Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Aramid 9:1-43

9  Ngem ni Saulo, a mangyes-esngaw pay laeng iti pamutbuteng ken panangpapatay+ a maibusor kadagiti adalan+ ti Apo, napan iti nangato a padi  ket dimmawat kenkuana iti sursurat nga agturong kadagiti sinagoga idiay Damasco, tapno maiyegna a sipaparaut idiay Jerusalem ti asinoman a masarakanna a kameng Ti Dalan,+ agpadpada dagiti lallaki ken babbai.  Itan bayat nga agdaldaliasat isu nakaasideg idiay Damasco, idi pagammuan ta adda lawag manipud langit a nagsilnag iti likmutna,+  ket napasag iti daga ket nakangngeg iti timek a nagkuna kenkuana: “Saulo, Saulo, apay nga idaddadanesnak?”+  Kinunana: “Siasinoka, Apo?” Kinunana: “Siak ni Jesus, nga idaddadanesmo.+  Nupay kasta, bumangonka+ ket sumrekka idiay siudad, ket maibaganto kenka ti masapul nga aramidem.”  Ita dagiti lallaki nga agbambaniaga a kaduana+ sitatakderda a di makasao,+ mangmangngegda, iti kinapudnona, ti aweng ti timek,+ ngem awan makitada nga asinoman a tao.  Ngem ni Saulo bimmangon manipud iti daga, ket nupay simumulagat dagiti matana awan ti makitana.+ Gapuna kinibinda ket intundada idiay Damasco.  Ket iti tallo nga aldaw awan ti nakitana nga aniaman,+ ket saan met a nangan wenno imminum. 10  Adda idi idiay Damasco ti maysa nga adalan a managan Ananias,+ ket ti Apo kinunana kenkuana iti sirmata: “Ananias!” Kinunana: “Adtoyak, Apo.” 11  Kinuna kenkuana ti Apo: “Tumakderka, mapanka iti kalsada a maawagan Nalinteg, ket iti balay ni Judas sapulem ti maysa a tao a managan Saulo, a taga Tarso.+ Ta, adtoy! isu agkarkararag, 12  ket iti sirmata nakitana ti maysa a lalaki a managan Ananias a sumrek ken mangipatay kenkuana kadagiti imana tapno maisubli ti panagkitana.”+ 13  Ngem insungbat ni Ananias: “Apo, nangngegkon manipud kadagiti adu maipapan itoy a lalaki, no kasano kaadu ti makadangran a bambanag nga inaramidna kadagiti sasanto idiay Jerusalem. 14  Ket ditoy isu addaan kinaturay manipud iti panguluen a papadi tapno baludenna amin dagidiay umaw-awag iti naganmo.”+ 15  Ngem kinuna kenkuana ti Apo: “Inka, agsipud ta daytoy a tao ket napili a basehas+ maipaay kaniak tapno ipanna ti naganko kadagiti nasion+ kasta met iti ar-ari+ ken iti annak ti Israel. 16  Ta ipakitakto kenkuana a silalawag no kasano kaadu ti bambanag a masapul a sagabaenna maipaay iti naganko.”+ 17  Gapuna napan ni Ananias ket simrek iti balay, ket impatayna kenkuana dagiti imana ket kinunana: “Saulo, kabsat, ti Apo, ti Jesus a nagparang kenka iti dalan nga immayam, imbaonnak, tapno maisubli ti panagkitam ket mapnoka iti nasantuan nga espiritu.”+ 18  Ket dagus nga adda nagtinnag a kasla kadagiti siksik manipud kadagiti matana, ket naisubli ti panagkitana; ket timmakder ket nabautisaran, 19  ket nangan ken pimmigsa.+ Iti sumagmamano nga aldaw isu naikuyog kadagiti adalan idiay Damasco,+ 20  ket dagus a kadagiti sinagoga rinugianna nga ikasaba ni Jesus,+ a Daytoy ti Anak ti Dios. 21  Ngem amin dagidiay makangkangngeg kenkuana nagmalmalangada ket kunaenda: “Saan kadi nga isu daytoy ti tao a nangrebbek+ kadagidiay adda idiay Jerusalem isuda nga umawag itoy a nagan, ken immay ditoy gapu itoy met laeng a panggep, tapno maipanna ida a sipaparaut iti panguluen a papadi?”+ 22  Ngem ni Saulo nagtultuloy a nakagun-od iti ad-adu pay a pannakabalin ket tiktikawenna idi dagiti Judio a nagnaed idiay Damasco bayat a lohikal a pampaneknekanna a daytoy isu ti Kristo.