Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Daniel 5:1-31

5  No maipapan ken Belsazar+ nga ari, nangaramid iti dakkel a padaya maipaay iti sangaribu kadagiti natan-okna, ket iti sanguanan ti sangaribu umin-inum idi iti arak.+  Ni Belsazar, iti sidong ti impluensia ti arak,+ kinunana a maiyeg dagiti basehas a balitok ken pirak+ nga innala ni Nabucodonosor nga amana manipud iti templo nga adda idi idiay Jerusalem, tapno kadagita koma nga uminum ti ari ken dagiti natan-okna, dagiti kamalalana ken dagiti segundario nga assawana.+  Iti daydi a tiempo inyegda dagiti basehas a balitok nga innalada iti templo ti balay ti Dios nga adda idi idiay Jerusalem, ket manipud kadakuada imminum ti ari ken dagiti natan-okna, dagiti kamalalana ken dagiti segundario nga assawana.  Imminumda iti arak, ket indaydayawda ti didios a balitok ken pirak, gambang, landok, kayo ken bato.+  Iti dayta a kanito rimmuar dagiti ramay ti ima ti maysa a tao ket nagsursurat iti sanguanan ti pagsaadan ti silaw iti palitada ti diding ti palasio ti ari,+ ket ti ari makitkitana ti likud ti ima nga agsursurat.  Iti dayta a tiempo, no maipapan iti ari, ti mismo a maris ti langana nagbaliw kenkuana, ket dagiti bukodna a panunot nangrugi a mamagaliaw kenkuana,+ ket limmukay dagiti nagsuopan ti padingpadingna+ ket nagtinnim-og dagiti mismo a tumengna.+  Ti ari nagpukkaw a sipipigsa nga iyegda dagiti aran, dagiti Caldeo ken dagiti astrologo.+ Simmungbat ti ari ket kinunana kadagiti masirib a tattao ti Babilonia: “Asinoman a tao a mangbasanto iti daytoy a surat ket iparangna kaniak ti mismo a kayuloganna, makawesanto iti purpura,+ nga adda kuentas a balitok a mayukkor iti tengngedna, ket agturayto kas maikatlo iti pagarian.”+  Iti dayta a tiempo simrek dagiti amin a mamasirib a tattao ti ari, ngem saanda a naan-anay a makabael a mangbasa iti mismo a surat wenno mangipakaammo iti kayulogan iti ari.+  Gapuna nagaliaw iti kasta unay ni Ari Belsazar ket ti maris ti langana nagbaliw kenkuana; ket nariribukan dagiti natan-okna.+ 10  No maipapan iti reyna, gapu iti sasao ti ari ken dagiti natan-okna simrek iti mismo a siled a pagdadayaan. Simmungbat ti reyna ket kinunana: “O ari, agtultuloyka nga agbiag agingga a mismo kadagiti tiempo a di nakedngan.+ Saannaka koma a pagaliawen dagiti panunotmo, saan met koma nga agbaliw ti maris ti langam. 11  Adda maysa a makabael a lalaki iti pagariam a kenkuana adda ti espiritu ti nasantuan a didios;+ ket idi kaaldawan ni amam nasarakan kenkuana ti lawag ken pannakatarus ken sirib kas iti sirib ti didios, ket mismo a ni Ari Nabucodonosor nga amam isu insaadna a kas panguluen+ ti managsalamangka a papadi, dagiti aran, dagiti Caldeo ken dagiti astrologo, mismo a ni amam, O ari; 12  yantangay ti naisangsangayan nga espiritu ken pannakaammo ken pannakatarus a mangibuksil kadagiti tagtagainep+ ken ti pannakailawlawag dagiti burburtia ken ti panangukas kadagiti siglot nasarakan kenkuana,+ ken Daniel, a pinanaganan a mismo ti ari iti Baltazar.+ Ita ni met laeng Daniel maayaban koma, tapno iparangna ti mismo a kayulogan.” 13  Iti kasta ni met laeng Daniel naiyeg iti sanguanan ti ari. Nagsao ti ari ket kinunana ken Daniel: “Sika kadi ni Daniel a kameng dagiti destiero ti Juda,+ nga inyeg ti ari nga amak manipud Juda?+ 14  Nangngegko met ti maipapan kenka a ti espiritu ti didios adda kenka,+ ket nasarakan kenka ti lawag ken pannakatarus ken sirib+ a naisangsangayan. 