Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Daniel 12:1-13

12  “Ket kabayatan dayta a tiempo tumakderto ni Miguel,+ ti dakkel a prinsipe+ nga agtaktakder+ maigapu iti annak ti ilim.+ Ket sigurado nga addanto dumteng a tiempo ti rigat a saan pay a naipagteng manipud kaadda ti maysa a nasion agingga iti dayta a tiempo.+ Ket bayat dayta a tiempo makalisinto ti ilim,+ tunggal maysa a masarakan a naisurat iti libro.+  Ket agriingto ti adu kadagidiay matmaturog iti tapok ti daga,+ dagitoy agturongda iti biag a di nakedngan ti kapautna+ ket dagidiay agturongda kadagiti pannakaumsi ken iti pannakarurod a di nakedngan ti kapautna.+  “Ket dagidiay addaan iti pannakatarus agsilnagdanto a kas iti kinaraniag ti tangatang;+ ken dagidiay mangyeg kadagiti adu iti kinalinteg,+ kas kadagiti bituen agingga iti tiempo a di nakedngan, iti mismo nga agnanayon.  “Ket no maipapan kenka, O Daniel, ilimedmo ti sasao ket selioam ti libro,+ agingga iti tiempo ti panungpalan.+ Adunto ti agdakiwas, ket ti pudno a pannakaammo umadunto.”+  Ket kimmitaak, siak ni Daniel, ket, adtoy! adda dua a sabsabali pay nga agtaktakder,+ maysa iti daytoy nga igid ti waig ket ti sabali sadiay nga igid ti waig.+  Idin ti maysa kinunana iti lalaki a sikakawes iti lienso,+ nga adda iti ngatuen ti dandanum ti waig: “Kasanonto ti kabayagna agingga iti panungpalan ti nakaskasdaaw a bambanag?”+  Ket nangrugi a mangngegko ti lalaki a sikakawes iti lienso, nga adda iti ngatuen ti dandanum ti waig, idi intag-ayna ti makannawan nga imana ken ti makannigid nga imana iti langlangit ket nagsapata+ babaen iti Daydiay sibibiag iti tiempo a di nakedngan:+ “Maipaayto dayta iti maysa a naituding a panawen, naituding a pampanawen ken kagudua.+ Ket apaman nga addanto panangileppas iti pannakaburak ti pannakabalin ti nasantuan nga ili,+ amin dagitoy a banag agpatinggadanto.”  Ita no maipapan kaniak, nangngegko, ngem saanko a maawatan;+ iti kasta kinunak: “O apok, anianto ti kamaudianan a paset dagitoy a banag?”+  Ket kinunana: “Mapanka, Daniel, agsipud ta ti sasao nailimed ken naselioan agingga iti tiempo ti panungpalan.+ 10  Adunto ti mangdalus iti bagbagida+ ken mangpapudaw iti bagbagida+ ket mapasudidanto.+ Ket dagidiay nadangkes pudno unay nga agtignaydanto a sidadangkes,+ ket awanto a pulos kadagiti nadangkes ti makaawat;+ ngem maawatanto dagidiay addaan iti pannakatarus.+ 11  “Ket manipud iti tiempo a naikkaten+ ti kankanayon a diaya+ ken addan panangikabil iti makarimon a banag+ a mamaglangalang, addanto sangaribu dua gasut ket siam a pulo nga aldaw. 12  “Naragsak+ daydiay agtultuloy a manginanama ken dumteng iti sangaribu tallo gasut tallopulo ket lima nga aldaw! 13  “Ket no maipapan kenka, mapanka agingga iti panungpalan;+ ket aginanakanto,+ ngem tumakderkanto maipaay iti bingaymo iti panungpalan dagiti aldaw.”+

Footnotes