Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Aramid 5:1-42

5  Nupay kasta, maysa a lalaki, nga Ananias ti naganna, agraman ken Safira nga asawana, nangilako iti sanikua  ket sililimed a nangibati iti paset ti naglakuan, ammo met ti asawana maipapan iti dayta, ket sangkapaset laeng ti inyegna ket inkabilna iti sakaanan dagiti apostol.+  Ngem kinuna ni Pedro: “Ananias, apay a pinaturednaka ni Satanas+ nga agulbod+ iti nasantuan nga espiritu+ ken sililimed a mangibati iti paset ti naglakuan ti talon?  Bayat ti panagtalinaedna kenka saan kadi a nagtalinaed a kukuam, ket kalpasan a nailako saan kadi a nagtultuloy nga adda iti panangaywanmo? Apay a pinanggepmo ita pusom ti kas itoy nga aramid? Nagulbodka,+ saan a kadagiti tattao, no di ket iti Dios.”+  Idi mangngegna dagitoy a sasao napasag ni Ananias ket nauyos ti biagna.+ Ket dakkel a buteng+ ti immapay kadagiti amin a nakangngeg iti dayta.  Ngem timmakder dagiti ub-ubing a lallaki, isu binalkotda iti luplupot,+ ket inruarda ket intabonda.  Ita kalpasan ti agarup tallo nga oras a baet simrek ti asawana, a saanna nga ammo no ania ti napasamak.  Kinuna kenkuana ni Pedro: “Ibagam kaniak, inlakoyo kadi a dua ti talon iti kasta a pateg?” Kinunana: “Wen, iti kasta a pateg.”  Gapuna kinuna kenkuana ni Pedro: “Apay a nagtulaganyo a dua a suboken+ ti espiritu ni Jehova? Adtoy! Dagiti saka dagidiay nangitabon iti asawam addada iti ruangan, ket iruardakanto.” 10  Giddato a napasag iti sakaananna ket nauyos ti biagna.+ Idi simrek dagiti agtutubo a lallaki nasarakanda a natay, ket inruarda ket intabonda iti abay ni asawana. 11  Gapu itoy immapay ti dakkel a buteng iti intero a kongregasion ken kadagidiay amin a nakangngeg iti maipapan kadagitoy a banag. 12  Mainayon pay, babaen iti im-ima dagiti apostol adu dagiti pagilasinan ken dagiti tanda a nagtultuloy a napasamak iti tengnga dagiti tattao;+ ket addada amin a nagkaykaysa iti kolonada ni Solomon.+ 13  Pudno, awan uray maysa iti sabsabali ti nakaitured a makitipon kadakuada;+ nupay kasta, indaydayaw ida dagiti tattao.+ 14  Nangnangruna iti dayta, dagiti manamati iti Apo nagtultuloy a nainayonda, dagiti umariwekwek agpadpada dagiti lallaki ken dagiti babbai;+ 15  iti kasta inruarda dagiti masaksakit uray pay kadagiti akaba a dalan ket inkabilda ida sadiay iti babassit a pagiddaan ken kadagiti langkapi, tapno, bayat a lumablabas ni Pedro, uray laeng no ti anniniwanna malinonganna ti asinoman kadakuada.+ 16  Kasta met, nagtultuloy a naguurnong ti umariwekwek manipud kadagiti siudad iti aglikmut ti Jerusalem, nga inkuykuyogda dagiti masaksakit a tattao ken dagidiay riniribuk dagiti narugit nga espiritu, ket isuda amin maagasanda. 17  Ngem ti nangato a padi ken amin dagidiay kaduana, ti agdama idi a sekta dagiti Saduceo, timmakderda ket napnoda iti imon,+ 18  ket tiniliwda dagiti apostol ket inkabilda ida iti publiko a pakaipupokan.+ 19  Ngem bayat ti rabii linuktan ti anghel ni Jehova+ dagiti ruangan ti pagbaludan,+ inruarna ida ket kinunana: 20  “Inkayon, ket, inton nakatakderkayon idiay templo, itultuloyyo a sawen kadagiti tattao ti amin a sasao maipapan itoy a biag.”