Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Deuteronomio 11:1-32

11  “Ket masapul nga ayatem ni Jehova a Diosmo+ ken salimetmetam a kanayon ti pagrebbengam kenkuana ken dagiti paglinteganna ken dagiti hudisial a pangngeddengna+ ken dagiti bilinna.  Ket pagaammoyo unay ita nga aldaw (ta saanko a kasao ti annakyo a saan a nakaammo ken saan a nakakita iti disiplina ni Jehova+ a Diosyo, ti kinanaindaklanna,+ ti napigsa nga imana+ ken ti siuunnat a takiagna,+  wenno uray dagiti pagilasinanna ken dagiti aramidna nga inaramidna iti tengnga ti Egipto+ ken Faraon nga ari ti Egipto ken iti intero a dagana;  wenno uray ti inaramidna kadagiti puersa militar ti Egipto, kadagiti kabaliona ken karkaruahena a pakigubat, a maibusor kadagiti rupada pinaglippiasna ti dandanum ti Nalabaga a Baybay idi kamkamatenda ida,+ ket dinadael ida ni Jehova agingga itoy nga aldaw;+  wenno uray ti inaramidna kadakayo idiay let-ang agingga iti iyaayyo ditoy a disso;  wenno uray ti inaramidna kada Datan ken Abiram+ nga annak ni Eliab nga anak ni Ruben, idi a nginanga ti daga ti ngiwatna ket inalun-onna ida ken dagiti sangakabbalayanda ken dagiti toldada ken tunggal adda a banag a simmurot kadakuada iti tengnga ti intero nga Israel);+  ta dagiti matayo isuda ti nakakita kadagiti amin a naindaklan nga aramid ni Jehova nga inaramidna.+  “Ket masapul a salimetmetanyo ti intero a bilin+ nga ibilbilinko kenka ita nga aldaw, tapno pumigsakayo ken pudno a makastrekkayo ket tagikuaenyo ti daga a bumallasiwanyo tapno tagikuaenyo,+  ken tapno mapaatiddogyo ti al-aldawyo+ iti daga nga insapata ni Jehova kadagidi ammayo nga ited kadakuada ken iti bin-ida,+ maysa a daga a pagay-ayusan ti gatas ken diro.+ 10  “Ta ti daga a mapanmo tagikuaen saan a kas iti daga ti Egipto a rinuaranyo, a nangimulmulaam iti bin-im ken kasapulan idi a padanumam babaen ti sakam, kas iti minuyongan dagiti nateng. 11  Ngem ti daga a bumallasiwanyo tapno tagikuaenyo ket maysa a daga a bambantay ken ginget+ a tantanap. Iti tudo ti langlangit uminum dayta iti danum; 12  maysa a daga a tartaripatuen ni Jehova a Diosmo. Dagiti mata+ ni Jehova a Diosmo patinayon nga adda iti dayta, manipud panangrugi ti tawen agingga iti panagpatingga ti tawen. 13  “Ket mapasamakto a no agtulnogkayo a di bumurong iti bilbilinko+ nga ibilbilinko kadakayo ita nga aldaw tapno ayatenyo ni Jehova a Diosyo ken tapno agserbikayo kenkuana buyogen ti isuamin a pusoyo ken isuamin a kararuayo,+ 14  sigurado a mangtedakto met iti tudo maipaay iti dagayo iti naituding a tiempona,+ tudo iti otonio ken tudo iti primavera,+ ket pudno nga urnongemto ti bukbukelmo ken ti nasam-it nga arakmo ken ti lanam. 15  Ket sigurado a mangtedakto iti mulmula iti talonmo maipaay kadagiti naamo nga animalmo,+ ket pudno a mangankanto ket mapnekka.