Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Colosas 2:1-23

2  Ta kayatko a mabigbigyo no kasano kadakkel ti pannakidangadangko+ maigapu kadakayo ken kadagidiay adda idiay Laodicea+ ken kadagidiay amin a saan a nakakita iti rupak iti lasag,  tapno maliwliwa koma dagiti pusoda,+ tapno natunos koma ti pannakasangalda iti ayat+ ken maipaay iti isuamin a kinabaknang ti naan-anay a pammasiguro ti pannakaawatda,+ maipaay iti umiso a pannakaammo iti sagrado a palimed ti Dios, awan sabali, ni Kristo.+  Ti siaannad a naitalimeng kenkuana ket amin a gameng ti sirib ken pannakaammo.+  Kunkunaek daytoy tapno awan koma ti asinoman a tao a mangallilaw kadakayo babaen kadagiti makaguyugoy nga argumento.+  Ta nupay awanak iti lasag, kaskasdi addaak kadakayo iti espiritu,+ a sirarag-o ken sikikita iti nasayaat nga urnosyo+ ken iti kinatibker ti pammatiyo+ ken Kristo.  Gapuna, idinto ta inawatyo ni Kristo Jesus nga Apo, agtultuloykayo a magna a naikaykaysa+ kenkuana,  a naparamut+ ken maibangbangon+ kenkuana ken mapatpatibker iti pammati,+ a kas iti pannakaisuroyo, nga agliplippias iti pammati iti panagyaman.+  Agaluadkayo: amangan no adda asinoman a mangkayawto+ kadakayo kas naanupanna babaen iti pilosopia+ ken ubbaw a panangallilaw+ maitunos iti tradision dagiti tattao, maitunos iti pagdamdamuan+ a bambanag ti lubong ket saan a maitunos ken Kristo;  agsipud ta kenkuana a ti isuamin a kinanaan-anay+ ti nadibinuan+ a kababalin+ agtaeng a sibubukel. 10  Ket iti kasta ik-ikutanyo ti kinanaan-anay babaen kenkuana, nga isu ti ulo ti amin a gobierno ken autoridad.+ 11  Babaen ti pannakainaig+ kenkuana nakugitkayo+ met iti pannakakugit a saan nga inaramid dagiti ima babaen ti pananguksob iti bagi ti lasag,+ babaen ti pannakakugit a kukua ni Kristo, 12  ta naitabonkayo a naikanunong kenkuana iti bautismona,+ ket babaen ti pannakainaig kenkuana naibangonkayo met+ a sangsangkamaysa babaen ti pammatiyo+ iti panagtignay+ ti Dios, a nangibangon kenkuana manipud kadagiti natay.+ 13  Kanayonanna pay, nupay nataykayo kadagiti labsingyo ken iti di nakugit a kasasaad ti lasagyo, ti Dios pinagbiagnakayo a maikanunong kenkuana.+ Siaasi a pinakawannatayo kadagiti amin a labsingtayo+ 14  ket pinunasna+ ti insurat ti ima a dokumento+ a maibusor kadatayo, a naglaon kadagiti bilin+ ken bumusbusor idi kadatayo;+ ket inikkatna dayta babaen ti panangilansana+ iti kayo a pagtutuokan.+ 15  Idi inuksobanna a pinaglamolamo dagiti gobierno ken dagiti autoridad,+ impabuyana ida a sipapanayag iti publiko kas naparmek,+ nga iturturongna ida iti martsa ti panagballigi+ babaen iti dayta. 16  Gapuna awan koma ti tao a mangukom+ kadakayo iti pannangan ken iyiinum+ wenno maipapan iti piesta+ wenno panangngilin iti baro a bulan+ wenno iti sabbath;+ 17  ta dagidiay a banag ket anniniwan+ ti bambanag nga umay, ngem ti pudpudno+ kukua ni Kristo.+ 18  Awan koma ti tao a mangipaidam+ kadakayo iti gunggona+ a maragragsakan iti sinsinan a kinapakumbaba ken iti maysa a porma ti panagdaydayaw kadagiti anghel, nga “itakderanna” ti bambanag a nakitana, nga agtangsit nga awanan iti umiso a makagapu babaen ti nainlasagan a panagannayas ti panunotna, 19  idinto ta saan a kumkumpet a sititibker iti ulo,+ iti daydiay a manipud kenkuana ti intero a bagi, yantangay maipapaayan ken natunos ti pannakasangalna+ babaen iti nagsusuopan ken ur-uratna, agtultuloy a dumakkel iti idadakkel nga ipapaay ti Dios.+ 20  No nataykayo+ a naikanunong ken Kristo maipapan iti pagdamdamuan+ a bambanag ti lubong,+ apay a dakayo, a kasla agbibiag iti lubong, agpaspasakupkayo nga ad-adda kadagiti bilin:+ 21  “Saankayo nga agiggem, wenno mangraman,+ wenno sumagid,”+ 22  no maipapan iti bambanag a naikeddeng amin a madadael babaen iti pannakaibus, maitunos kadagiti bilin ken sursuro dagiti tattao?+ 23  Kinapudnona, dagidiay met laeng a banag agik-ikutda iti maysa a langa ti kinasirib iti kabukbukodan nga impasdek a porma ti panagdaydayaw ken sinsinan a kinapakumbaba, maysa a nakaro a panangparigat iti bagi;+ ngem awan pategda iti panangsaranget iti panangpennek iti lasag.+

Footnotes