+ 21  Kalpasan a nangngegda daytoy, simrekda idiay templo iti pumarbangon ket nangrugida a mangisuro. Ita idi simmangpet ti nangato a padi ken dagidi kaduana, inayabanda a sangsangkamaysa ti Sanhedrin ken ti isuamin nga ummong dagiti lallakay ti annak ti Israel,+ ket nagbaonda iti pagbaludan tapno iyegda ida. 22  Ngem idi nakagteng sadiay dagiti soldado saanda a nasarakan ida iti pagbaludan. Gapuna nagsublida ket impadamagda, 23  a kunkunada: “Ti pagbaludan nasarakanmi a napunitan a nakataltalged ket dagiti agbambantay sitatakderda kadagiti ruangan, ngem idi luktanmi awan nasarakanmi iti uneg.” 24  Ala ket, idi a ti kapitan iti templo ken ti panguluen a papadi agpadpada a nangngegda dagitoy a sasao, nagpangpangaduada maipapan kadagitoy a banag no anianto ti pagbanagan daytoy.+ 25  Ngem dimteng ti maysa a lalaki ket impadamagna kadakuada: “Adtoy! Dagiti lallaki nga inkabilyo iti pagbaludan addada idiay templo, a sitatakder ken mangisursuro kadagiti tattao.”+ 26  Idin napan ti kapitan agraman dagiti soldadona ket inyegda ida, ngem awanan iti kinaranggas, ta nagbutengda+ nga uboren ida dagiti tattao. 27  Gapuna inyegda ida ket pinagtakderda ida iti siled ti Sanhedrin. Ket pinagsaludsodan ida ti nangato a padi 28  ket kinunana: “Sipopositibo a binilindakayo+ a dikay itultuloyen ti mangisuro maibatay iti daytoy a nagan, ket kaskasdi, adtoy! pinunnoyo ti Jerusalem iti sursuroyo,+ ket determinadokayo a mangipabaklay kadakami ti dara+ daytoy a tao.” 29  Kas sungbat kinuna da Pedro ken ti dadduma kadagiti apostol: “Masapul nga agtulnogkami iti Dios kas agturay imbes a kadagiti tattao.+ 30  Ti Dios dagidi ammami imbangonna+ ni Jesus, a pinapatayyo, nga imbitinyo iti maysa a kayo.+ 31  Ti Dios intan-okna daytoy iti makannawanna+ kas Kangrunaan nga Ahente+ ken Manangisalakan,+ tapno itdenna ti panagbabawi+ iti Israel ken pannakapakawan dagiti basol.+ 32  Ket saksikami kadagitoy a banag,+ ken kasta met ti nasantuan nga espiritu,+ nga inted ti Dios kadagidiay agtultulnog kenkuana kas agturay.” 33  Idi mangngegda daytoy, nasugatan unay ti riknada ket kayatda idi a papatayen ida.+ 34  Ngem maysa a tao ti timmakder iti Sanhedrin, maysa a Fariseo a managan Gamaliel,+ maysa a mannursuro iti Linteg nga ipatpateg ti amin a tattao, ket imbilinna nga iruarda iti apagbiit dagidi lallaki.+ 35  Ket kinunana kadakuada: “Lallaki a taga Israel,+ agaluadkayo maipapan iti panggepyo nga aramiden mainaig kadagitoy a tattao. 36  Kas pagarigan, sakbay dagitoy nga aldaw timmakder ni Teudas, a kunkunana nga isu ket naindaklan,+ ket adu a tattao, agarup uppat a gasut, ti kimmappon iti gunglona.+ Ngem isu napapatay, ket amin dagidiay nagtultulnog kenkuana nawarawarada ket nagbanagda nga awan. 37  Kalpasan kenkuana timmakder ni Judas a taga Galilea kadagidi aldaw ti panagpasalista,+ ket pinasurotna dagiti tattao. Ket kaskasdi a napukaw dayta a tao, ket amin dagidiay nagtultulnog kenkuana naiwarawarada a sisasaknap. 38  Ket ngarud, iti sidong dagiti agdama a kasasaad, kunak kadakayo, Dikay makibiang kadagitoy a tattao, no di ket baybay-anyo ida; (agsipud ta, no daytoy a gandat wenno daytoy nga aramid ket aggapu kadagiti tattao, maduprakto dayta;+ 39  ngem no aggapu iti Dios,+ saanyonto a kabaelan a dupraken ida;)+ ta no saan, amangan ta iti kinaagpaysuanna masarakankayo a mannakilaban iti Dios.”+ 40  Gapu itoy isu impangagda, ket inayabanda dagiti apostol, sinaplitda ida,+ ket binilinda ida nga isardengda ti agsasao maipuon iti nagan ni Jesus,+ ket binulosanda ida. 41  Dagitoy, ngarud, pimmanawdan iti sanguanan ti Sanhedrin, nga agragrag-oda+ agsipud ta naibilangda a maikari a maibabain maigapu iti naganna.+ 42  Ket iti tunggal aldaw idiay templo ken iti binalaybalay+ nagtultuloyda nga awan sarday a mangisuro+ ken mangideklara iti naimbag a damag maipapan iti Kristo, a ni Jesus.+

Footnotes