Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Daniel 11:1-45

11  “Ket no maipapan kaniak, iti umuna a tawen ni Dario a Medo+ timmakderak a kas manangpapigsa ken kas sarikedked kenkuana.  Ket ita ibagak kenka no ania ti kinapudno:+ “Adtoy! Addanto pay tumakder a tallo nga ari maipaay iti Persia,+ ket daydiay maikapat+ agakupto iti dakdakkel a kinabaknang ngem iti amin a sabsabali.+ Ket apaman a pimmigsa iti kinabaknangna, gutugotennanto ti isuamin maibusor iti pagarian ti Grecia.+  “Ket sigurado a tumakderto ti maysa a nabileg nga ari ket agturay buyogen ti nakalawlawa a panagturay+ ket agaramid maitunos iti pagayatanna.+  Ket inton nakatakderen,+ maburakto ti pagarianna ket mabingbingay iti uppat nga angin+ ti langlangit,+ ngem saan nga iti putotna+ ken saan a maitunos iti panagturayna a babaen iti dayta isu nagturay; agsipud ta maparutto ti pagarianna, maipaay a mismo iti sabsabali malaksid pay kadagitoy.  “Ket pumigsanto ti ari ti abagatan, ti mismo a maysa kadagiti prinsipena; ket agballiginto maibusor kenkuana ket sigurado nga agturayto buyogen ti nakalawlawa a panagturay a dakdakkel ngem iti agturturay a pannakabalin daydiay.  “Ket iti ngudo ti sumagmamano a tawen aginnaliansadanto, ket ti mismo nga anak a babai ti ari ti abagatan umayto iti ari ti amianan tapno mangaramid iti nainkalintegan a tulagan. Ngem saannanto a mapagtalinaed ti bileg ti takiagna;+ ket isu saanto nga agtakder, uray ti takiagna; ket mayawatto, isu, ken dagidiay nangyeg kenkuana, ken ti nangputot kenkuana, ken daydiay mangpappapigsa kenkuana kadagidiay a tiempo.  Ket sigurado a tumakderto iti saadna ti maysa nga agtaud iti tarubong+ dagiti ramutna, ket umayto iti puersa militar ket umay maibusor iti sarikedked ti ari ti amianan ket sigurado nga agtignayto maibusor kadakuada ket agballigi.  Ket kasta met nga agraman ti didiosda,+ agraman dagiti sinukog a ladawanda, agraman dagiti matarigagayan nga aruatenda a pirak ken balitok, ken agraman dagiti kautibo isu umayto iti Egipto. Ket iti sumagmamano a tawen isu umadayonto iti ari ti amianan.  “Ket pudno nga umayto iti pagarian ti ari ti abagatan ket agsubli iti bukodna a daga. 10  “Ita no maipapan iti annakna, gutugotendanto ti bagbagida ket pudno nga ummongendanto a sangsangkamaysa ti maysa a bunggoy dagiti dadakkel a puersa militar. Ket no maipapan iti iyaay siguradonto nga umay ken manglapunos ken lumasat. Ngem agsublinto, ket gutugotennanto ti bagina agingga iti sarikedkedna. 11  “Ket ti ari ti abagatan pagpungtotennanto ti riknana ket rummuarto ket makirupak kenkuana, awan sabali, iti ari ti amianan; ket sigurado a pagtakderennanto ti maysa a dakkel a bunggoy, ket ti bunggoy pudno a mayawatto iti ima daydiay.+ 12  Ket ti bunggoy sigurado a maipanawto. Ti pusona tuman-okto,+ ket pudno nga ipasagnanto ti pinullo a ribu; ngem saannanto nga usaren ti nabileg a saadna. 13  “Ket ti ari ti amianan agsublinto ket mangipasdek iti bunggoy a dakdakkel ngem iti immuna; ket iti ngudo dagiti tiempo, iti sumagmamano a tawen, umayto, nga aramidenna dayta buyogen ti dakkel a puersa militar+ ken buyogen ti adu a sanikua.+ 14  Ket kadagidiay a tiempo adunto dagidiay tumakder maibusor iti ari ti abagatan. “Ket ti annak dagiti mannanakaw iti ilim, iti biangda, maisurotdanto tapno padasenda a pagbalinen a pumudno ti maysa a sirmata;+ ket maitibkoldanto.+ 15  “Ket umayto ti ari ti amianan ket mangibangon iti baluarte a panglakub+ ket pudno a mangkautibonto iti siudad nga addaan kadagiti sarikedked. Ket no maipapan kadagiti takiag ti abagatan, saandanto nga agtakder, uray ti ili dagidiay pinilina; ket awanto ti pannakabalin a mamagtalinaed a sitatakder. 