15  Ket ita naiyeg iti sanguanak dagiti masirib a tattao ken dagiti aran, tapno basaenda koma daytoy mismo a surat, tapno ipakaammo a mismo kaniak ti kayuloganna; ngem saanda a naan-anay a makabael a mangiparang iti mismo a kayulogan ti sao.+ 16  Ket siak nangngegko ti maipapan kenka, a kabaelam ti mangipaay kadagiti kayulogan+ ken mangukas kadagiti mismo a siglot. Ita, no kabaelam a basaen ti surat ken ipakaammo kaniak ti mismo a kayuloganna, makawesankanto iti purpura, nga adda kuentas a balitok a mayukkor iti tengngedmo, ket agturaykanto kas maikatlo iti pagarian.”+ 17  Iti daydi a tiempo simmungbat ni Daniel ket kinunana iti sanguanan ti ari: “Dagiti sagutmo agpaayda koma kenka met laeng, ket dagiti rangkapmo itedmo iti sabsabali.+ Nupay kasta, basaekto ti mismo a surat iti ari, ket ipakaammokto kenkuana ti kayulogan.+ 18  No maipapan kenka, O ari, ti met laeng Kangatuan a Dios+ intedna ken Nabucodonosor nga amam+ ti pagarian ken ti kinanaindaklan ken ti dayaw ken ti kinatan-ok.+ 19  Ket gapu iti kinanaindaklan nga intedna kenkuana, amin nga il-ili, nasional a bungbunggoy ken pagsasao nagpigergerda ken nangipakitada iti panagbuteng iti sanguananna.+ Asinoman a kinayatna, pinapatayna; ket asinoman a kinayatna, kinabilna; ket asinoman a kinayatna, intan-okna; ket asinoman a kinayatna, impababana.+ 20  Ngem idi timmangsit ti pusona ket timmangken ti bukodna nga espiritu, iti kasta nagtignay a sidudursok,+ naipababa manipud iti trono ti pagarianna, ket ti bukodna a dayaw naipanaw kenkuana.+ 21  Ket napagtalaw iti annak ti sangatauan, ket ti mismo a pusona napagbalin a kas iti puso ti animal, ket dagiti atap nga asno ti pakipagnanaedanna idi.+ Isu ikkanda iti ruruot tapno kanenna kas kadagiti toro, ket ti bukodna a bagi nabasa iti linnaaw ti langlangit,+ agingga a naammuanna a ti Kangatuan a Dios isu ti Agturay iti pagarian ti sangatauan, ket daydiay kayatna, pagturayenna iti dayta.+ 22  “Ket no maipapan kenka, anakna a Belsazar,+ saanmo nga impakumbaba ta pusom,+ nupay ammom amin daytoy.+ 23  No di ket intan-okmo ta bagim maibusor iti Apo ti langlangit,+ ket inyegda iti sanguanam uray dagiti basehas ti balayna;+ ket sika ken dagiti natan-okmo, dagiti kamalalam ken dagiti segundario nga assawam immin-inumkayo iti arak manipud kadagita, ket indaydayawmo ti didios laeng a pirak ken balitok, gambang, landok, kayo ken bato,+ isuda nga awan makitada wenno awan mangngegda wenno awan ammoda;+ ngem saanmo nga intan-ok+ ti Dios nga iti imana ti ayan ti angesmo+ ken makinkukua iti amin a daldalanmo.+ 24  Iti kasta manipud sanguananna adda naibaon a likud ti maysa nga ima, ket nailanad daytoy mismo a surat.+ 25  Ket daytoy ti surat a nailanad: MENE, MENE, TEKEL ken PARSIN. 26  “Daytoy ti kayulogan ti sao: MENE, ti Dios binilangna dagiti aldaw ti pagariam ket pinagpatinggana dayta.+ 27  “TEKEL, natimbangka iti gagantingan ket nasarakanka a nagkurang.+ 28  “PERES, ti pagariam nabingbingayen ket naited kadagiti Medo ken kadagiti Persiano.”+ 29  Iti dayta a tiempo nagbilin ni Belsazar, ket kinawesanda ni Daniel iti purpura, nga adda kuentas a balitok a nayukkor iti tengngedna; ket inwaragawagda maipapan kenkuana nga isu idi ti agbalin a maikatlo nga agturay iti pagarian.+ 30  Iti dayta met laeng a rabii napapatay ni Belsazar nga ari dagiti Caldeo+ 31  ket ni Dario+ a Medo inawatna a mismo ti pagarian, nga agarup innem a pulo ket dua ti tawenna idi.

Footnotes