+ 16  Agaluadkayo ta amangan no masulbog ti pusoyo,+ ket sumiasikayo ket agdayawkayo kadagiti sabali a didios ket agruknoykayo kadakuada,+ 17  ket gumil-ayab ti unget ni Jehova kadakayo, ket rikpanna ti langlangit iti kasta awanto ti dumteng a tudo+ ket ti daga saannanto nga itden ti bungana ket kasapulan a mapukawkayo a sipapardas iti nasayaat a daga nga ited kadakayo ni Jehova.+ 18  “Ket masapul nga igaedyo dagitoy a sasaok iti pusoyo+ ken iti kararuayo ket ibedbedyo ida kas pagilasinan iti imayo, ket masapul nga agserbida a kas bedbed iti muging iti baet dagiti matayo.+ 19  Masapul met nga isuroyo ida iti annakyo, tapno sawen ida no agtugawka iti balaymo ken no magnaka iti dalan ken no agiddaka ken no bumangonka.+ 20  Ket masapul nga isuratmo ida kadagiti bautek ti balaymo ken kadagiti ruanganmo,+ 21  tapno ti al-aldawyo ken ti al-aldaw ti annakyo umaduda+ iti daga nga insapata ni Jehova kadagidi ammayo nga ited kadakuada,+ kas iti al-aldaw ti langlangit iti ngatuen ti daga.+ 22  “Ta no salimetmetanyo a siiinget amin daytoy a bilin+ nga ibilbilinko kadakayo tapno aramidenyo, nga ayatenyo ni Jehova a Diosyo,+ a magnakayo iti amin a daldalanna+ ken kumpetkayo kenkuana,+ 23  ni Jehova pagtalawennanto met amin dagitoy a nasion maigapu kadakayo,+ ket sigurado nga ikkatanyonto iti sanikua dagiti nasion a daddadakkel ken ad-adu ngem dakayo.+ 24  Tunggal disso a baddekento ti dapan ti sakayo agbalinto a kukuayo.+ Manipud iti let-ang agingga iti Libano, manipud iti Karayan, ti karayan Eufrates, agingga iti makinlaud a baybay isunto ti agbalin a beddengyo.+ 25  Awanto ti tao a makapagtakder a sititibker maibusor kadakayo.+ Ti panagalinggaget kadakayo ken ti panagbuteng kadakayo ikabilto ni Jehova a Diosyo iti sanguanan ti intero a daga+ a baddekenyonto, kas iti inkarina kadakayo. 26  “Kitaenyo, mangikabilak iti sanguananyo ita nga aldaw iti bendision ken lunod:+ 27  ti bendision, no la ket agtulnogkayto iti bilbilin ni Jehova a Diosyo+ nga ibilbilinko kadakayo ita nga aldaw; 28  ket ti lunod,+ no saankayto nga agtulnog iti bilbilin ni Jehova a Diosyo+ ket sumiasikayo iti dalan a maipapan iti dayta bilbilinenkayo ita nga aldaw, iti kasta sumurotkayo kadagiti sabali a didios a saanyo a naammuan. 29  “Ket mapasamakto nga inton iyegnaka ni Jehova a Diosmo iti daga a mapanmo tagikuaen,+ masapul met nga ipaaymo ti bendision iti Bantay Gerizim+ ken ti lunod iti Bantay Ebal.+ 30  Saan kadi nga addada iti deppaar ti Jordan a tumurong iti lelennekan ti init, iti daga dagiti Canaanita nga agnanaed idiay Araba,+ iti sango ti Gilgal,+ iti sibay ti dadakkel a kaykayo ti More?+ 31  Ta ballasiwenyo ti Jordan tapno sumrekkayo ket tagikuaenyo ti daga nga ited kadakayo ni Jehova a Diosyo, ket masapul a tagikuaenyo dayta ken agnaedkayo iti dayta.+ 32  Ket masapul nga agannadkayo a mangitungpal kadagiti amin nga alagaden ken kadagiti hudisial a pangngeddeng+ nga ikabilko iti sanguananyo ita nga aldaw.+

Footnotes