Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Daniel 6:1-28

6  Naimbag idi dayta ken Dario, ket sangagasut ket duapulo a satrapa ti insaadna iti pagarian, tapno mamanguloda iti intero a pagarian;+  ket iti ngatuenda tallo a nangato nga opisial, a maysa kadakuada ni Daniel,+ tapno maitultuloy dagitoy a satrapa+ ti mangted kadakuada iti damag ket ti met laeng ari saan nga isu ti mapukawan.+  Iti daydin a daytoy a Daniel nagtalinaed a nangisalsalumina iti bagina+ kadagiti nangato nga opisial ken kadagiti satrapa, yantangay adda kenkuana ti naisangsangayan nga espiritu;+ ket isu panggep ti ari nga ital-o iti ngatuen ti intero a pagarian.  Iti dayta a tiempo patinayon nga ikagkagumaan a mismo dagiti nangato nga opisial ken dagiti satrapa ti mangsarak iti pambar a maibusor ken Daniel maipapan iti pagarian;+ ngem saanda a pulos nakasarak iti pambar wenno rinuker a banag, yantangay isu mapagpiaran ken awan a pulos kinaliway wenno rinuker a banag a nasarakan kenkuana.+  Iti kasta kinuna dagitoy nabaneg a lallaki: “Awanto a pulos ti masarakantayo a pambar iti daytoy a Daniel, malaksid no sarakentayto dayta maibusor kenkuana iti linteg ti Diosna.”+  Iti kasta dagitoy met laeng nangato nga opisial ken dagiti satrapa simrekda kas sangabunggoyan a napan iti ari,+ ket daytoy ti kinunada kenkuana: “O Dario nga ari, agbiagka uray agingga kadagiti tiempo a di nakedngan.+  Amin dagiti nangato nga opisial iti pagarian, dagiti prepekto ken dagiti satrapa, dagiti nangato a naarian nga opisial ken dagiti gobernador, nagsangsangkamaysada a nagnunumo a mangipasdek iti maysa a naarian a paglintegan+ ken mangipaalagad iti panangiparit, a siasinoman nga agdawat iti asinoman a dios wenno tao bayat ti tallopulo nga aldaw malaksid kenka, O ari, maipisokto iti abut dagiti leon.+  Ita, O ari, ipasdekmo koma ti paglintegan ket pirmaam ti surat,+ tapno saan a mabaliwan, sigun iti linteg dagiti Medo ken dagiti Persiano,+ a saan a mawaswas.”+  Maitunos iti daytoy, pinirmaan a mismo ni Ari Dario ti surat ken ti panangiparit.+ 10  Ngem ni Daniel, apaman a naammuanna a napirmaanen ti surat, simrek iti balayna, ket, dagiti tawa iti siledna iti pangatepan silulukatda maipaay kenkuana a sumango idiay Jerusalem,+ mamitlo pay ketdi iti maysa nga aldaw+ nga isu agparparintumeng ken agkarkararag+ ken mangidatdaton iti daydayaw iti sanguanan ti Diosna,+ kas iti regular nga ar-aramidenna sakbay daytoy.+ 11  Iti dayta a tiempo nagdudupong a mismo dagitoy nabaneg a lallaki ket nasarakanda ni Daniel nga agdawdawat ken agpakpakaasi iti parabur iti imatang ti Diosna.+ 12  Iti daydin nga immasidegda ket kinunada iti sanguanan ti ari maipapan iti panangiparit ti ari: “Saan kadi nga adda panangiparit a pinirmaam nga asinoman a tao nga agdawat manipud iti asinoman a dios wenno tao bayat ti tallopulo nga aldaw malaksid kenka, O ari, rebbeng a maipisok iti abut dagiti leon?”+ Simmungbat ti ari ket kinunana: “Ti banag natibker ti pannakaipasdekna maitunos iti linteg dagiti Medo ken dagiti Persiano, a saan a mawaswas.”+ 13  Dagus a simmungbatda, ket kinunada iti sanguanan ti ari: “Ni Daniel,+ a kameng dagiti destiero ti Juda,+ saannaka a rinaem, O ari, wenno uray ti panangiparit a pinirmaam, no di ket mamitlo iti maysa nga aldaw nga agdawdawat.”