Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Daniel 7:1-28

7  Iti umuna a tawen ni Belsazar+ nga ari ti Babilonia, ni met laeng Daniel nakakita iti tagtagainep ken sirsirmata ti ulona iti pagiddaanna.+ Iti dayta a tiempo insuratna ti mismo a tagtagainep.+ Imbagana ti naan-anay a salaysay ti bambanag.  Nagsao ni Daniel ket kinunana: “Nakitak kadagiti sirmatak bayat ti rabii, ket, kitaenyo sadiay! ti uppat nga angin+ ti langlangit kibkiburenda ti nakalawlawa a baybay.+  Ket sumangsang-at ti uppat a nakadakdakkel nga an-animal+ manipud iti baybay,+ a ti tunggal maysa naiduma+ iti sabsabali.  “Daydiay umuna kasla leon,+ ket addaan kadagiti payak ti agila.+ Intultuloyko ti kimmita agingga a naparut dagiti payakna, ket naipangato manipud iti daga+ ken napagtakder iti dua a saka a kas iti tao, ket naited iti dayta ti puso ti tao.+  “Ket, kitaenyo sadiay! ti sabali pay nga animal, daydiay maikadua, kasla oso.+ Ket isu nakangato iti maysa a sikigan,+ ket adda tallo a paragpag iti ngiwatna iti nagbabaetan dagiti ngipenna; ket daytoy ti kinunada iti dayta, ‘Tumakderka, manganka iti adu a lasag.’+  “Kalpasan daytoy intultuloyko ti kimmita, ket, kitaenyo sadiay! ti sabali pay nga animal, maysa a kasla leopardo,+ ngem iti bukotna addaan iti uppat a payak ti agtaytayab a parsua. Ket ti animal addaan iti uppat nga ulo,+ ket pudno a naikkan iti panagturay.  “Kalpasan daytoy intultuloyko ti kimmita kadagiti sirmata iti rabii, ket, kitaenyo sadiay! ti maikapat nga animal, nakabutbuteng ken nakaam-ames ken di gagangay ti pigsana.+ Ket addaan kadagiti ngipen a landok, dadakkel. Mangal-alun-on ken mangrumrumek, ket ti nabati imbaddebaddekna kadagiti sakana. Ket maysa dayta a naiduma kadagiti amin a dadduma nga animal nga immun-una iti dayta, ket addaan sangapulo a sara.+  Inut-utobko dagiti sara, ket, adtoy! sabali pay a sara, maysa a bassit,+ timpuar iti tengngada, ket manipud sanguananna adda naparut a tallo kadagiti immuna a sara. Ket, adtoy! iti daytoy a sara adda matmata a kas kadagiti mata ti tao, ket adda ngiwat nga agsasao iti nakatantan-ok a bambanag.+  “Intultuloyko ti kimmita agingga nga adda dagiti naisaad a trono+ ket nagtugaw ti Kadaanan iti Al-aldaw.+ Ti pagan-anayna napudaw a kasla niebe,+ ket ti buok ti ulona kasla nadalus a delana.+ Ti tronona ket kas kadagiti gil-ayab ti apuy;+ dagiti pilidna sumsumgedda nga apuy.+ 10  Adda waig ti apuy nga agay-ayus ken rumrummuar manipud sanguananna.+ Adda sangaribu a rinibu a nagtultuloy a nagserbi kenkuana,+ ken sangapulo a ribu a maminsangapulo a ribu a nagtalinaed a sitatakder iti mismo a sanguananna.+ Ti Pangukoman+ timmugaw, ket adda liblibro a naukrad. 11  “Intultuloyko ti kimmita iti dayta a tiempo gapu iti uni dagiti nakatantan-ok a sao a sasawen ti sara;+ intultuloyko ti kimmita agingga a napapatay ti animal ket nadadael ti bagina ket naited iti sumsumged nga apuy.+ 12  Ngem no maipapan iti dadduma kadagiti animal,+ naikkat dagiti panagturayda, ket adda naited kadakuada a pannakayatiddog iti biag iti maysa a tiempo ken maysa a panawen.+ 13  “Intultuloyko ti kimmita kadagiti sirmata iti rabii, ket, kitaenyo sadiay! buyogen dagiti ulep+ iti langlangit um-umay ti maysa a kasla anak ti tao;+ ket nakaadani iti Kadaanan iti Al-aldaw,+ ket isu inyasidegda iti mismo a sanguanan Daydiay.