Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Daniel 1:1-21

1  Iti maikatlo a tawen ti panagari ni Jehoiaquim+ nga ari ti Juda, ni Nabucodonosor nga ari ti Babilonia immay iti Jerusalem ket linakubna.+  Idi agangay inyawat ni Jehova iti imana ni Jehoiaquim nga ari ti Juda+ ken ti paset dagiti aruaten+ ti balay ti pudno a Dios, iti kasta impanna ida iti daga ti Sinar+ iti balay ti diosna; ket impanna dagiti aruaten iti balay ti gameng ti diosna.+  Idin ti ari kinunana ken Aspenaz a panguluen nga opisialna ti palasio+ a mangyeg iti sumagmamano iti annak ti Israel ken iti naarian a putot ken kadagiti natan-ok,+  annak nga awan a pulos pilawda,+ no di ket nasayaat ti langada ken addaanda iti pannakatarus iti isuamin a sirib+ ken nairuamda iti pannakaammo, ken addaanda iti panangilasin no ania ti pagaammo,+ a kadakuada met adda pannakabael nga agtakder iti palasio ti ari;+ ket isurona kadakuada ti surat ken ti pagsasao dagiti Caldeo.  Kanayonanna pay, nangituding kadakuada ti ari iti inaldaw a sustento manipud iti naimas a makmakan+ ti ari ken manipud iti arak nga in-inumenna, tapno taraknen a mismo ida iti tallo a tawen, tapno iti ngudo dagitoy agtakderda koma iti sanguanan ti ari.  Ita adda idi kadakuada ti dadduma iti annak ni Juda, da Daniel,+ Hananias, Misael ken Azarias.+  Ket ti kangrunaan nga opisial ti palasio nangituding kadakuada iti nagnagan.+ Gapuna intudingna ken Daniel ti nagan a Baltazar;+ ket ni Hananias, Sidrac; ket ni Misael, Mesac; ket ni Azarias, Abednego.+  Ngem inkeddeng ni Daniel iti pusona a saanna a rugitan+ ti bagina iti naimas a makmakan ti ari ken iti arak nga in-inumenna. Ket nagtultuloy a nagkiddaw iti kangrunaan nga opisial ti palasio tapno saanna a marugitan ti bagina.+  Iti kasta ti pudno a Dios inyawatna ni Daniel iti naayat a kinamanangngaasi ken iti asi iti sanguanan ti kangrunaan nga opisial ti palasio.+ 10  Gapuna ti kangrunaan nga opisial ti palasio kinunana ken Daniel: “Mabutengak iti apok nga ari, a nangituding iti taraonyo ken inumenyo.+ Apay, ngarud, a makitana koma dagiti rupayo a naliday ti langana no ipadis iti ubbing a kasadaryo, ket apay a pagbasolenyo koma ti ulok iti ari?” 11  Ngem kinuna ni Daniel iti agay-aywan a dinutokan ti kangrunaan nga opisial ti palasio+ a mangaywan kada Daniel, Hananias, Misael ken Azarias: 12  “Pangngaasim, subokem dagiti adipenmo iti sangapulo nga aldaw, ket bay-am nga ikkandakami iti natnateng+ a kanenmi ken iti danum nga inumenmi; 13  ket bay-am a maiparang iti sanguanam dagiti rupami ken ti rupa ti ubbing a mangmangan iti naimas a makmakan ti ari, ket sigun iti makitam aramidem kadagiti adipenmo.” 14  Kamaudiananna immimdeng kadakuada maipapan itoy a banag ket sinubokna ida iti sangapulo nga aldaw. 15  Ket iti ngudo ti sangapulo nga aldaw nagparang a dagiti rupada nasaysayaat ken naluklukmeg iti lasag ngem iti amin nga ubbing a mangmangan idi iti naimas a makmakan ti ari.+ 16  Gapuna ti agay-aywan nagtultuloy nga inikkatna ti naimas a makmakan ken ti arak nga in-inumenda ket inikkanna ida iti natnateng.+ 17  Ket no maipapan kadagitoy nga ubbing, isuda nga uppat, ti pudno a Dios nangted kadakuada iti pannakaammo ken pannakatarus iti isuamin a surat ken sirib;+ ket ni met laeng Daniel naaddaan iti pannakaawat kadagiti amin a kita ti sirmata ken tagtagainep.+ 18  Ket iti ngudo dagiti aldaw a kinuna ti ari a panangiserrek kadakuada,+ ti kangrunaan nga opisial ti palasio inyegna met ida iti sanguanan ni Nabucodonosor. 19  Ket ti ari nangrugi a makisao kadakuada, ket kadakuada amin awan ti nasarakan a kas kada Daniel, Hananias, Misael ken Azarias;+ ket nagtalinaedda a sitatakder iti sanguanan ti ari.+ 20  Ket no maipapan iti tunggal banag ti sirib ken pannakaawat+ nga inimtuod kadakuada ti ari, nasarakanna pay ida a maminsangapulo a nalalaing ngem iti amin a managsalamangka a papadi+ ken kadagiti aran+ nga adda iti intero a naarian a pagturayanna. 21  Ket nagtalinaed ni Daniel agingga iti umuna a tawen ni Ciro nga ari.+

Footnotes