ti Abib,+ ket masapul a rambakam ti paskua ken Jehova a Diosmo,+ agsipud ta iti bulan ti Abib inruarnaka ni Jehova a Diosmo manipud Egipto iti rabii.+  Ket masapul nga isakripisiom ti paskua ken Jehova a Diosmo,+ manipud iti arban ken manipud iti pangen,+ iti disso a piliento ni Jehova a pangipataenganna iti naganna.+  Iti pito nga aldaw dika ipangan iti dayta ti aniaman a nalebaduraan.+ Rebbeng a mangipanganka iti dayta kadagiti di pinaalsa a tinapay, ti tinapay ti pannakaparigat, agsipud ta sigaganat idi a rimmuarka manipud daga ti Egipto,+ tapno malagipmo ti aldaw ti iruruarmo manipud daga ti Egipto iti amin nga al-aldaw ti panagbiagmo.+  Ket awan koma ti makita kenka a naalsem a bellaay iti intero a teritoriam iti pito nga aldaw,+ wenno uray aniaman iti lasag, nga isakripisiomto iti rabii iti umuna nga aldaw, nga agtalinaed iti intero a rabii agingga iti bigat.+  Saanto a maipalubos nga isakripisiom ti paskua iti aniaman kadagiti siudadmo nga ited kenka ni Jehova a Diosmo.  No di ket iti disso a piliento ni Jehova a Diosmo a pangipataengan iti naganna,+ rebbeng nga isakripisiom ti paskua iti rabii apaman a lumnek ti init,+ iti naituding a tiempo ti iruruarmo manipud Egipto.  Ket masapul nga aglutoka ken manganka+ iti disso a piliento ni Jehova a Diosmo,+ ket iti bigat masapul nga agsublika ket mapanka kadagiti bukodmo a tolda.  Innem nga aldaw a manganka kadagiti di pinaalsa a tinapay; ket iti maikapito nga aldaw addanto nadaeg nga asamblea ken Jehova a Diosmo.+ Dika agtrabaho.  “Ibilangam ta bagim iti pito a lawas. Manipud umuna a pannakaiparaspas ti kumpay iti sitatakder pay laeng a binukel irugimto ti agbilang iti pito a lawas.+ 10  Kalpasanna masapul a rambakam ti piesta dagiti lawas ken Jehova a Diosmo,+ sigun iti boluntario a daton ti imam nga itedmonto, kas iti panangbendision kenka ni Jehova a Diosmo.+ 11  Ket masapul nga agrag-oka iti sango ni Jehova a Diosmo,+ sika ken ti anakmo a lalaki ken ti anakmo a babai ken ti adipenmo a lalaki ken ti adipenmo a babai ken ti Levita nga adda iti uneg dagiti ruanganmo ken ti ganggannaet nga agnanaed+ ken ti awan amana nga ubing+ ken ti balo a babai,+ nga adda iti tengngam, iti disso a piliento ni Jehova a Diosmo a pangipataengan iti naganna.+ 12  Ket masapul a lagipem a nagbalinka nga adipen idiay Egipto,+ ket masapul a salimetmetam ken itungpalmo dagitoy nga alagaden.+ 13  “Ti piesta dagiti abong-abong+ rebbeng a rambakam maipaay iti bagim iti pito nga aldaw no agurnongka manipud pagirikam ken iti pagpespesam iti lana ken ubas. 14  Ket masapul nga agrag-oka bayat ti piestam,+ sika ken ti anakmo a lalaki ken ti anakmo a babai ken ti adipenmo a lalaki ken ti adipenmo a babai ken ti Levita ken ti ganggannaet nga agnanaed ken ti awan amana nga ubing ken ti balo a babai, nga adda iti uneg dagiti ruanganmo. 15  Pito nga aldaw a rambakamto ti piesta+ ken Jehova a Diosmo iti disso a piliento ni Jehova, agsipud ta bendisionannakanto+ ni Jehova a Diosmo iti isuamin nga apitmo ken iti tunggal aramid ta imam, ket agbalinkanto latta a narag-o.+ 16  “Mamitlo iti makatawen a ti tunggal lalaki kenka rebbeng nga agparang iti sango ni Jehova a Diosmo iti disso a piliennanto:+ iti piesta dagiti di pinaalsa a tinapay+ ken iti piesta dagiti lawas+ ken iti piesta dagiti abong-abong,+ ket awan koma ti agparang nga ima-ima iti sango ni Jehova.+ 17  Ti sagut ti tunggal ima ti maysa rebbeng a mairukod iti pamendision ni Jehova a Diosmo nga intedna kenka.+ 18  “Mangisaadka maipaay kenka iti uk-ukom+ ken op-opisial+ iti uneg dagiti amin a ruanganmo nga ited kenka ni Jehova a Diosmo sigun kadagiti tribum, ket masapul nga ukomenda dagiti umili iti nalinteg a panangukom. 19  Dika ballikugen ti panangukom.+ Dika mangidumduma+ wenno umawat iti pasuksok, ta ti pasuksok bulsekenna ti matmata dagidiay masirib+ ken killuenna ti sasao dagidiay nalinteg. 20  Kinahustisia—rebbeng a surotem ti kinahustisia,+ tapno makapagtalinaedka a sibibiag ket pudno a matagikuam ti daga nga ited kenka ni Jehova a Diosmo.+ 21  “Dika agmula maipaay kenka iti aniaman a kita ti kayo kas maysa a sagrado a teddek iti asideg ti altar ni Jehova a Diosmo nga aramidem maipaay kenka.+ 22  “Dika met mangipasdek maipaay kenka iti sagrado a munmon,+ maysa a banag a pudno a guraen ni Jehova a Diosmo.+

Footnotes