Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Deuteronomio 14:1-29

14  “Annaknakayo ni Jehova a Diosyo.+ Dikay sugatsugaten+ ti bagbagiyo wenno pagkalbuen+ dagiti mugingyo maigapu iti natay.  Ta nasantuanka nga ili+ ken Jehova a Diosmo, ket pinilinaka ni Jehova nga agbalin nga ilina, maysa a naisangsangayan a sanikua,+ manipud iti amin nga ili nga adda iti rabaw ti daga.  “Dika mangan iti aniaman a kita ti nakarimrimon a banag.+  Daytoy ti kita ti animal a mabalinyo a kanen:+ ti toro, ti karnero ken ti kalding,  ti kalakian nga ugsa ken gasela ken korso+ ken atap a kalding ken antilop ken atap a karnero ken gamusa;  ken tunggal animal nga agpisi ti kukona ken aglengngan iti dua a kukona, agngatingat kadagiti animal.+ Mabalinyo a kanen dayta.  Isuna laeng ta daytoy a kita ti dikay kanen kadagidiay agngatingat wenno nagpisi ti kukoda, naglengngan: ti kamelio+ ken ti liebre+ ken ti koneho iti kabatuan,+ agsipud ta managngatingatda ngem saan a nagpisi ti kukoda. Karugityo ida.  Kasta met ti baboy,+ agsipud ta nagpisi ti kukona ngem awanan ngatingaten. Karugityo dayta. Awan ti kanenyonto iti lasagda, ket dagiti bangkayda dikay sagiden.+  “Daytoy a kita manipud iti isuamin nga adda iti dandanum mabalinyo a kanen: Isuamin nga addaan kadagiti pigar ken siksik mabalinyo a kanen.+ 10  Ket isuamin nga awanan kadagiti pigar ken siksik dikay kanen.+ Karugityo dayta. 11  “Aniaman a nadalus a tumatayab mabalinyo a kanen. 12  Ngem dagitoy ti dikay kanen: ti agila ken ti mangngikan a kali ken ti nangisit a buitre,+ 13  ken ti nalabaga a gikgik ken ti nangisit a gikgik+ ken ti sawi sigun iti kakikitana; 14  ken tunggal wak+ sigun iti kakikitana; 15  ken ti abestrus+ ken ti kullaaw ken ti garseta ken ti kali sigun iti kakikitana; 16  ti puek ken ti atiddog-lapayagna a kullaaw+ ken ti kalamon, 17  ken ti mangngaput+ ken ti buitre ken ti kasili, 18  ken ti tikbaboy ken ti kannaway sigun iti kakikitana, ken ti abubilia ken ti panniki.+ 19  Ket ti tunggal nagpayak nga agpangpangen a parsua karugityo.+ Saanda a makan. 20  Aniaman a nadalus nga agtaytayab a parsua mabalinyo a kanen. 21  “Dikay mangan iti aniaman a natayen a bagi.+ Mabalinmo nga ited iti ganggannaet nga agnanaed nga adda iti uneg dagiti ruanganmo, ket kanennanto dayta; wenno mailako iti ganggannaet, agsipud ta nasantuanka nga ili ken Jehova a Diosmo. “Dika ilambong ti urbon a kalding iti gatas ti inana.+ 22  “Di bumurong a mangitedka iti apagkapullo ti isuamin nga apit ti bin-im, nga agtaud iti talon iti tinawentawen.+ 23  Ket iti sango ni Jehova a Diosmo, iti disso a piliennanto a pangipataengan iti naganna, masapul a kanem ti apagkapullo ti bukbukelmo,+ ti baro nga arakmo ken ti lanam ken dagidiay inauna ti pangenmo ken ti arbanmo;+ tapno masursurom ti agbuteng a kanayon ken Jehova a Diosmo.+ 24  “Ita no kas pagarigan naunday unay kenka ti panagbaniaga,+ agsipud ta saanmonto a kabaelan nga awiten dayta, yantangay ti disso a piliento ni Jehova a Diosmo a pangisaadanna iti naganna+ adayonto unay kenka, (agsipud ta bendisionannakanto ni Jehova a Diosmo,)+ 25  masapul ngarud a kuartaem, ket masapul a bungonem ti kuarta ita imam ket agdaliasatka agingga iti disso a piliento ni Jehova a Diosmo. 26  Masapul met nga itedmo ti kuarta maipaay iti aniaman a garteman ti kararuam+ a bakbaka ken karkarnero ken kalkalding ken arak ken makabartek nga inumen+ ken aniaman a banag a kiddawen kenka ti kararuam; ket masapul a manganka sadiay iti sango ni Jehova a Diosmo ket agrag-oka,+ sika ken ti sangakabbalayam. 27  Ket ti Levita nga adda iti uneg dagiti ruanganmo, dika baybay-an,+ ta awan binglayna wenno tawidna a mairaman kenka.+ 28  “Iti ngudo ti tallo a tawen iruarmonto ti intero nga apagkapullo ti apitmo iti dayta a tawen,+ ket masapul nga ikabilmo iti uneg dagiti ruanganmo. 29  Ket ti Levita,+ agsipud ta awan binglayna wenno tawidna a mairaman kenka, ken ti ganggannaet nga agnanaed+ ken ti awan amana nga ubing ken ti balo a babai,+ nga adda iti uneg dagiti ruanganmo, masapul nga umayda, ket masapul a manganda ken agpennekda; tapno bendisionannaka koma ni Jehova a Diosmo+ iti tunggal aramid+ ta imam nga aramidemto.

Footnotes