+ 14  Iti kasta ti ari, apaman a nangngegna ti sao, makaparurod unay dayta kenkuana,+ ket impamaysana ti panunotna ken Daniel tapno alawenna;+ ket agingga iti ilelennek ti init inkagkagumaanna nga ispalen. 15  Kamaudiananna dagitoy nabaneg a lallaki simrekda a mismo kas sangabunggoyan iti ari, ket kinunada iti ari: “Ammuem, O ari, a ti linteg a kukua dagiti Medo ken dagiti Persiano ket aniaman a panangiparit+ wenno paglintegan nga impasdek a mismo ti ari saan a mabaliwan.”+ 16  Iti kasta nagbilin a mismo ti ari, ket inyegda ni Daniel ket impisokda iti abut dagiti leon.+ Simmungbat ti ari ket kinunana ken Daniel: “Ti Diosmo a pagserserbiam a patinayon, isu alawennakanto.”+ 17  Ket naiyeg ti maysa a bato ket naikabil iti wangawangan ti abut, ket sinelioan ti ari babaen iti pangtanda a singsingna ken babaen iti pangtanda a singsing dagiti natan-okna, tapno iti kasta awan koma ti mabaliwan iti kaso ni Daniel.+ 18  Iti dayta a tiempo napan ti ari iti palasiona ket nagay-ayunar a pinalabasna ti rabii,+ ket awan dagiti pagtokar iti musika a naiyeg iti sanguananna, ket pimmanaw kenkuana ti mismo a tuturoganna.+ 19  Kamaudiananna ti met laeng ari, idi agbannawag, bimmangon iti panaglawag ti aldaw, ket sidadaras a napan iti mismo nga abut dagiti leon. 20  Ket idi nakaasideg iti abut, nagpukkaw ken Daniel a mismo buyogen ti naliday a timek. Nagsao ti ari ket kinunana ken Daniel: “O Daniel, adipen ti sibibiag a Dios, ti Diosmo a pagserserbiam a patinayon+ nabalinannaka kadi nga inalaw manipud kadagiti leon?”+ 21  Dagus a ni Daniel nagsao iti mismo nga ari: “O ari, agbiagka uray agingga kadagiti tiempo a di nakedngan. 22  Ti bukodko a Dios+ imbaonna ti anghelna+ ket kinaemna ti ngiwat dagiti leon,+ ket saandak a dinadael, yantangay iti sanguananna nasarakan kaniak ti mismo a kinaawan basol;+ ken kasta met iti sanguanam, O ari, awan inaramidko a makapasakit a tignay.”+ 23  Iti daydin a ti mismo nga ari nagragsak unay,+ ket imbilinna a ni Daniel a mismo maaon iti abut. Ket ni Daniel naaon iti abut, ket awan a pulos pannakadangran a nasarakan kenkuana, agsipud ta nagtalek iti Diosna.+ 24  Ket nagbilin ti ari, ket inyegda dagitoy a nabaneg a lallaki a nangakusar ken Daniel,+ ket impisokda ida iti abut dagiti leon,+ ti annakda ken ti assawada;+ ket saanda pay a nakadanon iti lansad ti abut pinarukma idan dagiti leon, ket amin dagiti tulangda rinumekda.+ 25  Iti daydin a ni Dario nga ari insuratna a mismo kadagiti amin nga ili, kadagiti nasional a bunggoy ken kadagiti pagsasao nga agnanaed iti intero a daga:+ “Ti talnayo rumang-ay koma iti kasta unay!+ 26  Manipud iti sanguanak adda naituyang a bilin+ nga, iti tunggal pagturayan ti pagariak, dagiti umili kasapulan nga agpigerger ken agbutengda iti sanguanan ti Dios ni Daniel.+ Ta isu ti sibibiag a Dios ken Daydiay agtalinaed agingga kadagiti tiempo a di nakedngan,+ ket ti pagarianna+ isu daydiay saanto a madadael,+ ket ti pagturayanna agnanayon.+ 27  Isu mangalaw ken mangispal+ ken agaramid kadagiti pagilasinan ken datdatlag iti langlangit+ ken iti daga,+ ta inalawna ni Daniel iti gammat dagiti leon.” 28  Ket no maipapan iti daytoy a Daniel, rimmang-ay iti pagarian ni Dario+ ken iti pagarian ni Ciro a Persiano.+

Footnotes