16  Ket daydiay um-umay maibusor kenkuana agaramidto maitunos iti pagayatanna, ket awanto ti agtakder iti sanguananna. Ket agtakderto iti daga ti Arkos,+ ket iti imana addanto panangtalipupos.+ 17  Ket iturongnanto ti rupana+ nga umay buyogen ti kinapuersa ti intero a pagarianna, ket addanto dagiti nainkalintegan+ a kondision kenkuana; ket agtignayto a sibaballigi.+ Ket no maipapan iti anak a babai dagiti babbai, maipalubosto kenkuana nga isu dadaelenna. Ket saanto nga agtakder, ket saanto nga agtalinaed a kukuana.+ 18  Ket italiawnanto ti rupana kadagiti daga iti igid ti baybay+ ket pudno a kautibuennanto ti adu. Ket ti maysa a komandante kasapulanto a pagsardengenna ti panangumsi manipud kenkuana maipaay iti bagina, tapno awanton ti pannakaumsina. Pagsubliennanto iti daydiay. 19  Ket italiawnanto ti rupana kadagiti sarikedked ti bukodna a daga, ket sigurado a maitibkolto ken mapasag, ket saanton a masarakan.+ 20  “Ket iti saadna addanto tumakder a maysa+ a mangtignay iti manangalikagum+ tapno lumasat iti nangayed a pagarian, ket iti sumagmamano nga aldaw isu madadaelto, ngem saan nga iti unget wenno uray iti pannakigubat. 21  “Ket iti saadna addanto tumakder a maysa a maumsi,+ ket sigurado a saandanto nga isaad kenkuana ti kinatan-ok ti pagarian; ket pudno a sumrekto bayat ti kinawayawaya iti panagdanag+ ket tenglenna ti pagarian babaen iti kinalamuyot.+ 22  Ket no maipapan kadagiti takiag+ ti panglapunos, malapunosdanto maigapu kenkuana, ket madadaeldanto;+ kasta met+ ti Panguluen+ ti tulag.+ 23  Ket gapu iti panangyaliansada ti bagbagida kenkuana agaramidto iti panangallilaw ket pudno a tumpuar ken agbalin a nabileg babaen iti bassit a nasion.+ 24  Bayat ti kinawayawaya iti panagdanag,+ uray iti katabaan a paset ti masaksakupan a distrito sumrekto ket pudno nga aramidennanto ti saan nga inaramid dagiti ammana ken ti amma dagiti ammana. Ti samsam ken ginam-ud ken sansanikua iwarawarananto iti tengngada; ket gandatennanto dagiti gandatna+ maibusor iti nasarikedkedan a luglugar, ngem agingga laeng iti maysa a tiempo. 25  “Ket riingennanto ti bilegna ken ti pusona maibusor iti ari ti abagatan buyogen ti dakkel a puersa militar; ket ti ari ti abagatan, iti biangna, gutugotennanto ti bagina maipaay iti gubat buyogen ti kasta unay ti kadakkelna ken kabilegna a puersa militar. Ket saanto nga agtakder, agsipud ta manggandatdanto kadagiti gandat maibusor kenkuana. 26  Ket dagidiay mismo a mangmangan iti naimas a makmakanna iyegdanto ti pannakarbana. “Ket no maipapan iti puersa militarna, malapunosto, ket sigurado nga adunto ti mapasag a napapatay. 27  “Ket no maipapan kadagitoy dua nga ari, agannayasto ti pusoda nga agaramid iti dakes, ket iti maysa a lamisaan+ itultuloydanto a sawen+ ti kinaulbod. Ngem awanto ti agballigi,+ agsipud ta ti panungpalan agpaayto pay laeng iti tiempo a naituding.+ 28  “Ket isu agsublinto iti dagana agraman dakkel ti kaaduna a sanikua, ket ti pusona maibusorto iti nasantuan a tulag.+ Ket agtignayto a sibaballigi+ ket sigurado nga agsubli iti dagana. 29  “Iti tiempo a naituding+ agsublinto, ket pudno nga umayto maibusor iti abagatan;+ ngem ti mapasamak iti kamaudianan saanto a kas iti immuna. 30  Ket sigurado nga umayto a maibusor kenkuana dagiti barko ti Kittim,+ ket mapaglidayto. “Ket isu pudno nga agsublinto ket mangipalladaw kadagiti panangkondenar+ maibusor iti nasantuan a tulag+ ket agtignay a sibaballigi; ket kasapulanto nga agsubli ket mangipaayto iti panangikankano kadagidiay mangbaybay-a iti nasantuan a tulag. 