+ 14  Ket kenkuana adda naited a panagturay+ ken dayaw+ ken pagarian,+ tapno dagiti ili, nasional a bungbunggoy ken pagsasao agserbida koma amin kenkuana a mismo.+ Ti panagturayna ket di nakedngan ti kapautna a panagturay a saanto nga aglabas, ket ti pagarianna maysa a saanto a madadael.+ 15  “No maipapan kaniak, ni Daniel, nariribukan ti espirituk iti unegko maigapu iti dayta, ket dagiti mismo a sirmata ti ulok nangrugida a mamagaliaw kaniak.+ 16  Immasidegak iti maysa kadagidiay a sitatakder, tapno makapagkiddawak kenkuana iti mapagtalkan a pakaammo maipapan iti isuamin daytoy.+ Ket sinaona kaniak, bayat nga impakaammona kaniak ti mismo a kayulogan ti bambanag, 17  “‘No maipapan kadagitoy nakadakdakkel nga an-animal, agsipud ta uppatda,+ adda uppat nga ari a tumakderto manipud iti daga.+ 18  Ngem dagiti sasanto+ Daydiay Katan-okan+ awatendanto ti pagarian, ket tagikuaendanto ti pagarian+ iti tiempo a di nakedngan, iti mismo a tiempo a di nakedngan kadagiti tiempo a di nakedngan.’ 19  “Iti daydin a tinarigagayak a siguraduen ti maipapan iti maikapat nga animal, a naiduma iti amin a sabsabali, nalabes ti kinanakabutbutengna, a dagiti ngipenna landok ket dagiti kukona gambang, a mangal-alun-on ken mangrumrumek, ket mangibaddebaddek babaen kadagiti sakana uray iti nabati;+ 20  ken maipapan iti sangapulo a sara nga adda iti ulona,+ ken ti sabali pay a sara+ a timpuar ket iti sanguananna tallo ti natnag,+ dayta a mismo a sara nga addaan matmata ken ngiwat nga agsasao iti nakatantan-ok a bambanag+ ket ti langana dakdakkel ngem kadagiti kaduana. 21  “Intultuloyko ti kimmita idi a dayta a mismo a sara nakigubat kadagiti sasanto, ket inabakna ida,+ 22  agingga nga immay ti Kadaanan iti Al-aldaw+ ket ti met laeng panangukom naited a pabor kadagiti sasanto Daydiay Katan-okan,+ ket dimteng ti naikeddeng a tiempo a dagiti sasanto tinagikuada ti mismo a pagarian.+ 23  “Daytoy ti kinunana, ‘No maipapan iti maikapat nga animal, adda maikapat a pagarian a maaddanto iti daga, a naidumanto iti amin a dadduma a pagarian; ket alun-onennanto ti intero a daga ket ipayatpayatnanto ken rumekenna.+ 24  Ket no maipapan iti sangapulo a sara, manipud iti dayta a pagarian adda sangapulo nga ari a tumakderto;+ ket kaskasdi a tumakderto ti sabali pay iti kalpasanda, ket isu naidumanto kadagidiay immun-una,+ ket tallo nga ari ti ipababananto.+ 25  Ket agsaonto iti mismo a sasao maibusor iti Kangatuan,+ ket agtultuloy a riribukennanto dagiti mismo a sasanto Daydiay Katan-okan.+ Ket panggepennanto a baliwan dagiti panawen+ ken linteg,+ ket maitedto dagita iti imana iti maysa a panawen, ken pampanawen ken kagudua ti maysa a panawen.+ 26  Ket ti met laeng Pangukoman timmugaw,+ ket ti bukodna a panagturay inikkatda iti kamaudiananna, tapno isu pukawenda ken dadaelenda a naan-anay.+ 27  “‘Ket ti pagarian ken ti panagturay ken ti kinadaeg dagiti pagarian iti baba ti amin a langlangit naited kadagiti tattao isuda a sasanto Daydiay Katan-okan.+ Ti pagarianda ket di nakedngan ti kapautna a pagarian,+ ket amin dagiti panagturay agserbi ken agtulnogdanto kadakuada a mismo.’+ 28  “Agingga ditoy ti panungpalan ti banag. No maipapan kaniak, ni Daniel, dagiti bukodko a panunot pinagal-aliawdak iti kasta unay, iti kasta nagbaliw kaniak ti mismo a maris ti langak; ngem ti met laeng banag sinalimetmetak iti bukodko a puso.”+

Footnotes