+ 23  Ita idi malpasen ti adu nga aldaw, dagiti Judio nagnunumuanda a sangsangkamaysa nga isu papatayenda.+ 24  Nupay kasta, naammuan ni Saulo ti panangisikatda kenkuana. Ngem binambantayanda met a siiinget dagiti ruangan agpadpada iti aldaw ken rabii tapno isu papatayenda.+ 25  Gapuna isu innala dagiti adalanna ket iti rabii impababada iti maysa a gutbaw iti pader, nga isu imbabada a naikuribot.+ 26  Idi sumangpet idiay Jerusalem+ nagreggetanna ti makitipon kadagiti adalan; ngem nagbutengda amin kenkuana, agsipud ta saanda a namati nga isu maysa nga adalan. 27  Gapuna tinulongan ni Bernabe+ ket impanna kadagiti apostol, ket imbagana a detalyado kadakuada no kasano nga iti dalan nakitana ti Apo+ ket nakisao kenkuana,+ ken no kasano nga idiay Damasco+ nagsao a situtured iti nagan ni Jesus. 28  Ket nagtalinaed a kaduada, a sumrek ken rummuar idiay Jerusalem, nga agsasao a situtured iti nagan ti Apo;+ 29  ket nakisasao ken nakisupsupiat kadagiti Judio a Griego ti pagsasaoda. Ngem ginandat dagitoy a papatayen.+ 30  Idi nasukalan daytoy dagiti kakabsat, isu insalogda idiay Cesarea ket imbaonda idiay Tarso.+ 31  Iti kasta, kinapudnona, ti kongregasion+ iti intero a Judea ken Galilea ken Samaria simrek iti maysa a panawen ti talna, a mapabpabileg; ket nagtultuloy nga immadu bayat a magmagna dayta iti panagbuteng ken Jehova+ ken iti panangliwliwa ti nasantuan nga espiritu.+ 32  Itan bayat a lumaslasat idi ni Pedro iti amin a paspaset simmalog met kadagiti sasanto nga agnaed idiay Lidda.+ 33  Sadiay nasarakanna ti maysa a lalaki a managan Eneas, a nakaidda iti langkapina iti walo a tawenen, ta isu paralisado. 34  Ket kinuna kenkuana ni Pedro:+ “Eneas, paimbagennaka ni Jesu-Kristo.+ Tumakderka ket idulinmo ti pagiddaam.” Ket timmakder a dagus. 35  Ket isu nakita dagidiay amin nga agnanaed iti Lidda ken iti tanap ti Saron,+ ket dagitoy nagturongda iti Apo.+ 36  Ngem idiay Joppe+ adda idi maysa nga adalan a managan Tabita, a, no maipatarus, kaipapananna ti Dorcas. Aduan iti naimbag nga ar-aramid+ ken sagsagut ti asi nga impapaayna. 37  Ngem kadagidi nga aldaw isu nagsakit ket natay. Gapuna dinigosda ket inkabilda iti maysa a makinngato a siled. 38  Ita yantangay ti Lidda asideg iti Joppe,+ idi nangngeg dagiti adalan a ni Pedro adda iti daytoy a siudad nangibaonda iti dua a lallaki a mapan kenkuana tapno ipakaasi kenkuana: “Pangngaasim ta dika bumdeng a dumanon kadakami.” 39  Iti kasta timmakder ni Pedro ket nakikuyog kadakuada. Ket idi simmangpet, inturongda iti makinngato a siled; ket amin dagiti balo nagparangda kenkuana nga agsangsangitda ken ipakpakitada ti adu a makin-uneg a kawkawes ken makinruar a kawkawes+ nga inar-aramid ni Dorcas bayat ti kaaddana idi kadakuada.+ 40  Ngem pinaruar ni Pedro ti isuamin+ ket, idi nagparintumeng, nagkararag, ket, idi simmango iti bagi, kinunana: “Tabita, bumangonka!” Immulagatna dagiti matana ket, idi makitana ni Pedro, nagtugaw.+ 41  Idi inyawatna kenkuana ti imana, pinatakderna,+ ket inayabanna dagiti sasanto ken dagiti balo ket imparangna a sibibiag.+ 42  Naammuan daytoy iti intero a Joppe, ket adu ti nagbalin a manamati iti Apo.+ 43  Iti sumagmamano nga aldaw isu nagtalinaed idiay Joppe+ iti maysa a Simon, maysa nga agkurkurti iti lalat.+

Footnotes