31  Ket addanto taktakiag a tumakder, nga aggapu kenkuana; ket pudno a tabbaawandanto ti santuario,+ ti sarikedked, ket ikkatenda ti kankanayon a diaya.+ “Ket sigurado nga isaaddanto ti makarimon a banag+ a mamaglangalang.+ 32  “Ket dagidiay agtigtignay a sidadangkes maibusor iti tulag,+ iturongnanto iti panagapostasia+ babaen iti nalamuyot a sasao.+ Ngem no maipapan kadagiti umili a makaammo iti Diosda,+ mangabakdanto+ ket agtignayda a sibaballigi. 33  Ket no maipapan kadagidiay addaan pannakatarus+ kadagiti umili, mangiburaydanto iti pannakaawat kadagiti adu.+ Ket sigurado a maitibkoldanto babaen iti kampilan ken babaen iti gil-ayab, babaen iti pannakakautibo ken babaen iti pannakasamsam,+ iti sumagmamano nga aldaw. 34  Ngem inton maitibkolda matulongandanto iti bassit a tulong;+ ket sigurado nga adunto ti mangitipon iti bagbagida kadakuada babaen iti kinalamuyot.+ 35  Ket maitibkolto ti sumagmamano kadagidiay addaan iti pannakatarus,+ tapno aramidenda ti panangpasudi a trabaho gapu kadakuada ken tapno aramidenda ti panagdalus ken tapno aramidenda ti panagpapudaw,+ agingga iti tiempo ti panungpalan;+ agsipud ta agpaay pay laeng dayta iti tiempo a naituding.+ 36  “Ket ti ari pudno nga agaramidto maitunos iti bukodna a pagayatan, ket itan-oknanto ti bagina ken ipadayagna ti bagina iti ngatuen ti tunggal dios;+ ket maibusor iti Dios dagiti didios+ agsaonto iti nakaskasdaaw a bambanag. Ket sigurado a naballiginto agingga a nagpatingganton ti panangkondenar;+ agsipud ta ti banag a naikeddeng masapul a maaramid. 37  Ket iti Dios dagiti ammana saanto a mangipaay iti panangikabilangan; ket iti tarigagay dagiti babbai ken iti tunggal sabali a dios saanto a mangipaay iti panangikabilangan, no di ket iti ngatuen ti isuamin ipadayagnanto ti bagina.+ 38  Ngem ti dios dagiti sarikedked, iti saadna idayawnanto; ket ti dios a saan a naammuan dagiti ammana idayawnanto babaen iti balitok ken babaen iti pirak ken babaen iti napateg a bato ken babaen iti matarigagayan a bambanag. 39  Ket agtignayto a sibaballigi maibusor kadagiti kasasarikedkedan a salindeg, agraman iti ganggannaet a dios. Siasinoman a nangbigbig kenkuana pagbalinennanto nga aduan iti dayag, ket pudno a pagturayennanto ida kadagiti adu; ket ti daga bingaybingayennanto maipaay iti gatad. 40  “Ket iti tiempo ti panungpalan makidinnuronto kenkuana ti ari ti abagatan,+ ket maibusor kenkuana dumarupto ti ari ti amianan buyogen kadagiti karuahe ken buyogen kadagiti kumakabalio ken buyogen iti adu a barko; ket sigurado a sumrekto iti dagdaga ket manglapunos ken lumasat. 41  Pudno a sumrekto+ met iti daga ti Arkos,+ ket adunto ti dagdaga a mapagtibkol.+ Ngem dagitoy isuda dagidiay makapaglisi iti imana, ti Edom ken Moab+ ken ti kangrunaan a paset ti annak ni Ammon. 42  Ket itultuloynanto nga iyunnat ti imana maibusor iti dagdaga; ket no maipapan iti daga ti Egipto,+ saanto a makapaglisi. 43  Ket pudno nga agturayto kadagiti nalmeng a gameng ti balitok ken ti pirak ken iti amin a matarigagayan a bambanag ti Egipto. Ket dagiti taga Libya ken dagiti Etiope addadanto kadagiti addangna. 44  “Ngem addanto damdamag a mangriribuk kenkuana,+ manipud iti leleggakan ti init+ ken manipud iti amianan, ket sigurado a rummuarto nga addaan iti dakkel a pungtot tapno mangtalipupos ken tapno ipaayna ti adu iti pannakadadael.+ 45  Ket ipasdeknanto dagiti pimmalasio a toldana iti nagbaetan ti naindaklan a baybay ken ti nasantuan a bantay ti Arkos;+ ket kasapulanto nga umay agingga iti pagnguduanna,+ ket awanto ti katulongan maipaay kenkuana.+

Footnotes